ꓟꓵꓽ ꓗꓳꓸ ꓓꓵ ꓓꓵ ꓠꓬ ꓙꓲ ꓢꓴ ꓢꓲꓺ ꓤ ꓥꓳ ꓡꓳꓸ ꓓꓴ ꓔꓯ ꓣꓱꓽ ꓬꓯꓼ ꓔꓬ ꓡꓳ꓾

ꓟꓵꓽ ꓗꓳꓸ ꓓꓵ ꓓꓵ ꓠꓬ ꓙꓲ ꓢꓴ ꓢꓲꓺ ꓤ ꓥꓳ ꓡꓳꓸ ꓓꓴ ꓔꓯ ꓣꓱꓽ ꓬꓯꓼ ꓔꓬ ꓡꓳ꓾

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓙꓲ_ꓟ ꓐꓰ ꓟꓽ ꓙꓲ_ ꓟ ꓚꓱꓹ ꓔꓯ ꓟꓳꓸ ꓟꓸ ꓖꓶ_ ꓟ ꓗꓪ ꓕꓱ ꓕꓲ ꓧꓪꓹ ꓠꓬ ꓥꓳ ꓡꓳꓸ ꓓꓴ ꓚꓱꓹ ꓔꓯ ꓝꓮꓲ ꓟꓸ ꓖꓶ ꓡꓳꓹ ꓬꓰ ꓟ ꓥꓳ꓾ ꓡꓳꓹ ꓬꓰ ꓟ ꓠꓽ ꓢ ꓠꓬꓲ ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ ꓐꓰ ꓜꓲ ꓡꓯ ꓘꓳ_ ꓟ ꓙꓵꓹ ꓗꓪ “ꓣꓳ ꓤꓶꓻ ꓬꓲꓸ ꓟꓶ ꓕꓲ ꓙꓵꓹ ꓕꓯ ꓚꓲ ꓛꓬ ꓔꓱꓹ ꓚꓲ ꓛꓬ ꓓꓵꓽ ꓙ ꓔꓱꓹ ꓕ ꓢꓲ ꓠ ꓠꓬꓲ ꓠꓬ ꓥꓳ ꓡꓳꓸ ꓓꓴ ꓡꓰ ꓣꓳ ꓠꓲꓹ ꓟ ꓔꓯ ꓒꓳꓹ ꓖꓶ ꓠꓹ ꓟ ꓔꓯ ꓐꓯ ꓔ ꓡꓳ=

ꓔꓲꓺ ꓒ ꓪ ꓔꓲ ꓡꓰ ꓔꓧꓰꓳꓡꓳꓖꓲꓚꓮꓡ ꓦꓲꓣꓔꓴꓰꓢ ꓥ ꓟ ꓙꓵꓻ ꓠꓲꓹ꓾ ꓥꓳ ꓡꓳꓸ ꓓꓴ꓾ ꓠꓵꓻ ꓠꓲꓹ ꓗꓪ ꓐꓰ ꓠꓬꓲꓽ ꓚꓱꓹ ꓗꓪ ꓐꓯ ꓔ ꓟ ꓠꓬ꓾”ꓣꓳ ꓤꓶꓻ ꓗꓪ ꓠ ꓠꓬꓲ ꓘꓶꓽ ꓔꓯ ꓠꓰꓖꓮꓔꓲꓦꓰ ꓕꓲ ꓒꓳꓹ ꓗꓪ ꓐꓰ ꓒꓳꓹ ꓖꓶ ꓡ ꓕꓯ” ꓠꓲꓹ ꓟ ꓟꓽ ꓢ ꓓꓴ ꓗꓪ ꓐꓰ ꓡꓰ ꓛꓳ ꓫꓱꓽ ꓠ ꓗꓷ ꓡꓰ ꓡ ꓥꓳ꓾ “ꓣꓳ ꓤꓶꓻ ꓬꓲ ꓫꓵꓼꓪꓴꓸ ꓔꓴ ꓛꓳ ꓫꓱꓽ ꓡ ꓟ ꓗꓪ ꓐꓰ ꓫꓵꓻ ꓗꓪ ꓛꓲ ꓣꓳ ꓙ ꓫꓱꓽ ꓡ ꓟ ꓤꓶꓻ ꓗꓪ ꓢꓯꓸ ꓔꓬ ꓟ ꓗꓪ ꓙꓲ ꓖꓴ ꓟꓽ ꓙꓳ ꓠꓬ꓾ ꓮ ꓫꓵ ꓑꓶ ꓓꓴ ꓢꓯꓸ ꓔꓬ ꓙ ꓫꓱꓽ ꓠ ꓔ ꓡ꓾ ꓐꓰ ꓚꓲ ꓛꓬ ꓓꓵ ꓙ ꓠ ꓠꓬꓲ ꓢꓲ꓾ ꓣꓳ ꓤꓶꓻ ꓔꓯ ꓮ ꓡꓰ ꓗꓷ ꓡꓲ ꓗꓷ ꓝꓲ ꓠꓲꓹ ꓟ ꓐꓬ ꓡꓰ ꓢꓲ꓾ ꓙ ꓫꓱꓽ ꓬꓲꓸ ꓟꓶ ꓖꓴ ꓡꓰ ꓫꓵ ꓙꓳ_ ꓡꓳ꓾

