ꓔꓲꓺ ꓒ ꓪ ꓔꓲ ꓡꓰ ꓢꓴꓓꓮꓠ ꓗꓴꓷꓼ ꓗꓪ ꓗꓷ ꓡꓰ ꓟ ꓫꓵꓽ ꓪꓴ ꓓꓽ ꓟ ꓔꓯ ꓢꓲ ꓡꓲꓹ ꓡꓲꓹ ꓐꓰ ꓬꓲꓸ ꓚꓱꓹ ꓧꓪ ꓠꓹ ꓟ ꓬꓲꓼ ꓠꓬꓲꓸ ꓖꓶ_ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓢꓴꓓꓮꓠ ꓗꓴꓷꓼ ꓗꓪ ꓗꓷ ꓡꓰ ꓟ ꓫꓵꓽ ꓪꓴ ꓓꓽ ꓟ ꓔꓯ ꓢꓲ ꓡꓲꓹ ꓡꓲꓹ ꓐꓰ ꓬꓲꓸ ꓚꓱꓹ ꓧꓪ ꓠꓹ ꓟ ꓬꓲꓼ ꓠꓬꓲꓸ ꓖꓶ_ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓢꓴꓓꓮꓠ ꓗꓴꓷꓼ ꓗꓪ ꓗꓷ ꓡꓰ ꓟ ꓫꓵ ꓪꓴ ꓓꓽ ꓟ ꓔꓯ ꓢꓲ ꓡꓲꓹ ꓡꓲꓹ ꓐꓰ ꓬꓲꓸ ꓚꓱꓹ ꓧꓪ ꓠꓹ ꓟ ꓬꓲꓼ ꓠꓬꓲꓸ ꓖꓶ_ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓠꓽ ꓫꓵ ꓠꓬꓲ ꓕꓯ ꓢꓲ ꓫꓬ ꓢꓴ ꓒꓲ-ꓕꓱ ꓪꓽ ꓘꓴ ꓦꓲꓻ ꓗꓪ ꓜꓲꓼ ꓡ ꓢꓴ ꓐꓴ ꓔꓯ ꓢꓴꓓꓮꓠ ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓐꓯ ꓗꓷꓳ= ꓟꓽ ꓟꓶ ꓫꓵ ꓟ ꓙꓵꓹ ꓗꓪ ꓗꓴꓷꓼ ꓘꓴꓽ ꓗꓪ ꓐꓰ ꓟꓯꓼ ꓜꓴꓻ ꓐꓰ ꓠꓲꓹ ꓟ ꓟꓽ ꓪ ꓢꓲ꓾ ꓧꓹ ꓙꓰ ꓟ (Rapid Support Forces) ꓜꓴꓻ ꓐꓰ ꓗꓴꓷꓼ ꓫꓵ ꓪꓴ ꓑꓶ ꓓꓴ ꓑ ꓫꓬ ꓮ ꓟꓬꓹ ꓫꓵꓻ ꓢꓲ꓾ ꓮ ꓟꓬꓹ ꓠꓻ ꓓꓴ ꓡꓰ ꓟ ꓥꓳ=

ꓕꓱ ꓡꓱ ꓜꓴꓻ ꓠꓬꓲꓽ ꓜꓴꓻ ꓙꓵꓽ ꓪ ꓧꓳ_ ꓟ ꓗꓪ ꓐꓰ ꓜꓲ ꓜꓲ ꓟꓴ ꓟꓴ ꓬꓰ_ ꓟ ꓓꓳꓽ ꓔꓯ ꓑ ꓙ ꓔꓬ ꓡꓳ= ꓕꓱ ꓡꓱ ꓜꓲ ꓜꓲ ꓟꓴ ꓟꓴ ꓟꓽ ꓬꓰ ꓬꓰ ꓢꓲ ꓡꓲꓹ ꓟ ꓚꓱꓹ ꓗꓪ ꓐꓰ ꓖꓪ ꓙꓱꓻ ꓠꓹ ꓟ ꓢꓯꓼ ꓖꓶ ꓗꓷꓳ=  

