Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Cardinal Zuppi ꓠꓬ ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓢꓲ ꓡꓲꓹ ꓟꓶ ꓠꓹ ꓟ ꓚꓱꓹ ꓐꓱ ꓶ ꓟꓳꓢꓚꓳꓪ ꓗꓪ ꓚꓳ ꓙꓰ ꓠꓹ ꓟ ꓓꓳꓽ
Cardinal Zuppi ꓠꓬ ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓢꓲ ꓡꓲꓹ ꓟꓶ ꓠꓹ ꓟ ꓚꓱꓹ ꓐꓱ ꓶ ꓟꓳꓢꓚꓳꓪ ꓗꓪ ꓚꓳ ꓙꓰ ꓠꓹ ꓟ ꓓꓳꓽ
Bologna ꓗꓪ ꓐꓰ ꓔꓲꓺ ꓒ ꓓꓽ꓾ ꓲ-ꓔ-ꓡꓲ ꓔꓲꓺ ꓒ ꓓꓽ ꓜꓲꓼ ꓓꓴ ꓗꓪ ꓐꓰ ꓢꓽ ꓡ ꓙꓵ ꓥ ꓟ Cardinal Matteo Maria Zuppi ꓠꓬ ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓟꓳ-ꓢ-ꓚꓳ ꓗꓪ ꓚꓳ ꓙꓰ ꓠꓹ ꓟ ꓥꓳ ꓐꓰ ꓧꓳꓡꓬ ꓢꓰꓰ ꓑꓣꓰꓢꓢ ꓣꓳꓸ ꓦꓲꓻ ꓗꓪ ꓐꓰ ꓠꓽ ꓠꓬꓲ ꓠꓬꓲ ꓕꓯ ꓐꓯ ꓑꓶ ꓔ ꓡꓳ=
ꓚꓳ ꓙꓰ ꓠꓹ ꓟ ꓠꓬ 6 ꓦ 28 ꓠꓬꓲ 2023 ꓘꓳꓼ ꓗꓪ ꓐꓰ 6 ꓦ 29 ꓠꓬꓲ ꓗꓪ ꓛꓲ ꓥ ꓡꓳ= ꓬꓲꓸ ꓔꓶꓻ ꓙꓱꓼ ꓠꓬ ꓮ ꓟꓶ ꓒꓬꓱꓼ ꓔꓬ ꓟ ꓠꓲꓹ ꓫ ꓟꓬ ꓫ ꓓꓴ ꓗꓷ ꓡꓰ ꓝꓲ_ ꓟ ꓫꓵ ꓪꓴ ꓐꓱ ꓶ ꓟꓬ ꓠꓬꓲ ꓙꓲ_ ꓟ ꓚꓱꓹ ꓔꓯ ꓧꓪ ꓟꓳ ꓠꓹ ꓟ ꓐꓰ ꓢꓲ ꓡꓲꓹ ꓟ ꓚꓱꓹ ꓗꓪ ꓐꓰ ꓙꓻ ꓫꓱ ꓐ ꓡ ꓠꓹ ꓟ ꓐꓰ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱꓹ ꓙꓳ ꓡ ꓠꓹ ꓟ ꓐꓰ ꓥ ꓡꓳ=
ꓔꓲꓺ ꓒ ꓪ ꓔꓲ ꓠꓬ ꓢꓲ ꓡꓲꓹ ꓠꓹ ꓟ ꓐꓱ ꓶ ꓮ ꓘꓶꓸ ꓢꓯꓼ ꓕꓵꓼ ꓟ ꓥ ꓡꓳ꓾ ꓟꓵꓽ ꓗꓳꓸ ꓓꓵ ꓓꓵ ꓪꓴꓸ ꓓꓵ ꓣꓱꓽ ꓢꓴ ꓐꓴ ꓐꓰ ꓙꓵ ꓪꓴ ꓢꓴ ꓮ ꓙꓵ ꓔꓯ ꓢꓲ ꓡꓲꓹ ꓟ ꓚꓱꓹ ꓗꓪ ꓐꓰ ꓫꓵ ꓪꓴ ꓫꓬꓹ ꓠꓹ ꓟ ꓮ ꓕꓯ ꓟꓲ ꓢꓯꓼ ꓖꓶ_ ꓟ ꓥꓳ=
ꓴꓗꓮꓣꓲꓠꓰ ꓗꓴꓷꓼ ꓫꓵ ꓪꓴ ꓑꓶ ꓓꓴ ꓫꓸ ꓓꓴ ꓔꓳꓹ ꓜꓳ ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓥ ꓟꓲ ꓮ ꓕꓯ ꓟꓲ ꓐꓯ ꓔ ꓟ ꓥꓳ=
Add new comment