ꓣꓳ ꓠꓬ ꓙꓵꓸꓹ ꓠꓲꓹ ꓪꓽ ꓘꓴ_ ꓟ-ꓸ ꓝꓴꓲ ꓣꓷꓠꓸ ꓟ ꓗꓪ ꓐꓰ ꓢ-ꓓꓯ ꓠꓲꓽ ꓪ ꓔꓲ ꓔꓯ ꓧꓪꓸ ꓡꓰ_ ꓥꓳ=

ꓣꓳ ꓠꓬ ꓙꓵꓸꓹ ꓠꓲꓹ ꓪꓽ ꓘꓴ_ ꓟ ꓐꓰ ꓝꓴꓲ ꓣꓷꓠꓸ ꓟ ꓗꓪ ꓐꓰ ꓢ-ꓓꓯ ꓠꓲꓽ ꓪ ꓔꓲ ꓔꓯ ꓧꓪꓸ ꓡꓰ_ ꓥꓳ=

                ꓠꓽ ꓦꓬꓼ ꓠꓬꓲ ꓮꓠꓖꓡꓴꓢ ꓢꓳ ꓙꓵꓹ ꓗꓪ ꓜꓲꓼ ꓡ ꓢꓴ ꓔꓯ ꓔꓲ-ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓠꓬ ꓣꓳ ꓔꓯ ꓜ ꓚꓲꓸ ꓚꓲꓸ_ ꓟ ꓦꓬꓼ ꓠꓬꓲ (40) ꓠꓬꓲ ꓕꓯ ꓙꓲ ꓖꓴ ꓙꓳ ꓙꓳ ꓮ ꓡꓲ ꓔꓬ ꓠꓹ ꓟ ꓔꓯ ꓟꓸ ꓖꓶ_ ꓡꓳ= ꓜ ꓚꓲꓸ ꓚꓲꓸ_ ꓟ ꓦꓬꓼ ꓠꓬꓲ ꓓ ꓪꓴꓸ ꓕꓲꓽ ꓫꓵꓽ ꓠꓽ ꓠꓽ ꓫꓵꓽ ꓠꓬꓲ ꓟ-ꓘꓳ ꓕꓳ ꓶ ꓶꓼ ꓓꓳ ꓫꓱꓹ ꓓꓳ ꓗꓪ ꓢꓲ-ꓫꓬ-ꓟ-ꓦ ꓡꓰ ꓬꓰ-ꓢꓴ ꓔꓯ ꓡꓲ ꓛꓲ ꓟꓵꓽ ꓛꓱꓹ ꓗꓪ ꓙꓰ ꓝꓲ_ ꓟ ꓚꓱꓹ ꓔꓯ ꓟꓳ ꓪ_ ꓡꓳ= ꓡꓲ ꓛꓲ ꓗꓪ ꓬꓰ-ꓢꓴ ꓠꓬ (40) ꓠꓬꓲ ꓜ ꓚꓲꓸ ꓚꓲꓸ ꓢꓲ-ꓸ ꓢ-ꓓꓯ ꓠꓲꓽ ꓪ ꓔꓲ ꓡꓰ ꓫꓵꓽ ꓠꓬꓲ_ ꓟ ꓔꓯ ꓔꓳꓸ ꓜꓳ_ ꓡꓳ= ꓡꓲ ꓛꓲ ꓟꓵꓽ ꓠꓬ ꓡꓽ ꓞꓳ ꓠꓲꓹ ꓟ ꓗꓪ ꓪꓴ-ꓢ ꓡꓰ ꓫꓸ ꓕꓱ ꓢꓲ-ꓸ ꓞꓳ ꓤ ꓠꓬ ꓪꓽ ꓘꓴ_ ꓟ ꓗꓪ ꓐꓰ ꓝꓮꓲ ꓕꓱ ꓡ_ ꓟ ꓬꓲꓸ ꓖ ꓥꓳ= ꓖꓳ ꓡꓱ ꓥ ꓟꓲ ꓖꓳ ꓗꓪ ꓠꓬ ꓫꓵꓽ ꓠꓬꓲ_ꓟ ꓬꓲꓸ ꓖ ꓬꓰ-ꓢꓴ ꓐꓰ ꓠꓲꓽ ꓪ ꓔꓲ ꓐꓴ-ꓸ ꓔꓯ ꓡꓯꓼ ꓘꓳ_ ꓟ ꓬꓲꓸ ꓖ ꓐꓰ ꓫꓸ ꓙꓵꓸꓹ ꓢꓲ-ꓸ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓫꓵꓸꓹ ꓢꓲ-ꓸ ꓚꓬꓴ ꓙ ꓟ ꓥꓳ=

