ꓢꓲꓺ ꓒꓽ ꓬꓰ-ꓢꓴ ꓟꓴ ꓗꓪ ꓗꓴꓷꓼ ꓗꓪꓓꓯ ꓙꓰ ꓟ ꓠꓬ꓾ꓣꓳ ꓐꓱ ꓶ ꓟꓴ ꓗꓪ ꓗꓴꓷꓼ ꓗꓪ ꓙꓰ ꓠꓹ ꓟ ꓚꓱꓹ ꓔꓯ ꓧꓳꓽ ꓣꓱꓽ ꓖꓶ ꓔꓬ ꓟ ꓥꓳ꓾

ꓢꓲꓺ ꓒꓽ ꓬꓰ-ꓢꓴ ꓟꓴ ꓗꓪ ꓗꓴꓷꓼ ꓗꓪꓓꓯ ꓙꓰ ꓟ ꓠꓬ꓾ꓣꓳ ꓐꓱ ꓶ ꓟꓴ ꓗꓪ ꓗꓴꓷꓼ ꓗꓪ ꓙꓰ ꓠꓹ ꓟ ꓚꓱꓹ ꓔꓯ ꓧꓳꓽ ꓣꓱꓽ ꓖꓶ ꓔꓬ ꓟ ꓥꓳ꓾

ꓔꓲꓺ ꓒ ꓪ ꓔꓲ ꓡꓰ ꓢꓲꓺ ꓒ ꓬꓰ-ꓢꓴ ꓟꓴ ꓗꓪ ꓗꓪ ꓓꓯ ꓙꓰ_ ꓟ ꓑꓮꓲ ꓠꓽ ꓦꓬꓼ ꓠꓬꓲ ꓟꓲ-ꓢ ꓪꓽ ꓘꓴ ꓙꓵꓹ ꓕꓯ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓢꓲꓺ ꓒ ꓬꓰ-ꓢꓴ ꓟꓴ ꓗꓪ ꓗꓪ ꓓꓯ ꓙꓰ ꓟ ꓠꓬ ꓣꓳ ꓐꓱ ꓶ ꓟꓴ ꓗꓪ ꓗꓸ ꓘꓶꓽ ꓔꓯ ꓒꓴ ꓖꓶ ꓠꓹ ꓟ ꓐꓱ ꓶ ꓥ ꓡꓳ꓾ ꓐꓰ ꓐꓯ ꓔ ꓡꓳ꓾ “ꓢꓲ ꓒꓽ ꓬꓰ-ꓢꓴ ꓟꓴ ꓗꓪ ꓗꓪ ꓔꓯꓹ ꓓꓯ ꓙꓰ ꓢꓲ꓾ ꓪꓴ-ꓢ ꓡꓯꓼ ꓙ ꓕꓲ ꓛꓱꓽ ꓗꓪ ꓠꓬꓲꓸ ꓠꓸ ꓡꓰ ꓟ ꓠꓬ ꓣꓳ ꓐꓱ ꓶ ꓟꓴ ꓗꓪ ꓗꓸ ꓘꓶꓽ ꓔꓯ ꓒꓴ ꓖꓶ ꓠꓹ ꓟ ꓐꓱ ꓶ ꓥ ꓡꓳ꓾”(ꓟ-ꓘꓳ 16ꓽ19) ꓗꓪ  ꓐꓰ ꓐꓯ ꓡꓳꓹ ꓬꓰ ꓟ ꓥꓳ꓾

ꓢꓲ ꓒꓽ ꓬꓰ-ꓢꓴ ꓠꓬ ꓕꓱ ꓟ ꓡꓰ ꓐꓰ ꓐꓹ ꓐ ꓠꓯꓼ ꓗꓪ ꓡ ꓙꓰ ꓟ ꓠꓬ ꓣꓳ ꓔꓯ ꓒꓰꓹ ꓗꓷ ꓟ ꓟꓽ ꓥ ꓟ ꓡꓰ ꓐꓰ ꓣꓳ ꓐꓰ ꓬꓲꓸ ꓟꓶꓽ ꓕꓲ ꓙꓵꓹ ꓕꓯ ꓬꓲ ꓐꓰ ꓕꓲ ꓪ ꓔꓬ ꓟꓶ ꓠꓹ ꓟ ꓐꓱ ꓶ ꓥꓳ ꓡꓳꓸ ꓓꓴ ꓕꓲ ꓟ ꓖꓶ_ ꓟ ꓔꓯ ꓐꓯ ꓔ ꓡꓳ꓾ “ꓪꓽ ꓚꓲꓻ ꓗꓪ ꓓꓯ ꓙꓰ ꓐꓰ ꓬꓰ ꓠꓬ ꓬꓲ ꓠꓬ ꓣꓳ ꓐꓱ ꓶ ꓪꓽ ꓚꓲꓻ ꓓꓯ ꓛꓳ ꓒꓯꓹ ꓒꓬꓱꓼ ꓡ ꓡꓳ꓾” ꓝꓮꓲ ꓢꓲ ꓒꓽ ꓬꓰ-ꓢꓴ ꓠꓬ ꓬꓲ ꓓꓯ ꓙꓰ ꓟ ꓟꓴ ꓗꓪ ꓗꓪ ꓬꓲ ꓖꓳ ꓓꓱ ꓘꓴ ꓜꓲꓼ ꓞꓳ ꓔꓯ ꓥ ꓟꓲ ꓧꓳꓽ ꓔꓯꓹ ꓙꓰ ꓟ ꓔꓯ ꓐꓯ ꓔ ꓟ ꓥꓳ꓾

