ꓔꓲꓺ ꓒ ꓪ ꓔꓲ ꓡꓰ 2024 ꓘꓳꓼ Olympic ꓡꓳ ꓖꓪ ꓑꓮꓲ ꓐꓱ ꓶ ꓗ-ꓔꓳ-ꓡꓲꓗ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓟ

ꓔꓲꓺ ꓒ ꓪ ꓔꓲ ꓡꓰ 2024 ꓘꓳꓼ Olympic ꓡꓳ ꓖꓪ ꓑꓮꓲ ꓐꓱ ꓶ ꓗ-ꓔꓳ-ꓡꓲꓗ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓟ

ꓔꓲꓺ ꓒ ꓪ ꓔꓲ ꓡꓰ 2024 ꓘꓳꓼ Olympic ꓡꓳ ꓖꓪ ꓑꓮꓲ ꓐꓱ ꓶ ꓗ-ꓔꓳ-ꓡꓲꓗ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓟ

2024 ꓘꓳꓼ 33 ꓧꓪꓹ ꓟ Olympic ꓡꓳ ꓖꓪ ꓑꓮꓲ ꓐꓱ ꓶ ꓝꓣꓮꓠꓚꓰ ꓗꓴꓷꓼ ꓗꓪ ꓬꓰ ꓠꓹ ꓟ ꓙ ꓖꓶ ꓔꓬ ꓟ ꓥꓳ= ꓕꓱ ꓟ ꓔꓯ ꓟꓳꓸ ꓝꓣꓮꓠꓚꓰ ꓞꓳ ꓡꓱ ꓤ ꓐꓴ ꓔꓯ ꓡꓳ ꓖꓪ ꓑꓮꓲ ꓗꓪ ꓐ ꓠꓹ ꓟ ꓢꓯꓼ ꓖꓶ ꓔ ꓟ ꓔꓯ ꓠꓽ ꓠꓬꓲ ꓠꓬꓲ ꓕꓯ ꓐꓯ ꓑꓶ ꓔ ꓟ ꓥꓳ=

ꓕꓱ ꓡꓳ ꓖꓪ ꓑꓮꓲ ꓔꓯ ꓠꓬ 2024 ꓘꓳꓼ 7 ꓦ 26 ꓠꓬꓲ ꓗꓪ ꓐꓰ 8 ꓦ 11 ꓠꓬꓲ ꓗꓪ ꓛꓲ ꓬꓰ ꓠꓹ ꓟ ꓥ ꓢꓲ꓾ France Polynesia ꓘꓴꓽ ꓗꓪ ꓐꓰ ꓝꓣꓮꓠꓚꓰ ꓐꓰ ꓔꓮꓧꓲꓔꓲ ꓕꓲ ꓚꓳ ꓡꓳ ꓗꓪ ꓔꓬ ꓟ ꓡꓳ ꓒꓱ ꓓꓽ 16 ꓟ ꓐꓰ ꓬꓰ ꓠꓹ ꓟ ꓥꓳ= Olympic ꓡꓳ ꓖꓪ ꓑꓮꓲ ꓗꓪ ꓠꓬ ꓟꓽ ꓪ ꓟ ꓞꓳ ꓫꓵꓽ꓾ ꓟꓽ ꓪ ꓟ ꓡꓲꓽ ꓒꓰꓼ꓾ ꓟꓽ ꓪ ꓟ ꓘꓴ ꓜꓲꓼ ꓞꓳ ꓙꓵꓻ ꓠꓲꓹ ꓕꓱ ꓟꓬ ꓫꓵ ꓔꓯ ꓜꓲ ꓡꓯꓼ ꓘꓳ_ ꓟ ꓙꓵꓹ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓡꓳ=

ꓝꓣꓮꓠꓚꓰ ꓠꓬ ꓕꓱ ꓑꓮꓲ ꓐꓱ ꓶ ꓟꓲ ꓠꓯ ꓕꓲ ꓚꓳ ꓡꓳ ꓔꓯ ꓠꓲꓹ ꓡꓱ ꓗꓹ ꓛꓲ ꓘꓳꓹ ꓣꓴ ꓟ ꓡꓰ ꓐꓰ ꓟꓬꓱꓽ ꓙꓵꓽ ꓪ ꓥ ꓟꓲ ꓙꓳ ꓡꓳ ꓐꓰ ꓐꓯ ꓔ ꓡꓳ= ꓕꓱ ꓡꓳ ꓖꓪ ꓑꓮꓲ ꓠꓬ ꓮ ꓙꓵꓽ ꓐꓱ ꓶ ꓙꓲ_ ꓟ ꓕꓲ ꓒꓳꓹ ꓗꓪ ꓐꓰ ꓔꓳꓹ ꓜꓳ ꓪ ꓟꓶ ꓡꓰ ꓠꓹ ꓟ ꓙꓵꓹ ꓗꓷ ꓡꓰ ꓠꓹ ꓟ ꓥ ꓡꓳ= ꓠꓬꓲꓸ ꓠꓬꓲ ꓟꓲ ꓠꓯ ꓗꓪ ꓮ ꓘꓶꓸ ꓣꓱꓽ ꓬꓯꓼ ꓟ ꓬꓲ ꓤ ꓠꓬꓲ ꓟ ꓠꓵ ꓠꓲꓹ ꓔꓯ ꓟꓸ ꓖꓶ ꓠꓹ ꓟ ꓕꓱ ꓡꓳ ꓖꓪ ꓟ ꓚꓱꓹ ꓗꓪ ꓐꓰ ꓢꓷꓸ ꓙ ꓟꓳ ꓙ ꓠꓹ ꓟ ꓥꓳ=

ꓮ ꓙꓵ ꓐꓱ ꓶ ꓠꓴ ꓪ ꓠꓲꓹ ꓟ ꓔꓯ ꓒꓴ ꓔ꓾ ꓠꓴ ꓪ ꓘꓳꓹ ꓣꓴ_ ꓟ ꓣꓱ ꓛꓰ ꓠꓬ ꓢꓯꓸ ꓔꓬ ꓟ ꓬꓰ-ꓢꓴ ꓙꓲ ꓢꓴ ꓬꓲꓸ ꓗꓹ ꓛꓲ ꓟ ꓠꓬ ꓠꓴ ꓪ ꓐꓰ ꓕꓲ ꓪ ꓟꓶ ꓡ ꓥꓳ ꓐꓰ ꓢꓯꓼ ꓖꓶ_ ꓡꓳ= ꓬꓲꓸ ꓟꓶ ꓗꓪ ꓐꓰ ꓑꓮꓲ ꓔꓯ ꓙ ꓖꓶ ꓢꓴ꓾ ꓟꓬꓱꓽ ꓬꓰ ꓙ ꓔꓳꓹ ꓙ ꓢꓴ ꓮ ꓙꓵ ꓔꓯ ꓶꓽ ꓥꓳꓽ ꓙꓱ ꓖꓶ_ ꓡꓳ=

Add new comment

1 + 3 =