ꓙꓵꓽ ꓗ ꓟꓸ ꓒ ꓐꓴ ꓡꓰ ꓬꓰ-ꓢꓴ ꓔꓯ ꓫꓵꓽ ꓠꓬꓲˍꓟ(Daily Reflection)

Friday, March 08, 2024

ꓬꓲ ꓪꓽ ꓧꓳꓺ ꓡꓯꓽ ꓘꓳ ꓔꓬ ꓕꓯ ꓙꓵꓽ ꓗ ꓟꓸ ꓒ ꓕꓲ ꓣꓳ ꓡ ꓢꓲ꓾ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ ꓙꓲꓻ ꓙꓲˍ ꓐꓰ ꓒꓳꓹ ꓖꓶˍ ꓟ ꓔꓯ ꓟꓳꓻ ꓗꓷ ꓠꓬ꓾ ꓬꓲ ꓡꓰ ꓬꓰ-ꓢꓴ ꓔꓯ꓾ ꓪꓴ-ꓢ ꓕꓵꓼ ꓪ ꓮꓽ ꓙꓵ ꓟ ꓗꓪ ꓓꓽ ꓪꓴꓸ ꓠꓬ ꓮ ꓡꓲ ꓕꓲ ꓚꓱꓹ ꓟ ꓥ ꓡ?꓾ ꓐꓰ ꓠ ꓠꓬꓲˍ ꓡꓳ꓿²⁹ꓬꓰ-ꓢꓴ ꓡꓰ ꓒꓳꓹ ꓖꓶ ꓢꓲ꓾ ꓓꓽ ꓪꓴꓸ ꓕꓲ ꓚꓱꓹ ꓠꓬ꓾ ꓬꓲ-ꓢꓷ-ꓡꓰꓼꓳ꓾ ꓠ ꓠꓹ꓿ ꓢꓲ ꓒꓽ ꓣꓳ ꓪꓴ-ꓢ ꓠꓬ ꓕꓲ ꓔꓲꓸˍ ꓡꓰꓽ ꓟ ꓢꓲ ꓒꓽ ꓥ ꓡꓳ꓿³⁰ꓠꓴ ꓠꓬ ꓕꓲ ꓠꓲꓹ ꓟ ꓡꓱꓸꓼ꓾ ꓕꓲ ꓶꓺ ꓟꓬ ꓡꓱꓸꓼ꓾ ꓕꓲ ꓙꓽ ꓠꓲꓹ ꓡꓱꓸꓼ꓾ ꓕꓲ ꓢꓯꓼ ꓡꓱꓸꓼ꓾ ꓢꓲ ꓒꓽ ꓠꓴ ꓪꓴ-ꓢ ꓔꓯ ꓠꓲꓹ ꓠꓵ ꓠ ꓗꓹ ꓡꓳ꓾ ꓐꓯˍ ꓟ ꓕꓱ ꓟ ꓠꓬ ꓬꓲ ꓪꓴꓸ ꓕꓲ ꓚꓱꓹ ꓟ ꓥꓳ꓿³¹ꓠꓬꓲꓽ ꓚꓱꓹ ꓕꓲ ꓚꓱꓹ ꓟ ꓠꓬ꓾ ꓠꓴ ꓚꓲꓸ ꓛꓬ ꓔꓯ ꓠꓲꓹ ꓠꓵˍ ꓟ ꓡꓰ ꓐꓰ꓾ ꓢꓴ ꓔꓯ ꓠꓲꓹ ꓠꓵ ꓠ ꓗꓹ ꓡꓳ꓾ ꓐꓯˍ ꓟ ꓕꓱ ꓟ ꓥꓳ꓿ ꓕꓱ ꓠꓬꓲꓽ ꓚꓱꓹ ꓕꓯ ꓢꓲ ꓪꓴꓽˍ ꓟ ꓕꓵꓼ ꓪ ꓟꓽ ꓙꓳ꓾ ꓐꓯ ꓖꓶˍ ꓡꓳ꓿³²ꓖꓳ ꓡꓱ ꓠꓬ ꓙꓵꓽ ꓗ ꓟꓸ ꓒ ꓡꓰ ꓬꓲ ꓔꓯ꓾ ꓟꓸ ꓒꓽꓳ꓾ ꓠꓴ ꓐꓯ ꓬꓯꓼ ꓗꓷꓳ꓿ ꓬꓲ ꓕꓲ ꓔꓲꓸˍ ꓡꓰꓽ ꓪꓴ-ꓢ ꓥꓳ꓿ ꓬꓲ ꓟꓽ ꓥ ꓠꓬ ꓠꓱꓸ ꓐꓯꓼ ꓪꓴ-ꓢ ꓟꓽ ꓙꓳ꓿³³ꓕꓲ ꓠꓲꓹ ꓟ ꓡꓱꓸꓼ꓾ ꓕꓲ ꓙꓽ ꓠꓲꓹ ꓡꓱꓸꓼ꓾ ꓕꓲ ꓢꓯꓼ ꓡꓱꓸꓼ ꓪꓴ-ꓢ ꓔꓯ ꓠꓲꓹ ꓠꓵˍ ꓟ ꓐꓰ꓾ ꓚꓲꓸ ꓛꓬ ꓔꓯ ꓠꓲꓹ ꓠꓵˍ ꓟ ꓡꓰ ꓐꓰ ꓢꓴ ꓔꓯ ꓠꓲꓹ ꓠꓵˍ ꓟ ꓠꓬ꓾ ꓕꓲ ꓟꓳꓻ ꓡꓱꓸꓼ ꓛꓴꓻ ꓔꓲ ꓖꓶˍ ꓟ ꓐꓰ꓾ ꓢꓰꓼ ꓔꓲ ꓓꓴ ꓥ ꓕ ꓑꓳꓸ ꓕꓯꓽ ꓢꓲ ꓒꓵꓽˍ ꓡꓳ꓾ ꓐꓯˍ ꓡꓳ꓿³⁴ꓬꓲ ꓢꓷꓸ ꓠꓲꓹ ꓙꓳ ꓙꓳˍ ꓐꓰ ꓒꓳꓹ ꓖꓶˍ ꓟ ꓔꓯ ꓬꓰ-ꓢꓴ ꓟꓳꓻ ꓗꓷ ꓠꓬ꓾ ꓠꓴ ꓠꓽ ꓪꓴ-ꓢ ꓗꓴꓷ ꓗꓪ ꓐꓰ ꓶꓽ ꓤꓻ ꓟꓽ ꓗꓷꓹ꓾ ꓐꓯ ꓖꓶˍ ꓡꓳ꓿ ꓖꓳ ꓗꓸ ꓠꓯ ꓮꓽ ꓟˍ ꓟꓲ ꓬꓰ-ꓢꓴ ꓔꓯ ꓮꓸ ꓫꓵ ꓠ ꓠꓬꓲ ꓟꓽ ꓑꓶ꓿³⁵