ꓣꓳ ꓥ ꓟꓲ ꓠꓲꓹ ꓡꓱ ꓗꓹ ꓛꓲ ꓛꓲ ꓐꓰ ꓓꓯ ꓙꓰ ꓟ ꓢꓲ ꓒꓽ ꓬꓰ-ꓢꓴ ꓐꓰ ꓕꓲ ꓪ ꓥ ꓡꓳ꓾ “ꓣꓳ ꓠꓬ ꓬꓲ ꓡꓯꓽ ꓒꓯꓹ꓾ ꓛꓲ ꓒꓯꓹ ꓥ ꓟ ꓔꓯ꓾ ꓐꓯ ꓢꓲ꓾ ꓣꓳ ꓠꓬ ꓬꓲ ꓐꓰ ꓖꓳ ꓓꓱ ꓕꓲ ꓟ ꓡꓰ ꓗꓷ ꓡꓰ ꓟ ꓑꓶ ꓓꓴ ꓬꓲ ꓛꓲ ꓒꓯꓹ ꓕꓲ ꓕꓳꓼ ꓠꓬ ꓣꓳ ꓮ ꓙꓵ ꓐꓱ ꓶ ꓛꓲ ꓒꓯꓹ ꓕꓲ ꓕꓳꓼ ꓥ ꓟ ꓑꓶ ꓓꓴ ꓮ ꓡꓰ ꓕꓲ ꓣꓳ ꓥ ꓟꓲ ꓣꓳ ꓡꓰ ꓟꓶꓽ ꓡꓰ ꓝꓲ_ ꓟ꓾ ꓣꓳ ꓔꓯ ꓞꓰ ꓒꓰꓹ ꓡꓰ ꓝꓲ_ ꓟ ꓟꓽ ꓬꓰ ꓡꓰ” ꓐꓰ ꓐꓯ ꓔ ꓡꓳ꓾ ꓢꓲ ꓒꓽ ꓬꓰ-ꓢꓴ ꓠꓬ ꓣꓳ ꓔꓯ ꓕꓲ ꓝꓸ ꓐꓰ ꓕꓲ ꓝꓸ ꓙ ꓖꓴ ꓧꓳꓽ ꓟꓳꓸ ꓖꓶ_ ꓟ ꓥꓳ꓾

 ꓖꓳ ꓕꓲ ꓠꓬꓲ ꓶꓼ ꓓꓳ ꓫꓱꓸ ꓓꓳ ꓗꓪ ꓐꓰ ꓪꓴ-ꓢ ꓬꓲ ꓟꓬꓱꓽ ꓔꓯ ꓠꓵꓻ ꓠꓲꓹ ꓐꓰ ꓕꓲ ꓝꓸ ꓐꓰ ꓕꓲ ꓝꓸ ꓟꓬꓱꓽ ꓬꓰ ꓠꓹ ꓟ ꓔꓯ ꓐꓯ ꓔ ꓡꓳ꓾ ꓕꓱ ꓟ ꓠꓬ꓾ “ꓚꓲ ꓛꓬ ꓤꓶꓻ ꓔꓯ ꓡꓯꓼ ꓙꓱ_ ꓟ꓾ ꓥꓳ ꓡꓳꓸ ꓓꓴ ꓔꓯ ꓖꓶ_ ꓟ꓾ ꓛꓴ ꓙꓳ ꓠꓲꓹ ꓟꓽ ꓙꓳ_ ꓟ ꓐꓰ ꓟꓽ ꓙꓲ_ ꓟ ꓔꓯ ꓙꓲ_ ꓟ ꓐꓰ ꓝꓮꓲ ꓔꓱꓹ ꓕ ꓟ꓾ ꓫꓸ ꓔꓬ ꓢꓴ ꓐꓴ ꓔꓯ ꓠꓶꓽ ꓞꓹ ꓢꓲ ꓬꓰ ꓙ_ ꓟ꓾” ꓕꓱ ꓟ ꓚꓱꓹ ꓐꓰ ꓥ ꓡꓳ꓾ꓐꓰ ꓐꓯ ꓡꓳꓹ ꓬꓰ ꓟ ꓥꓳ꓾ ꓣꓳ ꓪꓴ-ꓢ ꓟꓬꓱꓽ ꓕꓯ ꓮ ꓟꓬꓹ ꓢꓯꓼ ꓕꓵꓼ ꓠꓬ ꓢꓲ-ꓫꓬ-ꓟ-ꓦ ꓢꓯꓼ ꓪ ꓗꓪ ꓐꓰ ꓣꓳ ꓔꓯ ꓝꓮꓲ ꓒꓳꓹ ꓡꓶꓸ ꓖꓶ_ ꓡꓳ꓾ ꓬꓲ ꓔꓯ ꓟꓬ ꓠꓬꓲ ꓛꓳ ꓠꓬ ꓪ ꓛꓲꓻ ꓗꓪ ꓛꓲ ꓡꓰ ꓟ ꓡꓰ ꓐꓰ ꓣꓳ ꓠꓯꓼ ꓗꓪ ꓢꓲ ꓫꓬꓹ ꓟ ꓟꓲ ꓦꓲꓻ ꓐꓰ ꓠꓬꓲ ꓟꓳ ꓓꓴ ꓔꓯ ꓪ ꓟꓶ ꓡ ꓥꓳ꓾ ꓐꓰ ꓢꓯꓼ ꓖꓶ ꓔ ꓟ ꓥꓳ꓾

