1ꓸ ꓘꓴ ꓑꓴ_ ꓟ

ꓠꓲꓹ ꓢꓲ_ ꓟ Tꓯ꓾ ꓝꓮꓲ ꓠꓬ ꓣꓳ ꓐꓯ ꓠꓲꓹ ꓫꓵ ꓓꓴ ꓙꓳ_ ꓕꓯ ꓤ ꓠꓱ ꓔꓯ ꓘꓴ ꓑꓴ ꓢꓲ ꓕ ꓐꓯ ꓪ ꓡꓰ ꓝꓲ= ꓚꓲ ꓛꓬ ꓦꓲ ꓘꓴ ꓗꓪ ꓕꓲ ꓣꓳ ꓣꓳ ꓔꓯ ꓥ_ ꓟꓲ ꓘꓴ ꓑꓴ_ ꓟ ꓕ ꓐꓯ ꓪ ꓡꓰ ꓝꓲ= ꓘꓴ ꓑꓴ_ ꓟ ꓠꓬ ꓤ ꓠꓱ ꓔꓯ ꓚꓴ ꓡꓰ ꓝꓲ ꓢꓲꓸ ꓤ ꓠꓱ ꓪꓴꓸ ꓠꓶꓸ ꓗꓪ ꓮ ꓫꓵꓽ_ ꓟꓲ ꓟ ꓓꓯ= ꓚꓴ_ꓟ ꓕꓲ ꓫꓵ ꓔꓲ ꓢꓷꓸ ꓡꓳ= ꓖꓳ ꓟ ꓑꓶ ꓓꓴ ꓘꓴ ꓑꓴ ꓟ ꓕ ꓐꓯ ꓪ ꓡꓰ ꓝꓲ=

2ꓸ ꓤ ꓠꓱ ꓐꓴ ꓣꓱꓽ ꓬꓰ_  (ꓛ)ꓟ ꓔꓯ ꓖꓶ ꓪ ꓡꓰ ꓝꓲ

ꓤ ꓫꓱ ꓤ ꓠꓱ ꓐꓴ ꓛ ꓟ( ꓟ ꓓ ꓟ ꓢ ꓛ) ꓔꓯ ꓖꓶ ꓪ ꓡꓰ ꓝꓲ= ꓐꓯ ꓠꓲꓹ ꓫꓵ ꓟ ꓠꓬ ꓦꓲ ꓘꓴ ꓗꓪ ꓛ ꓟ ꓒꓴ ꓔꓯ ꓡꓳꓸꓸ ꓡꓰ ꓗꓪ ꓛꓲ ꓣꓱꓽ ꓐ ꓡ ꓝꓲ=ꓖꓳ ꓡꓰ ꓬꓰ_ ꓠꓬ  ꓤ ꓠꓱ ꓐꓴ ꓠꓴ ꓔꓯ W ZI ꓞꓳ ꓒꓵꓽ ꓗꓴꓸ ꓡ ꓥꓳ=

3ꓸ ꓪꓴꓸ ꓘꓶ ꓕ ꓑꓬ ꓡꓰ ꓝꓲ

ꓤ ꓠꓱ ꓐꓴ ꓔꓯ ꓪꓴꓸ ꓘꓶ ꓖꓶ_ ꓕꓯ ꓕꓲ ꓑ ꓕꓲ ꓫꓵꓽ ꓕ ꓐꓯ ꓪ ꓡꓰ ꓝꓲ= ꓠꓴ ꓐꓯ ꓔ ꓟ ꓐꓯ ꓘꓶ ꓔꓯ ꓠꓴ ꓣꓱꓽ ꓬꓰ ꓪ ꓡꓰ ꓝꓲ= ꓖꓳ ꓡꓱ ꓬꓰ_ ꓠꓬ ꓤ ꓠꓱ ꓐꓴ ꓠꓴ ꓔꓯ ꓪ ꓜꓲ ꓞꓳ ꓒꓵꓽ ꓡ ꓥꓳ=

4ꓸ ꓦꓲ ꓢꓲ ꓟ ꓔꓯ ꓕ ꓐꓯ ꓕ ꓪ ꓡꓰ ꓝꓲ

ꓤ ꓠꓱ ꓐꓴ ꓟꓲ ꓙꓬ ꓗꓪ ꓦꓲ ꓢꓲ ꓟ ꓔꓯ ꓘꓴ ꓑꓴ_ ꓟ꓾ ꓓꓶꓽ_ ꓟ꓾ ꓝꓮꓲ ꓠꓬ ꓕꓲ ꓫꓵꓽ ꓫꓵꓽ ꓗꓪ ꓐꓰ ꓠꓹ ꓡꓰ ꓝꓲ ꓟ ꓕ ꓬꓰ ꓪ ꓡꓰ ꓝꓲ= ꓕꓱ ꓡꓱ ꓬꓰ ꓟ ꓠꓬ ꓤ ꓠꓱ ꓬꓲꓸ. ꓠꓲꓹ ꓟ ꓔꓯ ꓑꓬ ꓡꓰ ꓝꓲ ꓐ ꓡ ꓡꓳ=

