ꓡꓲꓽ ꓒꓲꓼ ꓬꓲ ꓟꓸ ꓟꓲ ꓠꓯˍ ꓟ (2) Dialogue with Culture

ꓞꓳ ꓤꓽ ꓢꓯꓸ ꓔꓬ ꓟꓶ ꓠꓹ ꓟ ꓚꓱꓹ ꓔꓯ ꓟꓳꓸ ꓪꓴꓸ ꓓꓵ ꓛꓹ ꓢꓲ ꓟꓸ ꓟꓬꓱꓽ ꓚꓹ ꓟ ꓔꓯ ꓘꓳꓹ ꓣꓴˍ ꓟ ꓪꓴꓸ ꓠꓬꓲ ꓠꓲ ꓠꓱꓸ ꓐꓯ ꓠꓯꓸꓼ ꓗꓪ ꓛꓲ ꓡꓰ꓾ ꓕꓲ ꓐꓱ ꓠꓬ ꓟꓽ ꓙꓲꓹ ꓟ ꓜꓴ ꓠꓯꓸꓼ ꓗꓪ ꓛꓲ ꓡꓰ꓾  ꓕꓲ ꓐꓱ ꓠꓬ  ꓡꓯꓽ ꓒꓯꓹ ꓛꓳˍ ꓟ ꓕꓲꓽ ꓫꓵꓽ ꓡꓰ ꓕꓲ ꓫꓵꓽ ꓠꓲꓽ ꓡꓰ ꓕꓯ ꓪꓴꓸ ꓓꓵ ꓛꓹ ꓢꓲ ꓬꓲꓹ ꓟ ꓟꓬꓱꓽ ꓠꓯꓸꓼ ꓗꓪ ꓓꓵꓽ ꓡꓰ ꓢꓴ ꓥˍ ꓟꓲ ꓮ ꓟꓬꓱꓹ ꓙꓳˍ ꓡꓳ= ꓠꓬꓲꓹ ꓠꓬꓲ ꓠꓬ ꓣꓳꓽ ꓠꓬ ꓪꓴ-ꓢ ꓟꓸ ꓟꓲ ꓔꓯ ꓚ ꓥ ꓐꓯ ꓕꓯ ꓕꓯ ꓠꓬ ꓡꓲꓽ ꓒꓲꓼ ꓚ ꓟꓲꓽ ꓔꓯ ꓧꓪ ꓢꓲ ꓢꓲ ꓒꓽ ꓬꓰ-ꓢꓴ ꓶꓽ ꓓꓳꓽ ꓫꓱꓸ ꓓꓳꓽ ꓠꓬꓲ ꓟꓳ ꓓꓴ ꓔꓯ ꓞꓳ ꓤꓽ ꓠꓯꓸꓼ ꓗꓪ ꓛꓲ ꓡꓰ ꓠ ꓢꓯꓼ ꓕꓵꓼ ꓠ ꓗꓹ ꓡꓳ=

ꓕꓱ ꓟ ꓠꓬ ꓞꓳ ꓤꓽ ꓠꓲꓹ ꓟ ꓔꓯ ꓠꓬꓲ ꓟꓳ ꓓꓴ ꓟꓳ ꓡꓰ ꓝꓲꓹ ꓟ ꓥ ꓪ= ꓕꓱ ꓡꓰ ꓬꓰꓹ ꓟ ꓠꓬ ꓙꓲ-ꓢꓴ ꓢꓲ ꓤꓼ ꓐꓴ ꓙꓵ ꓠꓲꓹ ꓔꓯ ꓞꓮꓲ ꓕꓲꓽ ꓧꓪ ꓫꓬꓹ ꓑꓱꓹ ꓟ ꓥ ꓢꓲ ꓠꓬ ꓕꓱ ꓟ ꓫꓬꓹ ꓑꓱꓹ ꓟ ꓠꓬ ꓡꓲꓽ ꓒꓲꓼ ꓚꓱꓹ ꓗꓪ ꓪꓴꓸ ꓓꓵ ꓛꓹ ꓢꓲ ꓫꓬ ꓑꓱꓹ ꓟ ꓥ ꓡꓳ=  ꓠꓬꓲ ꓠꓬꓲ ꓕꓱ ꓡꓲ ꓣꓳꓽ ꓡꓲꓽ ꓒꓲꓼ ꓐꓰ ꓫꓸ ꓕꓱ ꓢꓲ ꓡꓲꓽ ꓒꓲꓼ ꓕꓯ ꓢꓲ ꓗꓪ ꓙꓵ ꓠꓲꓹ ꓔꓯ ꓔꓶꓹ ꓟ ꓠꓬ ꓟꓬ ꓠꓬꓲ ꓐꓶꓹ ꓠꓬꓲ ꓟꓳ ꓢꓹ ꓟ ꓙꓵ ꓠꓲꓹ ꓠꓯꓸꓼ ꓗꓪ ꓛꓲ ꓡꓰ ꓓꓴ ꓥꓳꓽ