ꓖꓳ ꓟ ꓑꓶ ꓓꓴ ꓔꓲꓺ ꓒ ꓪ ꓔꓲ ꓡꓰ ꓢꓲꓺ ꓒ ꓬꓰ-ꓢꓴ ꓛꓲ ꓔꓳꓼ ꓗꓪ ꓛꓳ ꓫꓱꓽ ꓔꓬ ꓡ꓾ ꓚꓲ ꓛꓬ ꓔꓱꓹ ꓚꓲ ꓛꓬ ꓓꓵ ꓙ ꓔꓱꓹ ꓕ ꓠ ꓠꓬꓲ ꓠꓹ ꓟ ꓐꓱ ꓶ ꓘꓴ ꓔ ꓡꓳ꓾ “ꓕꓲ ꓞꓲꓼ ꓕꓲ ꓑ ꓢꓯꓼ ꓟꓬ ꓐꓱ ꓶ꓾ ꓟꓽ ꓡꓳꓹ ꓬꓰ ꓟ ꓬꓲ ꓠꓵꓻ ꓠꓲꓹ ꓐꓱ ꓶ ꓢꓯꓸ ꓔꓬ ꓟ ꓪꓴ-ꓢ ꓐꓱ ꓶ ꓢꓯꓸ ꓔꓬ ꓛꓳ ꓫꓱ ꓠꓹ ꓟ ꓐꓱ ꓶ ꓚꓲ ꓛꓬ ꓓꓵ ꓙ ꓞꓷꓹ ꓦ ꓡ꓾” ꓟꓽ ꓥ ꓠꓬ ꓚꓲ ꓛꓬ ꓠꓬ ꓒꓴ꓾ ꓫꓵꓺ꓾ ꓧꓪꓸ ꓡꓰ ꓓꓴ꓾ ꓗꓹ ꓛꓲ ꓓꓴ ꓗꓪ ꓐꓰ ꓡꓰ ꓣꓳ ꓔꓯ ꓞꓳꓹ ꓡꓰ ꓔ ꓡ꓾ ꓟꓴ ꓗꓪ ꓗꓴꓷꓼ ꓗꓪ ꓙꓰ ꓠꓹ ꓟ ꓚꓱꓹ ꓗꓪ ꓣꓳ ꓬꓲꓼ ꓤ ꓠꓬꓲ ꓤ ꓠꓶꓽ ꓛꓳ ꓕꓲ ꓛꓳꓽ ꓐꓴ ꓔꓯ ꓠꓲꓹ ꓠꓵꓻ ꓢꓲ ꓣꓳ ꓙꓲ_ ꓟ ꓛꓳ ꓒꓯꓹ ꓐꓰ ꓓꓵꓽ ꓙ ꓡꓰ ꓝꓲ_ ꓡ꓾ ꓐꓰ ꓔꓱꓹ ꓕ ꓡꓰ ꓝꓲ_ ꓡꓳ= ꓬꓲꓸ ꓟꓶꓽ ꓗꓪ ꓐꓰ “ ꓕꓲ ꓞꓲꓼ ꓕꓲ ꓑ ꓟꓴ ꓗꓪ ꓗꓴꓷꓼ ꓗꓪ ꓙꓰ ꓟ ꓚꓱꓹ ꓗꓪ ꓗꓹ ꓛꓲ ꓠꓲꓹ ꓐꓰ ꓙ ꓫꓱꓽ ꓪ ꓡꓰ ꓠꓹ ꓟ ꓐꓱ ꓶ” ꓟꓹ ꓟ ꓟ-ꓡꓲ ꓗꓪ ꓐꓰ ꓪꓽ ꓘꓴ ꓖꓶ ꓗꓷ ꓟ ꓥꓳ=