Khartoum ꓗꓪ ꓗꓴꓷꓼ ꓫꓵ ꓪꓴ ꓓꓽ ꓗꓷ ꓔꓬ ꓟ ꓑꓶ ꓓꓴ ꓖꓳ ꓗꓪ ꓔꓬ ꓢꓴ ꓠꓬ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓘꓰꓹ ꓙꓰ ꓔꓬ ꓢꓲ꓾ ꓮꓟꓰꓣꓲꓚꓮꓠ ꓐꓰ England ꓗꓴꓷꓼ ꓐꓴ ꓠꓬ ꓠꓱꓸ ꓐꓯꓼ ꓗꓴꓷꓼ ꓙ ꓡꓯꓼ ꓘꓳ ꓣꓳꓸ ꓦꓲꓻ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓔꓯ ꓗꓴꓷꓼ ꓘꓴꓽ ꓗꓪ ꓐꓰ ꓘꓰꓹ ꓑꓬ ꓙꓰ ꓝꓲ ꓟ ꓥꓳ= ꓖꓳ ꓟ ꓡꓰ ꓟꓽ ꓞꓲ ꓢꓑꓮꓲꓠ꓾ ꓲ-ꓔ-ꓡꓲ꓾ ꓝꓣꓮꓠꓚꓰ꓾ ꓙ-ꓟ-ꓠꓲ꓾ ꓐꓰ ꓠꓱꓸ ꓐꓯꓼ ꓗꓴꓷꓼ ꓐꓴ ꓥ ꓟꓲ ꓠꓱꓸ ꓐꓯꓼ ꓙ ꓡꓯꓼ ꓘꓳ ꓣꓳꓸ ꓦꓲꓻ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓘꓰꓹ ꓙꓰ ꓝꓲ ꓠꓹ ꓟ ꓙ ꓖꓶ ꓔꓬ ꓟ ꓥꓳ= ꓠꓱꓸ ꓐꓯꓼ ꓗꓴꓷꓼ ꓗꓪ ꓐꓰ ꓢꓷꓸ ꓠꓲꓹ ꓢꓳ ꓜꓲꓼ ꓡ ꓢꓴ ꓐꓴ ꓥ ꓟꓲ Khartoum ꓗꓪ ꓔꓬ ꓟ ꓥꓳ= ꓕꓱ ꓡꓳ ꓒꓱ ꓠꓬ ꓞꓳ ꓵꓻ ꓣꓳ 60 ꓫꓬꓹ ꓛꓲ ꓔꓬ ꓟ ꓡꓳ ꓒꓱ ꓕꓲ ꓟ ꓥ ꓡꓳ=

ꓟꓵꓽ ꓗꓳꓸ ꓓꓵ ꓓꓵ ꓠꓯꓺ ꓞꓲꓼ ꓟꓬꓱꓽ ꓣꓱꓽ ꓜꓴ ꓗꓪ ꓐꓰ ꓐꓯ ꓑꓶ ꓔ ꓟ ꓠꓬ ꓞꓳ ꓤ 400 ꓣꓳ ꓛꓲ ꓫꓵꓻ ꓡꓰ ꓢꓲ꓾ ꓡ ꓞꓳ ꓮ ꓟꓬꓹ ꓥ ꓟꓲ ꓠꓻ ꓓꓴ ꓡꓰ ꓢꓴ ꓔꓬ ꓟ꓾ ꓡꓳ ꓒꓱ ꓘꓴꓽ ꓗꓪ ꓠꓯꓺ ꓞꓲꓼ ꓦꓲꓻ ꓥ ꓟꓲ ꓗꓴꓷꓼ ꓫꓵ ꓪꓴ ꓑꓶ ꓓꓴ ꓑꓲꓸ ꓔ ꓟ ꓥ ꓢꓲ꓾ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓠꓯꓺ ꓞꓲꓼ ꓟꓽ ꓫꓬꓹ ꓪ ꓟ ꓙꓳ_ ꓡꓳ ꓐꓰ ꓢꓷꓸ ꓪ ꓡꓳ=

Add new comment

8 + 8 =