                ꓬꓰ-ꓢꓴ ꓠꓬ ꓬꓲ ꓔꓯ ꓢꓯꓼ ꓪ ꓖꓶ_ ꓟ ꓢꓲ-ꓫꓬ-ꓟ-ꓦ ꓧꓳꓽ ꓟꓳꓸ ꓖꓶ_ ꓟ ꓡꓰ ꓐꓰ ꓬꓲ ꓚꓲꓸ ꓛꓬ ꓡꓯꓼ ꓙꓱ_ ꓡꓳ= ꓔꓲ-ꓒ ꓪ ꓔꓲ ꓡꓰ ꓬꓰ-ꓢꓴ ꓚꓬꓴ ꓙ ꓟ ꓟꓬꓱꓽ ꓠꓬ ꓠꓲꓽ ꓪ ꓔꓲ ꓐꓰ ꓔꓯ ꓡꓯꓼ ꓘꓳ_ ꓟ-ꓸ ꓠꓽ ꓫꓵꓽ ꓔꓯ ꓫꓬꓹ ꓓꓸꓹ ꓡꓰ ꓟ ꓐꓰ ꓟꓽ ꓫꓬ ꓠꓲꓽ ꓔꓯ ꓖꓼ ꓓꓳ ꓗꓷ_  ꓟ ꓥꓳ= ꓪꓴ-ꓢ ꓬꓲꓸ ꓤ ꓤ ꓔꓲ ꓐꓰ ꓟꓽ ꓒꓵ_ ꓟ-ꓸ ꓬꓰ-ꓢꓴ ꓔꓯ ꓧꓳꓽ ꓙꓰ_ ꓟ-ꓸ ꓬꓰ-ꓢꓴ ꓔꓯ ꓕꓯꓼ ꓔꓶꓸ ꓗꓷ_  ꓕꓯ ꓠꓲꓽ ꓪ ꓔꓲ ꓠꓬ ꓧꓪꓸ ꓡꓰ_ ꓟ ꓡꓰ ꓐꓰ ꓥ ꓟꓲ ꓠꓲꓽ ꓪ ꓔꓲ ꓔꓯ ꓧꓪꓸ ꓡꓰ ꓠꓹ ꓟ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓫꓵꓸꓹ ꓙ ꓢꓲ-ꓸ ꓣꓳ ꓔꓯ ꓚꓬꓴ ꓙ ꓟ ꓥꓳ=

                ꓔꓲ-ꓒ ꓪ ꓔꓲ ꓡꓰ ꓡꓲ ꓛꓲ ꓟꓵꓽ ꓐꓰ ꓫꓵꓽ ꓠꓬꓲ ꓟ ꓚꓱꓹ ꓔꓯ ꓵ_ ꓕꓯ ꓪꓴ-ꓢ ꓡꓰ ꓧꓳ ꓟꓳꓸ ꓔ ꓟ ꓚꓱꓹ ꓔꓯ ꓛꓳ_ ꓟ ꓗꓪ ꓐꓰ ꓣꓳ ꓤꓶꓸꓹ ꓗꓪ ꓠꓲꓽ ꓪ ꓔꓲ ꓔꓯ ꓧꓪꓸꓡꓰ ꓠꓹ ꓟ-ꓸ ꓙꓲ_ ꓟ ꓠꓲꓹ ꓟ ꓙꓳ ꓠꓹ ꓟ ꓖꓶ_ ꓡꓳ= ꓬꓰ-ꓢꓴ ꓠꓬ ꓠꓲꓽ ꓪ ꓔꓲ ꓐꓰ ꓮ ꓕꓯ ꓥ ꓟꓲ ꓟꓽ ꓫꓸ ꓕꓱ= ꓠꓲꓽ ꓪ ꓔꓲ ꓔꓯ ꓖꓼ ꓓꓳ ꓢꓲ-ꓸ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓗꓪ ꓐꓰ ꓝꓮꓲ ꓕꓱ ꓡ_ ꓡꓳ= ꓣꓳ ꓥ ꓟꓲ ꓖꓳ ꓟ ꓡꓲ ꓐꓰ ꓠꓲꓽ ꓪ ꓔꓲ ꓫꓵꓽ ꓠꓬꓲ_ ꓟ ꓗꓪ ꓠꓲꓹ ꓟ ꓟꓽ ꓐ ꓠꓹ ꓟ ꓤꓸꓹ ꓟꓳ ꓠ ꓔ ꓡꓳ= ꓖꓳ ꓟ ꓡꓲ ꓐꓰ ꓪꓴ-ꓢ ꓶ ꓤꓼ ꓫꓱꓹ ꓤꓼ ꓠꓬ ꓣꓳ ꓠꓯꓼ ꓗꓪ ꓙꓵꓸꓹ ꓠꓲꓹ ꓪꓽ ꓘꓴ_ ꓟ ꓐꓰ ꓝꓴꓲ ꓣꓷꓠꓸ ꓟ ꓗꓪ ꓐꓰ ꓠꓲꓽ ꓪ ꓔꓲ ꓔꓯ ꓧꓪꓸ ꓟꓶ_ ꓡꓳ=

                ꓬꓲꓸ ꓟꓶ ꓗꓪ ꓐꓰ ꓔꓲ-ꓒ ꓪ ꓔꓲ ꓡꓰ ꓣꓳ ꓠꓬ ꓪꓴ-ꓢ ꓧꓳꓽ ꓟꓳꓸ ꓖꓶ_ ꓟ ꓔꓯ ꓛꓳ ꓢꓲ-ꓸ ꓢ-ꓓꓯ ꓬꓰ_ ꓟ ꓟꓬꓱꓽ ꓙꓲ ꓖꓴ ꓟꓽ ꓙꓳ_ ꓟ ꓔꓯ ꓡꓳ ꓒꓲꓹ ꓠ ꓔ ꓡꓳ= ꓣꓳ ꓔꓯ ꓟꓹ ꓟ ꓡꓰ ꓶꓽ ꓓꓰꓼ ꓪꓽ ꓘꓴ ꓖꓶ ꓠꓹ ꓟ ꓢꓯꓼ ꓪ ꓖꓶ ꓢꓲ ꓶꓼ ꓓꓳ ꓫꓱꓹ ꓓꓳ ꓔꓯ ꓢꓰꓼ ꓗꓷ_ ꓡꓳ=

http://bit.ly/3aNxI7o