ꓢꓲ-ꓫꓬ-ꓟ-ꓦ ꓠꓬ ꓣꓳ ꓤꓶꓻ ꓠꓯꓼ ꓗꓪ ꓮ ꓕꓯ ꓟꓲ ꓙꓻ ꓖꓴ ꓧꓳꓽ ꓟꓳꓸ ꓖꓶ ꓢꓲ꓾ ꓛꓳꓽ ꓒꓯꓹ ꓬꓰ ꓖꓶ_ ꓡꓳ꓾

ꓢꓲ-ꓫꓬ-ꓟ-ꓦ ꓠꓬ ꓣꓳ ꓤꓶꓻ ꓠꓯꓼ ꓗꓪ ꓮ ꓕꓯ ꓟꓲ ꓙꓻ ꓖꓴ ꓧꓳꓽ ꓟꓳꓸ ꓖꓶ ꓢꓲ꓾ ꓛꓳꓽ ꓒꓯꓹ ꓬꓰ ꓖꓶ_ ꓡꓳ꓾

ꓔꓲꓺ ꓒ ꓪ ꓔꓲ ꓠꓬ ꓢꓲ ꓫꓬ ꓢꓴ ꓒꓲ-ꓕꓱ ꓪꓽ ꓘꓴ ꓦꓲꓻ ꓓꓽ ꓗꓪ ꓟꓵꓽ ꓗꓳ ꓓꓵ ꓓꓵ ꓤ ꓠꓱ ꓤ ꓦꓬꓼ ꓠꓬꓲ ꓕꓯ “ꓪꓴ-ꓢ ꓠꓬ ꓣꓳ ꓔꓯ ꓚꓰꓼ ꓢꓲ꓾ ꓢꓲꓺ ꓒ ꓬꓰ-ꓢꓴ ꓠꓬ ꓣꓳ ꓔꓯ ꓚꓬꓴ ꓙ ꓟ꓾ ꓢꓲ-ꓫꓬ-ꓟ-ꓦ ꓠꓬ ꓣꓳ ꓤꓶꓻ ꓠꓯꓼ ꓗꓪ ꓙ ꓖꓴ ꓧꓳꓽ ꓟꓳꓸ ꓖꓶ_ ꓡꓳ꓾” ꓐꓰ ꓐꓯ ꓖꓶ ꓔ ꓡꓳ=  