ꓔꓲꓺ ꓒ ꓪ ꓔꓲ ꓐꓰꓠꓰꓓꓲꓚꓔ ꓫꓲ ꓡꓰ ꓐꓯ ꓔ ꓟ ꓗꓪ ꓐꓰ ꓥꓳ ꓡꓳꓸ ꓓꓴ ꓟꓽ ꓙꓳ ꓢꓯꓸ ꓔꓬ ꓙ ꓫꓱꓽ ꓔꓬ ꓢꓴ ꓠꓬ꓾ ꓠꓱꓸ ꓐꓯꓼ ꓙꓲ_ ꓟ ꓮ ꓟꓬꓹ ꓔꓯ ꓐꓬ ꓡꓰ ꓝꓲ ꓗꓴꓸ_ ꓟ ꓐꓰ ꓚꓲ ꓛꓬ ꓤꓶꓻ ꓔꓯ ꓮ ꓔꓳꓸ ꓘꓶꓽ ꓦ ꓒꓴ ꓡꓰ ꓐꓰ ꓬꓲꓸ ꓟꓶ ꓖꓴ ꓡꓰ ꓗꓴꓸ_ ꓟ ꓔꓯ ꓐꓯ ꓔ ꓟ ꓥꓳ꓾ ꓡ ꓠꓹ ꓟ ꓙꓵꓹ ꓗꓪ ꓑꓳꓢꓲꓔꓲꓦꓰ ꓙꓲ_ ꓟ ꓕꓲ ꓒꓳꓹ ꓗꓪ ꓐꓰ ꓙ ꓖꓶ ꓔ ꓠꓬ ꓮ ꓟꓶ ꓗꓪ ꓙꓲ_ ꓟ ꓗꓪ ꓐꓰ ꓢꓯꓸ ꓔꓬ ꓙ ꓫꓱꓽ ꓐ ꓡ ꓥꓳ” ꓐꓰ ꓐꓯ ꓔ ꓟ ꓥꓳ꓾

ꓔꓲꓺ ꓒ ꓪ ꓔꓲ ꓡꓰ ꓣꓳ ꓙꓲ ꓢꓴ ꓢꓲꓺ ꓤ ꓐꓴ ꓥꓳ ꓡꓳꓸ ꓓꓴ ꓠꓬ꓾ ꓣꓳ ꓬꓰ_ ꓟ ꓗꓪ ꓐꓰ ꓒꓬꓱꓼ ꓡ ꓟ ꓟꓽ ꓥ ꓟ ꓔꓯ ꓐꓯ ꓔ ꓡꓳ꓾ ꓣꓳ ꓠꓯꓼ ꓗꓪ “ꓝꓴꓔꓴꓣꓰ” ꓡ ꓠꓹ ꓟ ꓙꓵꓹ ꓙꓳ_ ꓟ ꓔꓯ ꓙꓵꓻ ꓠꓬ ꓕꓱ ꓟ ꓠꓬ ꓢꓲꓺ ꓒ ꓬꓰ-ꓢꓴ ꓫꓵꓻ ꓙ ꓟ ꓐꓰ ꓝꓮꓲ ꓢꓯꓸ ꓬꓯꓼ ꓡ ꓟ ꓐꓰ ꓣꓳ ꓔꓯ ꓢꓲ-ꓫꓬ-ꓟ-ꓦ ꓦ ꓢꓯꓼ ꓪ ꓖꓶ ꓔ ꓟ ꓑꓶ ꓓꓴ ꓥ  ꓟ ꓔꓯ ꓐꓯ ꓔ ꓡꓳ= ꓖꓳ ꓟ ꓑꓶ ꓓꓴ “ꓧꓳꓑꓰ” ꓥꓳ ꓡꓳꓸ ꓓꓴ ꓐꓯ ꓟ ꓠꓬ “ꓔꓧꓰꓳꓡꓳꓖꓲꓚꓮꓡ ꓦꓲꓣꓔꓴꓰ” ꓕꓲ ꓟ ꓥ ꓟ ꓔꓯ ꓣꓳ ꓢꓷꓸ ꓪ ꓡꓳ꓾ ꓕꓱ ꓟ ꓠꓬ ꓣꓳ ꓗꓪ ꓐꓰ ꓡ ꓟ ꓟꓽ ꓥ꓾ ꓪꓴ-ꓢ ꓗꓪ ꓐꓰ ꓖꓶ ꓔ ꓟ ꓶꓼ ꓤ ꓫꓱꓸ ꓤ ꓥ ꓟ ꓔꓯ ꓐꓯ ꓔ ꓟ ꓥꓳ꓾

