ꓪꓴ-ꓢ ꓠꓬ ꓠꓵ ꓠꓲꓹ ꓥ ꓡꓳ=

         ꓤ ꓠꓱ ꓤ ꓕꓲꓽ ꓣꓳ ꓡꓰ ꓮ ꓘꓶꓸ ꓫꓸ ꓔ ꓟ ꓕꓲꓽ ꓫꓵꓽ ꓥꓪ ꓔꓯ ꓠ ꓠꓬꓲ_ ꓡꓳ= ꓬꓲ ꓡꓰ ꓠ ꓠꓬꓲ_ ꓟ ꓠꓬ-ꓸ ꓔꓲ-ꓒ ꓓꓽ ꓪꓴ-ꓢ ꓠꓬ ꓟꓲ ꓠꓯ ꓟꓽ ꓚꓰꓼ ꓢꓲ ꓟꓲꓽ ꓕꓯ ꓮ ꓫꓵꓽ ꓬꓲ ꓔꓯ_ꓡ? ꓐꓰ ꓠ ꓠꓬꓲ_ ꓡꓳ= ꓕꓱ ꓟ ꓔꓯ ꓒꓳꓹ ꓖꓶ ꓠꓹ ꓟ  ꓐꓱ ꓶ ꓮ ꓘꓶꓸ ꓫꓸ ꓔ ꓡꓳ= ꓥꓪ ꓬꓲ ꓔꓯ ꓕꓱ ꓡꓱ ꓝꓮꓲ ꓕꓱ ꓡ ꓗꓷꓳ= ꓟꓲ ꓠꓯ ꓔꓯ ꓟꓽ ꓚꓰꓼ ꓢꓲ ꓟꓲꓽ ꓕꓯ ꓗꓪ ꓪꓴ-ꓢ ꓠꓵ ꓠꓲꓹ ꓥ ꓡꓳ= ꓪꓴ-ꓢ ꓠꓬ ꓠꓵ ꓠꓲꓹ ꓥ ꓟ ꓑꓶꓸ ꓓꓴ ꓥ ꓡꓳ= ꓬꓲ ꓠꓯꓼ ꓗꓪ ꓠꓵ ꓠꓲꓹ ꓔꓬ ꓟ ꓑꓶꓸ ꓓꓴ ꓥ ꓡꓳ= ꓠꓵ ꓠꓲꓹ ꓠꓬ ꓐꓹ ꓐ-ꓸ ꓤ ꓔꓲꓸ-ꓸ ꓢꓲ-ꓫꓬ-ꓟ-ꓦ ꓗꓪ ꓐꓰ ꓥ ꓡꓳ= ꓕꓱ ꓟ ꓠꓬ ꓮ ꓘꓶꓸ ꓪꓴꓽ_ ꓟ ꓥ ꓡꓳ= ꓮ ꓘꓶꓸ ꓪꓴꓽ_ ꓟ ꓑꓶꓸ ꓓꓴ ꓬꓲ ꓚꓲ ꓛꓬ ꓐꓱ ꓶ ꓡꓰ ꓟꓽ ꓞꓲ ꓠꓱꓸ ꓐꓯꓼ ꓔꓯ ꓥ ꓟꓲ ꓖꓶ ꓠꓹ ꓟ ꓐꓱ ꓶ ꓬꓲ ꓚꓲ ꓛꓬ ꓓꓳꓸꓸ ꓡ_ ꓟ ꓥꓳ= ꓖꓳ ꓟ ꓑꓶꓸ ꓓꓴ ꓪꓴ-ꓢ ꓡꓰ ꓟꓲ ꓠꓯ ꓔꓯ ꓚꓰꓼ ꓔ ꓟ ꓥ ꓡꓳ=