ꓔꓲꓺ ꓒ ꓪ ꓔꓲ ꓡꓰ ꓜꓲꓼ ꓡ ꓢꓴ ꓤ ꓠꓱ ꓤ ꓐꓴ ꓔꓯ Holy Trinity ꓐꓯ ꓟ ꓢꓲ-ꓫꓬ-ꓟ ꓢꓼ ꓣꓳ ꓕꓲ ꓖꓳ ꓓꓱ ꓠꓬ ꓕꓲ ꓦꓲꓻ ꓢꓴ ꓡꓰ ꓐꓰ ꓫꓱꓹ ꓟ ꓥ ꓢꓲ꓾ ꓠꓲꓹ ꓠꓵꓻ ꓡꓯ ꓘꓳ ꓟ ꓥ ꓡꓳ꓾ “ꓣꓳ ꓠꓬ ꓐꓹ ꓐ ꓪꓴ-ꓢ꓾ ꓤ ꓔꓲꓸ ꓪꓴ-ꓢ ꓐꓰ ꓢꓲ-ꓫꓬ-ꓟ-ꓦ ꓪꓴ-ꓢ ꓔꓯ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓪꓽ ꓘꓴ_ ꓡꓳ꓾ ꓪꓴ-ꓢ ꓮ ꓟꓬ ꓔꓬ ꓡ? ꓐꓰ ꓠ ꓠꓬꓲ ꓢꓲ꓾ ꓢꓽ ꓣꓳ ꓕꓲ ꓖꓳ ꓓꓱ ꓡꓰ ꓥ ꓟ ꓔꓯ ꓝꓮꓲ ꓐꓯ ꓖꓶ ꓔ ꓡꓳ= ꓤ ꓠꓱ ꓤ ꓐꓴ ꓔꓯ “ꓣꓳ ꓪꓽ ꓘꓴ  ꓙꓵꓹ ꓗꓪ ꓣꓳ ꓪꓽ ꓘꓴ ꓟ ꓗꓪ ꓮ ꓫꓵ ꓔꓯ ꓶꓽ ꓓꓰ ꓪꓽ ꓘꓴ ꓔꓬ ꓡ? ꓐꓰ ꓥ ꓟꓲ ꓠ ꓠꓬꓲ ꓔ ꓡꓳ꓾ ꓬꓲ ꓪ ꓡꓰ ꓝꓮꓲ ꓒꓳꓹ ꓖꓶ ꓟ ꓠꓬ ꓢꓲ-ꓫꓬ-ꓟ-ꓦ ꓪꓴ-ꓢ ꓠꓬ ꓣꓳ ꓔꓯ ꓮ ꓘꓶꓸ ꓠꓲꓹ ꓠꓵꓻ ꓟ ꓐꓰ ꓣꓳ ꓔꓯ ꓚꓰꓼ ꓔ ꓟ ꓪꓴ-ꓢ ꓔꓯ ꓮ ꓕꓯ ꓟꓲ ꓧꓪ ꓟꓳ ꓠꓹ ꓟ ꓐꓱ ꓶ ꓙ ꓖꓴ ꓧꓳꓽ ꓟꓳꓸ ꓖꓶ ꓔꓬ ꓡꓳ꓾ ꓐꓰ ꓐꓯ ꓔ ꓡꓳ=  

ꓣꓳ ꓢꓲꓺ ꓒ ꓬꓰ-ꓢꓴ ꓔꓯ ꓪꓽ ꓘꓴ ꓟ ꓠꓬ ꓬꓲ ꓠꓬ ꓣꓳ ꓔꓯ ꓬꓰ ꓙ_ ꓡꓳ꓾ ꓣꓳ ꓐꓰ ꓕꓲ ꓪ ꓔꓬ ꓡꓳ꓾ ꓣꓳ ꓢꓲ ꓫꓬ ꓑ ꓑ ꓘꓳꓹ ꓣꓴ ꓕꓯ ꓬꓲ ꓔꓯ ꓘꓳꓹ ꓣꓴ ꓟ ꓐꓰ ꓬꓲ ꓠꓬ ꓣꓳ ꓝꓴꓲ ꓔꓯ ꓣꓷꓠꓸ ꓖꓶ_ ꓟ ꓔꓯ ꓐꓯ ꓔ ꓡꓳ= ꓝꓮꓲ “ꓢꓲꓺ ꓒ ꓬꓰ-ꓢꓴ ꓠꓬ ꓣꓳ ꓝꓴꓲ ꓮ ꓙꓵ ꓔꓯ ꓝꓴꓲ ꓣꓷꓠꓸ ꓖꓶ_ ꓟ ꓠꓬ ꓔꓱꓹ ꓡ? ꓐꓰ ꓠ ꓠꓬꓲ ꓔ ꓡꓳ= ꓤ ꓠꓱ ꓤ ꓐꓴ ꓠꓬ “ꓬꓰꓢ” ꓐꓰ ꓒꓳꓹ ꓖꓶ_ ꓡꓳ꓾ ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓢꓲ-ꓫꓬ-ꓟ-ꓦ ꓚꓱꓹ ꓔꓯ ꓟꓳꓸ ꓝꓸ ꓢꓲ ꓐꓯ ꓖꓶ ꓔ ꓡꓳ= ꓣꓳ ꓠꓯꓼ ꓗꓪ ꓔꓬ ꓟ ꓢꓲ-ꓫꓬ-ꓟ-ꓦ ꓠꓬ ꓢꓚꓣꓮꓰꓠꓔꓴ ꓐꓰ ꓢꓲ ꓫꓬ ꓖꓳ ꓓꓱ ꓔꓲꓹ ꓟ ꓔꓯ ꓘꓳꓹ ꓣꓴ ꓟ ꓗꓪ ꓐꓰ ꓥ ꓡꓳ ꓐꓰ ꓐꓯ ꓔ ꓡꓳ= ꓢꓲ-ꓫꓬ-ꓟ-ꓦ ꓠꓬ ꓣꓳ ꓤꓶꓻ ꓗꓪ ꓛꓳꓽ ꓒꓯꓹ ꓒꓬꓱꓼ ꓡꓰ ꓟ ꓥꓳ꓾ ꓐꓰ ꓐꓯ ꓔ ꓡꓳ= ꓢꓲ-ꓫꓬ-ꓟ-ꓦ ꓠꓬ ꓣꓳ ꓔꓯ ꓮ ꓕꓯ ꓟꓲ ꓙꓲ_ ꓟ ꓚꓱꓹ ꓔꓯ ꓡꓰ ꓧꓳꓽ ꓟꓳꓸ ꓖꓶ_ ꓟ ꓐꓰ ꓫꓸ ꓓꓴ ꓔꓳꓹ ꓜꓳ ꓡ ꓕꓯ ꓗꓳꓸ ꓙꓰ ꓐ ꓡ ꓑꓶ_ ꓟ ꓢꓯꓼ ꓪ ꓔꓯ ꓖꓶ_ ꓟ ꓔꓯ ꓐꓯ ꓔ ꓡꓳ꓾

