ꓮ ꓝꓲ ꓠꓬꓲ ꓟ ꓠꓬꓲꓽ ꓣꓳ ꓟꓸ ꓟꓲꓽ

                     ꓮ ꓝꓲ ꓠꓬꓲ ꓟ ꓠꓬꓲꓽ ꓣꓳ ꓟꓸꓟꓲꓽ

ꓤꓽ ꓠꓱ ꓤ ꓣꓱꓽ ꓢꓴ ꓠꓬ-ꓸ ꓬꓲꓸ ꓪ ꓐꓹꓐꓹ ꓟꓹ ꓟ ꓕꓲꓽ ꓣꓳꓽ ꓕꓲ ꓣꓳ ꓠꓲꓹ ꓠꓵ ꓡꓯꓼ ꓘꓳ ꓔꓬ_ ꓔꓯ ꓮ ꓘꓶꓸ ꓠꓲꓹ ꓘꓪꓽ ꓫꓵ_ꓡꓳ= ꓗ ꓛꓲ_ ꓡꓳ= ꓮ ꓡꓲ ꓗꓪ ꓛꓲ ꓬꓰ_ꓟꓲ ꓦꓲꓸꓹ ꓗꓪ_ꓡꓰꓽ ꓬꓲꓼ ꓡ ꓢꓲꓼ_ ꓡꓳ= ꓮ ꓗꓪ ꓛꓲ ꓬꓰ_ ꓟꓲ-ꓸ ꓦꓲꓸꓹ ꓔꓯ_ ꓡꓰꓽ ꓓꓵꓽ ꓙ ꓟꓶ_ ꓡꓳ= ꓮ ꓡꓲꓳ ꓐꓯ ꓠꓬ-ꓸ ꓦꓲ ꓘꓴꓽ ꓗꓪ ꓠꓵꓹ ꓠꓲ ꓙꓳ_ ꓠꓬꓲ ꓥꓳ=

ꓣꓳꓽ ꓤꓶꓸꓹ ꓗꓪ_ ꓟꓲ ꓓꓵꓽ ꓙ ꓠꓬꓲ= ꓣꓳꓽ ꓐꓹ ꓐ ꓟꓹ ꓟ ꓣꓱꓽ ꓡꓯꓼ ꓘꓳ ꓔꓬꓹ ꓕꓯ ꓣꓳꓽ ꓮ ꓘꓶꓸ ꓠꓲꓹ ꓟ ꓫꓸ ꓟꓽ ꓥ ꓡ? ꓦꓲꓸꓹ ꓗꓪ ꓐꓰ ꓛꓰꓹ ꓙꓰ ꓠꓲꓹ ꓫꓵ_ ꓟꓽ ꓥ ꓡ? ꓦꓲꓸꓹ ꓘꓴꓽ ꓗꓪ ꓔꓬꓹ ꓠꓲꓹ ꓟ ꓫꓵꓽ ꓟ ꓥ ꓡ?

ꓖꓳ ꓡꓱ ꓠꓬꓲ-ꓸ ꓦꓲꓸꓹ ꓘꓴꓽ ꓗꓪ ꓠꓵꓹ ꓠꓲꓹ ꓟꓳꓸ ꓖꓶꓽ ꓡꓯ ꓘꓳ ꓡꓯ= ꓐꓹ ꓐ ꓟꓹ ꓟ ꓣꓱꓽ ꓢꓴ ꓐꓴ_ ꓟꓲ ꓤꓽ ꓠꓱ ꓤꓽ ꓐꓴ ꓔꓯ ꓠꓵꓹ ꓠꓲꓹ ꓟꓳꓸ ꓖꓶ ꓽ ꓢꓲ-ꓸ ꓤ ꓠꓱ ꓤꓽ ꓐꓴ ꓥ_ ꓟꓲ ꓐꓹ ꓐ ꓟꓹ ꓟ ꓐꓴ ꓔꓯ ꓒꓵꓽ ꓗ ꓚꓰꓸꓸ ꓠꓲꓹ ꓠꓵ ꓢꓲ-ꓸ ꓦ ꓡꓱ ꓐꓳ_ꓟ ꓤꓽ ꓠꓱ ꓤꓽ ꓐꓴ ꓒꓬꓱꓼ ꓡ ꓝꓲ=