5ꓸ ꓤ ꓠꓱ ꓐꓯ ꓘꓶ ꓔꓯ ꓠꓹ ꓠ ꓟ

ꓮ ꓐ ꓣꓱꓽ ꓢꓴ ꓐꓴ_ꓳ꓾ ꓤ ꓠꓱ ꓐꓴ ꓠꓲꓹ ꓫꓵ_ ꓟ ꓔꓯ ꓓꓰꓽ ꓡ ꓕꓯ ꓝ ꓝ ꓖꓶ ꓪ ꓡꓰ ꓝꓲ=ꓤ ꓠꓱ ꓐꓴ ꓠꓬ ꓬꓲꓸ ꓪ ꓣꓱꓽ ꓬꓰ_ ꓟ ꓔꓯ ꓓꓰꓽ ꓡ ꓗꓴ ꓡꓳ= ꓖꓳ ꓡꓱ ꓥ_ ꓟꓲ ꓚꓵ ꓚꓵ ꓣꓱꓽ ꓬꓲꓸ ꓡ? ꓐꓯ_ ꓟ ꓔꓯ ꓓꓵꓽ ꓙ ꓢꓪꓸ ꓗꓴ ꓠ ꓔ ꓡꓳ=

6ꓸꓙ ꓣꓳ ꓠꓲꓹ

ꓤ ꓠꓱ ꓐꓴ ꓔꓯ ꓮ ꓔꓳ ꓔꓳ ꓟ ꓙꓲ ꓟ ꓜꓳ_ ꓟ ꓔꓯ ꓕ ꓐꓯ ꓪ ꓡꓰ ꓝꓲ= ꓤ ꓠꓱ ꓐꓴ ꓠꓲꓹ ꓟ ꓠꓬ ꓠꓴ ꓠꓴ ꓤ ꓔ ꓟ ꓑꓶ ꓓꓴ ꓞꓳ ꓟꓳ ꓐꓴ ꓡꓰ ꓐꓯ ꓟ ꓔꓯ ꓬꓲꓸ ꓪ ꓠꓲꓹ ꓟ ꓗꓪ ꓗꓶ ꓔ ꓢꓲꓸ ꓓꓵꓽ ꓙ ꓠꓬꓲ ꓗꓴ ꓡꓳ= ꓖꓳ ꓟ ꓑꓶ ꓓꓴ ꓤ ꓠꓱ ꓐꓴ ꓔꓯ ꓠꓬ ꓙꓲ_ꓟ ꓡꓰ ꓐꓯ ꓖꓶ ꓢꓯꓼ ꓖꓶ ꓪ ꓡꓰ ꓝꓲ=

7ꓸ ꓚꓲ ꓛꓬ ꓔꓯ ꓤ ꓟꓳ ꓟ ꓗꓴ_ ꓟ

ꓤ ꓠꓱ ꓐꓴ ꓔꓯ ꓙ ꓗꓳꓸ_ ꓟ ꓡꓰ ꓐꓰ ꓚꓲ ꓛꓬ ꓖꓳ ꓓꓱ ꓔꓯꓸ ꓟꓲ ꓤ ꓟꓳ(ꓙ ꓗꓳ) ꓗꓴ ꓠ ꓔ ꓡꓳ=ꓣꓳ ꓖꓳ ꓓꓱ ꓔꓯ ꓣꓳ ꓤ ꓟꓳ ꓕ ꓢꓲꓸ ꓣꓳ ꓠꓬ ꓤꓶ ꓫꓵ ꓟꓬ ꓫꓵ ꓐ ꓡ ꓢꓲꓸ ꓤ ꓠꓱ ꓐꓴ ꓔꓯ ꓠꓬꓲ ꓙ ꓡꓳ ꓙ ꓐ ꓡ ꓡꓳ= 

ꓖꓳ ꓟ ꓑꓶ ꓓꓴ ꓤ ꓠꓱ ꓐꓴ ꓔꓯ ꓟꓸ ꓔ ꓟ ꓗꓪ ꓤ ꓠꓱ ꓐꓴ ꓠꓬ ꓮ ꓐ ꓐꓴ ꓔꓯ ꓚꓴ ꓡꓰ_ ꓟ ꓕꓯ ꓢꓲ ꓮ ꓐ ꓔꓯ ꓞꓳ ꓒꓵꓽ ꓗꓴ_ ꓟ ꓤ ꓠꓱ ꓒꓬꓱꓸꓹ ꓡ ꓠꓹ ꓟ ꓐꓱ ꓶ ꓮ ꓐ ꓣꓱꓽ ꓢꓴ ꓐꓴ ꓢꓷꓸ ꓔ ꓓꓴ ꓥ ꓡꓳ=