ꓑꓮꓓꓴꓮ ꓡꓳ ꓒꓱ ꓗꓪ ꓚꓳ ꓢꓲ-ꓫꓬ ꓟ ꓮ-ꓕꓳꓥ-ꓠꓲ (ꓮꓠꓔꓧꓳꓠꓬ)

ꓑꓮꓓꓴꓮ ꓡꓳ ꓒꓱ ꓪ ꓚꓳ ꓢꓲ-ꓫꓬ ꓟ ꓮ-ꓕꓳꓥ-ꓠꓲ

ꓑꓮꓓꓴꓮ ꓡꓳ ꓒꓱ ꓗꓪ ꓚꓳꓸ ꓢꓲ-ꓫꓬ ꓟ ꓮ-ꓕꓳꓥ-ꓠꓲ ꓠꓬ ꓑꓳꓣꓔꓴꓖꓮꓡ ꓗꓴꓷꓼ ꓗꓪ ꓚꓳ ꓥ ꓡꓳ= ꓬꓲ ꓟꓬꓱꓸꓸ ꓚꓵ ꓚꓵ ꓠꓬ ꓝꓰꓣꓠꓮꓠꓓꓳ ꓟꓮꓣꓔꓲꓠꓢ ꓓꓰ ꓐꓴꓡꓧꓳꓰꓢ ꓥ ꓡꓳ= 1195 ꓘꓳꓼ 8ꓦ ꓟ 15 ꓠꓬꓲ ꓕꓯ ꓒꓬꓱꓼ ꓟꓳꓸꓸ ꓔ ꓥ ꓡꓳ= ꓬꓲ ꓪꓽ ꓠꓬ ꓞꓳ ꓐꓳ ꓥ ꓠꓬꓲ ꓟꓽ ꓓ ꓙꓲ ꓖꓴ ꓡꓰ ꓟ ꓢꓷꓸ ꓠꓲ ꓙꓳꓽ ꓗꓪ ꓢꓳ ꓪꓸ ꓡꓳ= ꓬꓲ ꓪꓴ ꓠꓬ ꓡꓲꓢꓐꓳꓠ ꓡꓳ ꓒꓱ ꓗꓪ ꓟ ꓧꓳꓡꓬ ꓚꓣꓳꓢꓢ ꓐꓯ_ꓟ ꓔꓲ-ꓒ ꓒꓬꓱꓼ ꓦꓲ ꓗꓪ ꓔꓲ-ꓒ ꓬꓰ ꓠ ꓟ ꓢꓯꓼ ꓕꓵ_ ꓡꓳ= ꓡꓲꓢꓐꓳꓠ ꓗꓪ ꓔꓬꓹ ꓕꓯꓽ ꓬꓲ ꓐ-ꓐ ꓟ-ꓟ ꓐꓰ ꓫꓵ ꓤꓼ ꓧꓪ ꓤ ꓐꓴ ꓕꓲ ꓑꓹ ꓟ ꓦ ꓡ_ꓟ ꓪꓴꓸ ꓠꓬꓲ ꓠꓲ ꓚꓳꓲꓟꓐꓣꓮ ꓡꓳ ꓒꓱ ꓗꓪ ꓚꓵꓸ ꓙꓲ ꓠ ꓟ ꓐꓱ ꓶ꓾ ꓕꓯꓽ ꓢꓲ ꓗꓪ ꓙꓵꓽ ꓢꓴ ꓔꓯ ꓓꓰꓽ ꓢꓲ ꓠꓬꓲ ꓚꓵꓸ ꓙꓲ ꓡꓳ=

ꓬꓲꓸ ꓟꓶꓽ ꓗꓪ ꓬꓲꓸ ꓠꓬ ꓝꓣꓮꓠꓚꓲꓢꓚꓮꓠ ꓔꓲ-ꓒ ꓜꓴꓸꓹ ꓗꓪ ꓓꓵꓽ ꓬꓰ ꓢꓲꓸ ꓔꓲ-ꓒ ꓒꓬꓱꓼ ꓡꓸꓸꓳ= ꓮ ꓡꓲꓳ ꓐꓯ ꓠꓬ ꓟꓳꓣꓳꓚꓳ ꓗꓴꓷꓼ ꓗꓪ ꓔꓲ-ꓒ 5 ꓣꓳ ꓔꓯ ꓢꓰꓼ ꓗꓷ ꓟ ꓪꓴꓸ ꓠꓬꓲ ꓠꓲ꓾ ꓬꓲꓸ ꓠꓬ ꓟ ꓙꓳꓸꓸ ꓙꓳꓸꓸ ꓧꓳꓡꓬ ꓚꓣꓳꓢꓢ ꓜꓴꓸꓹ ꓗꓪ ꓐꓰ ꓝꓣꓮꓠꓚꓲꓢꓚꓮꓠ ꓔꓲ-ꓒ ꓜꓴꓸꓹ ꓗꓪ ꓚꓵꓸ ꓬꓰ ꓟ ꓥ ꓡꓳ= ꓟꓳꓣꓳꓚꓳ ꓛꓵ_ꓟꓲ ꓠ ꓓꓴ ꓔꓳ ꓜꓳꓽ ꓢꓲ ꓡ ꓡꓹ ꓕꓯꓽ ꓢꓲꓚꓲꓡꓬ ꓗꓪ ꓦꓽ ꓠ  ꓗꓷ ꓡꓰꓳ= ꓮ ꓡꓲꓳ ꓐꓯ ꓠꓬ ꓬꓲ ꓡꓳꓽ ꓐꓱ ꓗꓪ ꓟꓲ ꓦꓲ ꓓ ꓟ ꓙꓱꓼ ꓡ ꓢꓲ ꓦꓽ ꓠ ꓗꓷ ꓡꓰꓳ=

ꓬꓲ ꓠꓬ ꓑꓮꓓꓴꓮ ꓗꓪ ꓶ ꓓꓳꓽ ꓫꓱꓹ ꓓꓳꓽ ꓚ ꓢꓲ ꓠ ꓢꓴ ꓒꓬꓽ ꓢꓴ ꓔꓯ ꓬꓰ ꓙꓽ ꓟ_ꓐꓰ ꓪꓽ ꓘꓴ ꓖꓶ ꓟ ꓗꓪ ꓟꓬꓱ ꓓꓳꓽ ꓙꓳ ꓢꓴ ꓥ ꓡꓳ= ꓬꓲ ꓔꓯ 1946 ꓘꓳꓼ 1 ꓦ ꓟ 16 ꓠꓬꓲ ꓕꓯ ꓓꓳꓚꓔꓳꓣ ꓳꓝ ꓚꓧꓴꓣꓚꓧ ꓐꓯ ꓟ ꓘꓴ-ꓜꓲ-ꓞꓳ ꓠꓯꓸꓼ ꓗꓪ ꓟ ꓢꓷꓸ ꓠꓲꓹ ꓓꓸꓹ ꓒꓽ ꓐꓰ ꓟꓬꓱ ꓓꓳꓽ ꓖꓶ ꓗꓷꓸꓸꓳ=