 ꓬꓲꓸ ꓟꓶꓽ ꓗꓪ ꓐꓰ ꓔꓲꓺ ꓒ ꓪ ꓔꓲ ꓡꓰ ꓤ ꓠꓱ ꓐꓴ ꓔꓯ ꓟꓹ ꓟ ꓟ-ꓡꓲ ꓚꓱꓹ ꓔꓯ ꓐꓯ ꓖꓶ_ ꓡꓳ꓾ ꓟꓴ ꓗꓪ ꓗꓪ ꓔꓬ ꓟ ꓣꓳ ꓟꓹ ꓟ ꓟꓬꓱꓺ ꓠꓬ ꓮ ꓡꓰ ꓥ ꓡ? ꓤ ꓠꓱ ꓐꓴ ꓠꓬ ꓟꓮꓣꓬ ꓐꓰ ꓐꓯ ꓔ ꓡꓳ꓾ ꓔꓲꓺ ꓒ ꓪ ꓔꓲ ꓡꓰ ꓬꓲ ꓶꓼ ꓓꓳꓽ ꓫꓱꓸ ꓓꓳꓽ ꓔꓯ ꓬꓲꓸ ꓟꓶꓽ ꓢꓰꓼ ꓗꓷ ꓢꓲ ꓤ ꓠꓱ ꓐꓴ ꓔꓯ ꓐꓹ ꓐ ꓟꓹ ꓟ꓾ ꓮ ꓑ ꓮ ꓬ꓾ ꓠꓻ ꓔꓬ ꓢꓴ ꓐꓴ ꓗꓴꓷꓼ ꓢꓲ ꓡꓲꓹ ꓠꓹ ꓟ ꓐꓱ ꓶ ꓪꓽ ꓘꓴ ꓠꓹ ꓟ ꓐꓯ ꓖꓶ ꓔ ꓡꓳ= ꓔꓲꓺ ꓒ ꓪ ꓔꓲ ꓡꓰ “ꓣꓳ ꓮ ꓙꓵ ꓐꓱ ꓶ” ꓪꓽ ꓘꓴ ꓙ ꓓꓴ ꓬꓰ ꓡꓯ ꓖꓳ ꓕꓯ ꓢꓲ ꓣꓳ ꓮ ꓙꓵ ꓝꓮꓲ ꓙꓻ ꓫꓱꓽ ꓐ ꓡ ꓥꓳ ꓐꓰ ꓢꓯꓼ ꓖꓶ ꓔ ꓡꓳ=