ꓠꓴ ꓔꓵꓸ ꓔꓵꓼ ꓢꓳ ꓣꓴ ꓓꓴ ꓬꓰ˗ꓸ

ꓡꓯ˗ꓟꓯ˗ꓓꓳ˗ꓡꓳ

Thursday, February 25, 2021

ꓠꓴ ꓔꓵꓸ ꓔꓵꓼ ꓢꓳ ꓣꓴ ꓓꓴ ꓬꓰ˗ꓸ
# ꓬꓲꓸ ꓙꓵꓸꓹ ꓠꓬ ꓕꓲꓽ ꓑꓼ ꓖꓴ ꓡꓰ ꓥꓳ˗ꓸ
# ꓡꓽ ꓞꓳ ꓥꓼˍ ꓟꓲ ꓕꓲꓽ ꓑ ꓕꓲꓽ ꓫꓵꓽ ꓒꓳꓹ ꓚꓰꓼ ꓥꓳ˗ꓸ
# ꓓꓵꓽ ꓙ ꓠꓲꓹ ꓥꓹ ꓟꓲ ꓕꓲꓽ ꓑ ꓕꓲꓽ ꓫꓵꓽ ꓓꓵꓽ ꓙ ꓟꓶ ꓚꓰꓼˍ ꓡꓳ˗ꓸ

ꓮ ꓡꓰ ꓕꓲꓽ ꓙꓵꓸꓸ ꓗꓪˍ ꓟꓲ ꓠꓴ ꓐꓰ ꓕꓲꓽ ꓛꓳꓼ ꓮꓽ ꓟ ꓟꓽ ꓔꓬ ꓪ ꓡ˗ꓸ ꓮ ꓡꓰ ꓕꓲꓽ ꓚꓱ ꓗꓪˍ ꓟꓲ ꓠꓴ ꓐꓰ ꓕꓲꓽ ꓡꓰꓼ ꓮꓽ ꓟ ꓟꓽ ꓔꓬ ꓡ˗ꓸ ꓠꓴ ꓐꓰ ꓮ ꓕꓯꓽ ꓥꓼˍ ꓟꓲ ꓔꓬ ꓢꓴ ꓠꓬ ꓠꓴ ꓚꓲꓸ ꓛꓬꓽ ꓥꓳ꓿
ꓖꓳ ꓟ ꓪꓴꓸ ꓠꓬꓲ ꓠꓴ ꓢꓯꓼ ꓪ ꓙꓳ ꓠ ꓗ ꓡꓳ˗ꓸ

ꓮ ꓡꓰ ꓕꓲꓽ ꓚꓱꓼ ꓗꓪ ꓥꓼˍ ꓟꓲ ꓠꓴ ꓐꓰ ꓕꓲꓽ ꓡꓲꓼ ꓮꓽ ꓟ ꓔꓬ ꓟꓽ ꓐ ꓡ˗ꓸ
ꓠꓴ ꓔꓯꓸ ꓕꓲꓽ ꓡꓰꓼ ꓬꓰ ꓙ ꓢꓴ ꓟꓽ ꓔꓬ˗ꓸ ꓠꓴ ꓔꓵꓼ ꓔꓵꓼ ꓢꓯꓼ ꓕꓵꓼ ꓠ ꓗ ꓡꓳ˗ꓸ
ꓠꓴ ꓔꓯꓸ ꓮ ꓕꓯꓽˍ ꓟꓲ ꓠꓲꓹ ꓟ ꓢ ꓝꓲˍ ꓢꓴ ꓠꓬ ꓠꓴ ꓚꓵꓸ ꓛꓬꓽ ꓥ ꓡꓳ˗ꓸ
ꓠꓴ ꓔꓯꓸ ꓮ ꓕꓯꓽ ꓟꓲ ꓫꓱꓸ ꓤꓼ ꓢꓴ ꓠꓬ ꓠꓴˍ ꓡꓰꓽ ꓥꓳ˗ꓸ
ꓖꓳ ꓟ ꓪꓴꓸ ꓠꓬꓲ ꓮꓽ ꓟ ꓔꓯꓸˍ ꓟꓲ ꓕꓽ ꓥꓳ ꓡꓳꓸ ꓠꓴ ꓬꓰ ꓠꓯꓼ ꓟ ꓟꓬꓱꓽ ꓔꓯꓸ ꓠꓴ ꓬꓰ˗ꓸ ꓠꓴ ꓠꓯꓼ ꓗꓪ ꓟꓽ ꓥꓳꓽ ꓡꓰ ꓠꓼ ꓟ ꓤ ꓟꓳ ꓢꓲ ꓢꓯꓼ ꓕꓵꓼ ꓬꓰ ꓪ ꓡꓰ ꓝꓲ꓿

ꓠꓴ ꓚꓵꓸ ꓛꓬꓽ ꓠꓴ ꓦ ꓡꓱ ꓓꓴ ꓬꓰ ꓟꓲ ꓠꓯ ꓤꓶꓽ ꓗꓪ ꓠꓴ ꓔꓯꓸ ꓬꓰ ꓙ ꓔꓳꓹ ꓙ ꓢꓴ ꓠꓬ ꓠꓴ ꓥ ꓡꓳ˗ꓸ
ꓡꓳꓹ ꓬꓰˍꓟ ꓚꓱ ꓠꓯꓼ ꓗꓪ ꓟ ꓥꓳ ꓡꓳꓸ ꓓꓴ ꓮꓽ ꓙꓵꓽ ꓔꓯꓸ ꓟꓲ ꓡꓰ ꓗꓷ ꓢꓲꓼ ꓬꓰ ꓠ ꓔꓸ ꓟ ꓟꓬꓱꓽ ꓮꓽ ꓙꓵ ꓒ ꓡꓳꓹ ꓬꓰ˗ꓸ
ꓟꓲ ꓠꓯ ꓤꓶꓸꓸ ꓦꓬꓼ ꓠꓬꓲ ꓗꓪ ꓔꓳꓼ ꓜꓳꓽ ꓡꓼ ꓟ ꓔꓯꓸ ꓜꓲꓽ ꓐ ꓡ ꓠꓼ ꓟ ꓢꓯꓼ ꓕꓵꓼ˗ꓸ ꓠꓱꓸ ꓐꓯꓼ ꓢꓴ ꓡꓰꓽ ꓘꓶ ꓡꓶꓽ ꓡꓼ ꓟ ꓚꓱꓹ ꓔꓯꓸ ꓜꓲꓽ ꓐ ꓡꓰ ꓝꓲ˗ꓸ