  ꓕꓱ ꓡꓰ ꓡꓲꓽ ꓒꓲꓼ ꓔꓯ ꓪꓴꓸ ꓓꓴ ꓛꓹ ꓢꓲ ꓬꓰꓹ ꓟ ꓙꓵ ꓠꓹ ꓠꓬ ꓬꓲ ꓪꓽ ꓠꓲꓹ ꓟ ꓠꓯꓸꓼ ꓗꓪ ꓟꓬ ꓠꓬꓲ ꓐꓶꓹ ꓠꓬꓲ ꓪꓴ ꓡꓰꓹ ꓟ ꓬꓲ ꓪꓽ ꓐꓰ ꓕꓲ ꓪꓼ ꓙꓳ ꓟ ꓡꓰ ꓐꓰ ꓕꓲ ꓡꓰ ꓔꓳꓹ ꓜꓳꓽ ꓡ ꓓꓴ ꓥꓳ= ꓪꓴ-ꓢ ꓟꓬꓱꓽ ꓟꓯ ꓢꓴ ꓐꓴ ꓠꓬ ꓡꓲꓽ ꓒꓲꓼ ꓚꓱꓹ ꓔꓯ ꓟꓳꓸ ꓮ ꓡꓰ ꓐꓰ ꓬꓲ ꓪꓽ ꓐꓰ ꓫꓸ ꓕꓱ ꓡꓯꓽ ꓘꓳ ꓠꓹ ꓟ ꓕꓱ ꓟ ꓠꓬ ꓠꓬꓲ ꓠꓬꓲ ꓕꓲꓽ ꓞꓲꓼ ꓗꓪ ꓟꓬꓱꓽ ꓓ ꓟ ꓕꓱ ꓡꓰ ꓒꓬꓱꓼ ꓡ ꓓꓴ ꓟ ꓥ ꓪ= ꓕꓱ ꓡꓰ ꓬꓰ ꓠꓹ ꓟ ꓠꓬ ꓙꓽ ꓣꓳꓹ ꓟ ꓠꓲꓹ ꓟ ꓠꓴꓹ ꓟ ꓠꓲꓹ ꓟ ꓗꓷ ꓢꓲ ꓗꓽ ꓕꓸ ꓓꓴ ꓟ ꓙꓳ ꓒꓴ ꓒꓴ ꓡꓯꓽ ꓡꓯꓽ ꓙꓵ ꓠꓲꓹ ꓔꓯ ꓘꓳ ꓣꓴ ꓐ ꓡꓹ ꓟ ꓕꓱ ꓟ ꓔꓯ ꓒꓵꓽ ꓗꓹ ꓬꓰ ꓢꓲ ꓙꓵ ꓠꓲꓹ ꓐꓰ ꓡꓲꓽ ꓒꓲꓼ ꓫꓸ ꓕꓱ ꓡꓯꓽ ꓘꓳ ꓠꓹ ꓟ ꓬꓳꓸ ꓚˍ ꓡꓳ=