ꓑꓳꓺ ꓡ-ꓛꓴꓸ ꓐꓰ ꓟꓲ ꓠꓯ ꓢꓲ ꓡꓲꓹ ꓗꓹ ꓛꓲ ꓓꓴ ꓔꓯ ꓪ ꓟꓽ ꓓ꓾

• ꓑꓳꓺ ꓡ-ꓛꓴꓸ ꓐꓰ ꓟꓲ ꓠꓯ ꓢꓲ ꓡꓲꓹ ꓗꓹ ꓛꓲ ꓓꓴ ꓔꓯ ꓪ ꓟꓽ ꓓ꓾

11 ꓦ 9 ꓠꓬꓲ ꓠꓽ ꓢ ꓠꓬꓲ ꓕꓯ ꓑꓳꓺ ꓡ-ꓛꓴꓸ ꓐꓰ ꓟꓲ ꓠꓯ ꓢꓲ ꓡꓲꓹ ꓗꓹ ꓛꓲ ꓓꓴ ꓔꓯ ꓪ ꓟꓽ ꓓ ꓐꓰ ꓐꓯ ꓢꓲ꓾ Ukraine ꓗꓪ ꓡꓰ ꓟꓽ ꓞꓲ Syria꓾ Yemen ꓐꓰ ꓟꓬ-ꓟ ꓗꓴꓷꓼ ꓗꓪ ꓢꓰꓼ ꓡꓯꓼ ꓘꓳ_ ꓟ ꓟꓯꓹ ꓟꓬꓱꓽ ꓬꓰ_ ꓟ ꓔꓯ ꓠꓽ ꓗꓷ ꓢꓲ꓾ ꓖꓪ ꓙꓱ ꓜꓲꓼ ꓓꓴ ꓬꓰ ꓠꓹ ꓟ ꓢꓯꓼ ꓖꓶ_ ꓡꓳ= Ukraine ꓗꓴꓷꓼ ꓑ ꓫꓬ ꓐꓴ ꓫꓸ ꓓꓴ ꓟꓷꓼ ꓓꓴ ꓔꓳꓹ ꓜꓳ ꓔꓬ ꓟ ꓥꓳ꓾ ꓕꓱ ꓡꓱ ꓑꓳꓺ ꓡꓽ ꓛꓴꓸ ꓐꓰ ꓠꓬ ꓮ ꓕꓯ ꓥ ꓟꓲ ꓢꓲ ꓡꓲꓹ ꓓꓴ ꓪ ꓟꓽ ꓓ꓾ ꓖꓪ ꓙꓱ ꓜꓲꓼ ꓓꓴ ꓢꓯꓼ ꓪ ꓡꓰ ꓢꓲ ꓡꓲꓹ ꓓꓴ ꓪ ꓟꓶ ꓡ ꓥꓳ=

ꓙꓲ-ꓢꓴ ꓢꓲ ꓤ ꓐꓴ ꓐꓰ ꓫꓸ ꓕꓱ_ ꓟ ꓙꓵꓹ ꓕꓯ ꓔꓲꓺ ꓒ ꓪ ꓔꓲ ꓡꓰ ꓫꓸ ꓓꓴ ꓔꓳꓹ ꓜꓳ ꓔꓬ ꓟ Ukraine ꓗꓴꓷꓼ ꓡꓰ ꓟꓽ ꓞꓲ 10 ꓘꓳꓼ ꓟꓽ ꓞꓲ ꓢꓰꓼ ꓡꓯꓼ ꓘꓳ_ ꓟ Syria ꓚꓱꓹ Yemen ꓗꓪ ꓔꓬ ꓟ ꓤ ꓠꓱ ꓤ ꓐꓴ꓾ ꓟꓬ-ꓟ ꓗꓴꓷꓼ ꓕꓱ ꓡꓱ ꓮ ꓙꓵꓽ ꓔꓯ ꓓꓵꓽ ꓙ ꓓꓴ ꓬꓰ ꓡꓯ ꓐꓰ ꓐꓯ_ ꓡꓳ=

ꓟꓯꓼ ꓢꓰꓼ ꓟ ꓠꓬ ꓞꓳ ꓤ ꓔꓯ ꓐꓬ ꓡꓰ ꓝꓲ_ ꓡꓳ꓾ ꓮ ꓙꓵꓽ ꓔꓯ ꓐꓬ ꓡꓰ ꓝꓲ_ ꓡꓳ꓾ ꓕꓱ ꓡꓱ ꓢꓰꓼ ꓓꓴ ꓐꓰ ꓬꓰ ꓟꓽ ꓓ꓾ ꓝꓮꓲ ꓲ-ꓔ-ꓡꓲ ꓗꓪ ꓐꓰ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓫꓸ ꓓꓴ ꓟꓷꓼ ꓓꓴ ꓔꓳꓹ ꓜꓳ ꓔꓬ ꓟ Ukraine ꓗꓴꓷꓼ ꓐꓱ ꓶ ꓟꓽ ꓙꓲ_ ꓟ ꓬꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓐꓯ ꓗꓷꓳ=

https://www.vaticannews.va/en/pope/news/2022-11/pope-audience-appeal-ukr...