ꓔꓲꓺ ꓒ ꓪ ꓔꓲ ꓡꓰ ꓙꓵꓻ ꓠꓲꓹ ꓐꓰ ꓙꓵꓻ ꓠꓲꓹ ꓟꓽ ꓙꓳ_ ꓟ ꓚꓱꓹ ꓔꓯ ꓟꓳꓸ ꓢꓲ ꓫꓬ ꓢꓴ ꓒꓳ-ꓡꓳ ꓡꓰ ꓐꓯ ꓔ ꓟ ꓗꓪ ꓐꓰ “ꓐꓯ ꓠꓬ꓾  ꓢꓲꓺ ꓒ ꓬꓰ-ꓢꓴ ꓟꓽ ꓢꓯꓸ ꓬꓯꓼ ꓡ ꓐꓰ ꓥ ꓠꓬ ꓣꓳ ꓙꓵꓻ ꓠꓲꓹ ꓠꓬ ꓬꓲ ꓖꓳꓽ ꓡꓰ ꓥ ꓟ ꓐꓰ ꓣꓳ ꓝꓴꓲ ꓗꓪ ꓐꓰ ꓡꓰ ꓓꓰ ꓔꓬ ꓡ ꓟ ꓔꓯ” ꓐꓯ ꓔ ꓡꓳ꓾ ꓢꓲꓺ ꓒ ꓬꓰ-ꓢꓴ ꓢꓯꓸ ꓬꓲꓼ ꓡ ꓟ ꓔꓯ ꓙꓵꓻ ꓟ ꓥ ꓠꓬ꓾ ꓞꓳꓸ ꓡꓰ ꓟ ꓐꓰ ꓫꓵꓻ ꓟ ꓠꓬ ꓕꓲ ꓞꓲꓼ ꓕꓲ ꓑ ꓟꓽ ꓥ ꓟ ꓔꓯ ꓣꓳ ꓚꓵ ꓚꓵ ꓢꓷꓸ ꓡ ꓡꓳ꓾ ꓖꓳ ꓡꓱ ꓥ ꓟꓲ ꓢꓲꓺ ꓒ ꓬꓰ-ꓢꓴ ꓢꓯꓸ ꓬꓲꓼ ꓡ ꓟ ꓔꓯ ꓠꓴ ꓥꓪ ꓟꓽ ꓙꓵꓻ ꓠꓬ ꓝꓲ ꓓꓴ ꓐꓴ ꓚꓺ ꓘꓶꓽ ꓟꓸ ꓘꓶꓽ ꓠꓬ ꓟꓲ ꓦꓲꓻ ꓗꓪ ꓡꓰ ꓐꓰ ꓟꓶꓽ ꓡꓰ ꓡ ꓥꓳ꓾ ꓐꓰ ꓐꓯ ꓔ ꓡꓳ=

