7 ꓦ ꓐꓱ ꓶ ꓔꓲꓸꓸ ꓒ ꓪ ꓔꓲ Francis ꓪꓽ ꓘꓴ ꓔꓶꓸꓹ ꓙꓱꓼ ꓠꓬ ꓞꓲꓼ ꓪꓴꓽ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓥ ꓡꓳ=

7 ꓦ ꓐꓱ ꓶ ꓔꓲꓸꓸ ꓒ ꓪ ꓔꓲ Francis ꓪꓽ ꓘꓴ ꓔꓶꓸꓹ ꓙꓱꓼ ꓠꓬ ꓞꓲꓼ ꓪꓴꓽ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓥ ꓡꓳ=

ꓕꓲ ꓦꓲꓸꓹ ꓡ ꓞꓳ ꓚꓱꓹ ꓔꓯ ꓫꓸ ꓕꓱ ꓕꓯ ꓞꓲꓼ ꓪꓴꓽ ꓢꓴ ꓮ ꓘꓶꓸ ꓣꓳꓸ ꓚꓵ_ ꓟ ꓚꓱꓹ ꓠꓬ ꓟꓽ ꓐ ꓟꓽ ꓓ ꓟ ꓥꓳ= ꓡꓽ ꓞꓳ ꓐꓴ ꓤꓶꓸꓹ ꓗꓪ ꓚꓸꓸ ꓟꓲꓽ ꓮ ꓟꓬꓹ ꓙꓳ ꓥ ꓟꓲ ꓢꓯꓸ ꓔꓬ ꓟ ꓤꓶꓸꓹ ꓫꓵꓼ ꓗꓪ ꓮ ꓡꓲ ꓐꓰ ꓔꓬ ꓠꓹ ꓟ ꓣꓳ ꓟꓽ ꓢꓷꓸ꓾ ꓞꓲꓼ ꓪꓴꓽ ꓢꓴ ꓐꓴ ꓐꓱ ꓶ ꓪꓴ ꓡ ꓟꓴ ꓡ ꓓꓴ ꓬꓲꓸ ꓚꓱꓹ ꓮ ꓟꓬꓹ ꓙꓳ ꓥ ꓟꓲ꓾ ꓕꓲꓽ ꓐꓱ ꓡꓰ ꓬꓰ ꓐ ꓡ_ ꓡꓳ= ꓞꓲꓼ ꓪꓴꓽ ꓢꓴ ꓐꓴ ꓠꓬ ꓮ ꓡꓲ ꓐꓰ ꓤ ꓟꓳ ꓠꓹ ꓟ-ꓸ ꓫꓱ ꓤ ꓠꓹ ꓟ꓾ ꓓꓵꓽ ꓙ ꓗꓴꓸ_ ꓟ ꓥ ꓡꓳ= ꓣꓳ ꓠꓬ ꓫꓱꓸ ꓤ_ ꓠꓲꓹ ꓐꓰ ꓢꓷꓸ ꓙ ꓟꓳ ꓙ ꓢꓴ ꓒꓬꓱꓼ ꓡ ꓓ_ ꓥꓳ= ꓥ ꓡꓳ꓾ ꓬꓰ ꓐ ꓡ_ ꓡꓳ= ꓢꓰꓼ ꓡꓯꓼ ꓘꓳ_ ꓟ ꓟꓲ ꓠꓯ ꓕꓱ ꓟ ꓗꓪ ꓣꓳ ꓔꓱ_ ꓟ ꓫꓱꓸ ꓤ ꓠꓲꓹ ꓙꓳ ꓠꓹ ꓟ ꓣꓱꓽ ꓬꓯꓼ_ ꓡꓳ= ꓕꓱ ꓟ ꓚꓱꓹ ꓗꓪ ꓐꓰ ꓮ ꓟꓶ ꓟ ꓞꓳ ꓡꓱ ꓐꓴ ꓬꓰ ꓠꓹ ꓟ ꓙꓵꓽ ꓪ ꓮ ꓘꓶꓸ ꓙꓳ_ ꓡꓳ= ꓓꓵꓽ ꓙ ꓓꓴ ꓬꓰ ꓡꓯ꓾ ꓞꓲꓼ ꓪꓴꓽ ꓢꓴ ꓐꓴ ꓠꓬ ꓣꓳ ꓤꓶꓸꓹ ꓐꓱ ꓶ ꓙꓲ ꓖꓴ ꓙꓳ_ ꓟ ꓑꓸ ꓑ ꓡꓰ ꓥꓳ= ꓢꓷꓸ ꓠꓲꓹ ꓖꓶ ꓢꓴ ꓥ ꓡꓳ= ꓖꓳ ꓟ ꓑꓶ ꓓꓴ ꓬꓲ ꓪ ꓔꓯ ꓫꓱꓸ ꓖꓶ ꓓꓴ ꓬꓰ ꓡꓯ꓾ ꓞꓲꓼ ꓪꓴꓽ ꓢꓴ ꓐꓴ ꓐꓱ ꓶ ꓪꓽ ꓘꓴꓽ ꓙ ꓓꓴ ꓬꓰ ꓡꓯ꓾ ꓬꓲ ꓪ ꓔꓳꓹ ꓜꓳ ꓟ ꓐꓰ ꓢꓷꓸ ꓠꓲꓹ ꓐꓰ ꓞꓳ ꓡꓱ ꓐꓴ ꓔꓯ ꓡ ꓠꓹ ꓟ ꓤꓶꓸꓹ ꓗꓪ ꓥꓳ ꓡꓳꓸ ꓓꓴ ꓐꓰ ꓬꓲ ꓪ ꓔꓯ ꓖꓶ_ ꓟ ꓙꓵꓽ ꓪ ꓔꓯ ꓬꓰ ꓗꓴꓸ ꓠꓹ ꓟ ꓐꓰ ꓙꓸꓹ ꓫꓱꓽ ꓗꓴꓸ ꓠꓹ ꓟ ꓐꓱ ꓶ ꓫꓱꓸ ꓤ ꓠꓲꓹ ꓐꓰ ꓟꓸ ꓖꓶ ꓢꓴ ꓥ ꓡꓳ=