ꓥꓪ ꓠꓴ ꓐꓹ ꓐꓽꓳ ꓐꓰ ꓘꓴ ꓡꓯ=

ꓠꓲꓹ ꓠꓵꓹ ꓟ ꓬꓲꓽ ꓤꓽ ꓠꓬꓲ ꓤꓽ ꓐꓴꓳ-ꓸ ꓠꓬꓲ ꓠꓬꓲ ꓦ ꓡꓱ ꓚꓱꓹ ꓟꓹ ꓟꓲ ꓒꓶ ꓟꓹ ꓖꓶ ꓡꓯꓽ ꓘꓳ ꓟ ꓙꓲꓹ ꓔꓱ ꓟ ꓗꓪ-ꓸ ꓟꓴ ꓗꓪ ꓗꓪ ꓔꓬ ꓟ ꓣꓳ ꓐꓹ ꓐꓽ ꓪꓴ-ꓢ ꓔꓯ ꓥꓪ ꓠꓴ ꓐꓸ ꓐꓽꓳꓽ-ꓸ ꓐꓰ ꓘꓴ ꓠꓹ ꓟ ꓢꓲ-ꓒꓽ ꓬꓰ-ꓢꓴ ꓡꓰ ꓟꓸ ꓔ ꓟ ꓪꓽ ꓘꓴ ꓥꓳꓼ ꓗꓪ ꓓꓽ ꓪꓴ ꓖꓴ ꓗꓷ ꓔꓸ ꓡꓳ= ꓕꓱ ꓟ ꓠꓬ- ꓐꓸ ꓐꓸ ꓟꓹ ꓟ ꓐꓰ ꓮ ꓐꓲ ꓮ ꓟꓲ ꓐꓴ ꓠꓬꓲꓽ ꓗꓴ ꓚꓹ ꓗꓪ ꓙ ꓡꓯ ꓘꓳ ꓟ ꓠꓵ ꓠꓲꓹ ꓕꓲꓽ ꓡꓲꓹ ꓐꓰ ꓟꓳ ꓖꓶꓽ ꓔꓸ ꓟ ꓥ- ꓡꓳ= ꓢꓲ- ꓫꓬ- ꓟ- ꓦ ꓠꓬꓸ ꓶ ꓓꓰꓽ ꓪ ꓘꓴ ꓠꓹ ꓟ ꓗꓪ ꓖꓳ ꓟꓳꓹ ꓖꓶꓼ ꓢꓴ ꓦ ꓥ ꓟ- ꓘꓶꓽ ꓫꓵꓼ ꓫꓵꓽ ꓢꓲ ꓫꓬ ꓕꓳ- ꓶ ꓗꓪ ꓡꓳꓸ ꓟꓳ ꓡꓳ= ꓢꓲ- ꓒ ꓬꓰ- ꓢꓴ ꓡꓯꓼ ꓐꓳ ꓔꓶ ꓓꓴ ꓕꓯꓽ ꓢꓲ ꓗꓪ ꓘꓴꓸꓸ ꓗꓷ ꓟ-ꓸ ꓥꓪ ꓪꓴ- ꓢ -ꓸ ꓥꓪ ꓪꓴ- ꓢ ꓐꓯꓸ ꓟ ꓠꓬ ꓢꓲ ꓒ ꓬꓰ- ꓢꓴ ꓐꓰ ꓐꓹ ꓐꓽ ꓪꓴ-ꓢ ꓐꓴ ꓙꓸꓸ ꓡꓯ ꓘꓳ ꓓꓴ ꓙꓳ_ ꓟ ꓔꓯ ꓟꓸ ꓖꓶꓽ ꓡ ꓟ ꓡꓰ ꓐꓰ ꓣꓳꓽ ꓙꓵꓸꓹ ꓠꓲꓹ ꓐꓰꓪ ꓘꓴ ꓘꓶꓽ ꓔꓯ ꓓꓽ ꓔꓳꓹ ꓖꓶ ꓡ ꓟ ꓥꓳ= ꓖꓳ ꓟ ꓪꓴ ꓠꓬꓲ ꓢꓲ-ꓒ ꓬꓰ- ꓢꓴ ꓚꓲꓸ ꓛꓬ ꓟꓸ ꓔ ꓟ ꓪ ꓘꓴꓽ ꓓꓴ ꓔꓯ ꓐꓯ ꓡꓯ=