ꓔꓲꓺ ꓒ ꓪ ꓔꓲ ꓡꓰ “ꓪꓴ-ꓢ ꓬꓲ ꓫꓱꓸ ꓤ ꓠꓵꓻ ꓠꓲꓹ ꓠꓬ ꓣꓳ ꓠꓲꓹ ꓟ ꓘꓴꓽ ꓕꓯ ꓢꓲ ꓟꓬ ꓠꓬꓲ ꓪꓴꓽ_ ꓡꓳ꓾ ꓖꓳ ꓕꓲ ꓠꓬꓲ ꓶꓼ ꓓꓳ ꓫꓱꓸ ꓓꓳ ꓗꓪ ꓐꓰ ꓙꓲ-ꓢꓴ ꓢꓲꓺ ꓤ ꓐꓴ ꓠꓯꓼ ꓗꓪ ꓙꓲ_ ꓟ ꓐꓰ ꓙ ꓫꓱꓽ ꓠꓹ ꓟ ꓟꓲ ꓣꓱꓽ ꓬꓯꓼ ꓡꓳ꓾ ꓕꓱ ꓟ ꓠꓬ ꓣꓳ ꓥꓳ ꓡꓳꓸ ꓓꓴ ꓐꓰ ꓠꓶꓽ ꓞꓹ ꓢꓲ ꓙ ꓫꓱꓽ ꓠꓹ ꓟ ꓟꓲ ꓥꓳ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ ꓔ ꓡꓳ꓾ ꓠꓲꓹ ꓟ ꓫꓵꓺ ꓢꓴ ꓠꓬ ꓮ ꓕꓯ ꓟꓲ ꓢꓲ ꓡꓲꓹ ꓟ ꓔꓯ ꓠꓲꓹ ꓫꓵ_ ꓡꓳ= ꓣꓳ ꓫꓸ ꓓꓴ ꓟꓷꓼ ꓓꓴ ꓗꓪ ꓐꓰ ꓠꓲꓹ ꓟ ꓐꓬ ꓡꓰ ꓓꓴ ꓮ ꓟꓬꓹ ꓙꓳ ꓥ ꓟꓲ ꓜꓲꓽ ꓠꓲꓹ ꓐꓰ ꓠꓲꓹ ꓟ ꓫꓵꓻ ꓢꓲ ꓥꓳ ꓡꓳꓸ ꓟ ꓠꓬ ꓠꓯ ꓞꓲꓹ ꓟ ꓗꓪ ꓐꓰ ꓙ ꓙꓰ ꓐ ꓡ ꓟ ꓔꓯ ꓐꓯ ꓔ ꓡꓳ=

ꓔꓲꓺ ꓒ ꓪ ꓔꓲ ꓡꓰ ꓙꓲ ꓢꓴ ꓢꓲꓺ ꓤ ꓐꓴ ꓔꓯ “ꓚꓲ ꓛꓬ ꓡ ꓠꓹ ꓟ ꓙꓵꓹ ꓙ ꓫꓱꓽ ꓠꓹ ꓟ ꓚꓱꓹ ꓐꓱ ꓶ ꓥꓳ ꓡꓳꓸ ꓓꓴ ꓶꓼ ꓤ ꓫꓱꓸ ꓤ ꓔꓯ ꓶꓽ ꓓꓰꓽ ꓢꓲ꓾ ꓠꓲꓹ ꓟ ꓫꓵꓺ ꓫꓵꓺ ꓡꓰ ꓥꓳ ꓡꓳꓸ ꓢꓲ꓾ ꓙ ꓫꓱꓽ ꓠꓹ ꓟ ꓐꓱ ꓶ ꓐꓯ ꓔ ꓡꓳ꓾ ꓝꓮꓲ ꓣꓳ ꓔꓯ “ ꓮ ꓕꓯ ꓟꓲ ꓬꓲꓸ ꓟꓶꓽ ꓗꓷ ꓡ ꓟ ꓔꓯ ꓥ ꓟꓲ ꓠꓬꓲꓸ ꓠꓸ ꓠꓹ ꓟ ꓐꓰ ꓪꓴ-ꓢ ꓠꓬ ꓮ ꓕꓯ ꓟꓲ ꓣꓳ ꓐꓰ ꓕꓲ ꓪ ꓠꓶꓽ ꓞꓹ ꓢꓲ ꓔꓬ ꓟ ꓔꓯ ꓓꓵꓽ ꓙ ꓢꓷꓸ ꓡꓰ ꓝꓲ ꓢꓲ꓾ ꓫꓵꓻ ꓟ ꓠꓬ ꓮ ꓕꓯ ꓟꓲ ꓣꓳ ꓕꓯ ꓢꓲ ꓗꓪ ꓧꓪꓸ ꓡꓰ ꓟꓽ ꓘꓴ ꓐꓰ ꓢꓯꓼ ꓖꓶ ꓔ ꓡꓳ=