ꓶꓼ ꓤ ꓫꓱꓸ ꓤ ꓣꓱꓽ ꓛꓰ ꓠꓬ ꓫꓱꓸ ꓤ_ ꓟ ꓟꓬꓱꓽ ꓔꓯ ꓟꓳꓸ ꓣꓱꓽ ꓬꓰ ꓠ ꓗꓹ ꓟ

ꓶꓼ ꓤ ꓫꓱꓸ ꓤ ꓣꓱꓽ ꓛꓰ ꓠꓬ ꓫꓱꓸ ꓤ_ ꓟ ꓟꓬꓱꓽ ꓔꓯ ꓟꓳꓸ ꓣꓱꓽ ꓬꓰ ꓠ ꓗꓹ ꓟ

ꓔꓱ_ꓟ ꓠꓬ ꓫꓸ ꓔꓬ ꓟ ꓙꓵꓹ ꓗꓪ ꓥ ꓟꓲ ꓣꓳꓸ ꓚꓵ_ ꓟ ꓐꓰ ꓔꓱ_ ꓟ ꓠꓬ ꓬꓰ-ꓢꓴ ꓗꓪ ꓐꓰ ꓡ_ ꓟ ꓥꓳ ꓐꓰ ꓝꓲ-ꓓꓴ ꓒꓳ-ꓡꓳ ꓡꓰ ꓐꓯ_ ꓟ ꓥꓳ= ꓶꓼ ꓓꓳ ꓫꓱꓸ ꓓꓳ ꓚ ꓟꓸ ꓗꓪ ꓐꓰ ꓣꓳ ꓠꓬ ꓔꓱ_ ꓟ ꓠꓬ ꓪꓴ-ꓢ ꓫꓱꓸ ꓤ ꓟ ꓠꓲꓹ ꓟ ꓗꓪ ꓐꓰ ꓥ ꓢꓲ-ꓸ ꓝꓴꓲ ꓖꓽ ꓖꓶ_ ꓟ ꓥꓳ ꓐꓰ ꓐꓯ_ ꓡꓳ=

ꓪꓴ-ꓢ ꓐꓰ ꓝꓮꓲ ꓫꓱꓹ ꓡꓯꓼ ꓘꓳ_ ꓟ

ꓝꓴꓲ ꓙꓳ ꓢꓴ ꓡ ꓞꓳ ꓐꓴ ꓣꓳ ꓠꓬ ꓬꓰ-ꓢꓴ ꓡꓰ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓫꓵꓸꓹ ꓙ_ ꓟ ꓗꓪ ꓐꓰ ꓪꓴ-ꓢ ꓡꓰ ꓝꓴꓲ ꓖꓽ ꓖꓶ_ ꓟ-ꓸ  ꓚꓬꓴ ꓙ_ ꓟ ꓟꓶ ꓢꓲ-ꓸ ꓪꓴ-ꓢ ꓗꓪ ꓐꓰ ꓘꓳꓹ ꓣꓴ_ ꓟ ꓣꓱꓽ ꓛꓰ ꓔꓯ ꓟꓶ ꓢꓲ-ꓸ ꓪꓴ-ꓢ ꓐꓰ ꓝꓮꓲ ꓫꓱꓹ ꓡꓯꓼ ꓘꓳ_ ꓟ ꓥꓳ ꓐꓰ ꓔꓲ-ꓒ ꓪꓔꓲ ꓡꓰ ꓐꓯ_ ꓡꓳ= ꓪꓴ-ꓢ ꓔꓱ_ ꓟ ꓠꓬ ꓝꓴꓲ ꓑꓶꓸ ꓓꓴ ꓟꓶꓽ ꓡꓰ_ ꓟ ꓝꓴꓲ ꓢꓲ ꓫꓬ_ ꓟ ꓔꓯ ꓢꓯꓼ ꓖꓶ ꓠꓹ ꓟ ꓣꓳ ꓔꓯ ꓬꓰ ꓙ_ ꓟ ꓥꓳ=

ꓶꓼ ꓤ ꓫꓱꓸ ꓤ ꓣꓱꓽ ꓛꓰ ꓗꓪ ꓐꓰ ꓚꓬꓴ ꓙ_ ꓟ

ꓬꓰ-ꓢꓴ ꓬꓲ ꓙꓵꓸꓹꓠꓲꓹ ꓠꓬ ꓙꓲ-ꓢꓴ ꓢꓲ ꓤ ꓐꓴ ꓤꓶꓸꓹ ꓔꓯ ꓙꓲ ꓖꓴ ꓙꓳ ꓡꓰ ꓝꓲ_ ꓟ ꓐꓰ ꓬꓲꓸ ꓒꓵꓽ ꓥ ꓡꓳ= ꓶꓼ ꓤ ꓫꓱꓸ ꓤ ꓗꓪ ꓐꓰ ꓔꓱ_ ꓟ ꓗꓪ ꓛꓲ ꓠꓹ ꓟ ꓠꓬ ꓪꓴ-ꓢ ꓶꓼ ꓤ ꓫꓱꓸ ꓤ ꓔꓯ ꓟꓸ ꓔ ꓟ ꓥꓳ ꓐꓰ ꓔꓲ-ꓒ ꓪ ꓔꓲ ꓡꓰ ꓐꓯ_ ꓡꓳ= ꓶꓼ ꓤ ꓫꓱꓸ ꓤ ꓑꓶ ꓓꓴ ꓚꓬꓴ ꓙ_ ꓟ ꓗꓪ ꓛꓲ ꓥ ꓟꓲ ꓣꓳ ꓠꓬ ꓙꓵꓽ ꓗ ꓔꓯ ꓗ ꓕꓸ ꓠꓹ ꓟ ꓙꓵꓽ ꓪ ꓙꓳ_ ꓡꓳ=

ꓫꓱꓸ ꓤ ꓟ ꓟꓬꓱꓽ ꓐꓰ ꓫꓱꓹ ꓡꓯꓼ ꓘꓳ_ ꓟ

ꓫꓱꓸ ꓤ ꓟ ꓟꓬꓱꓽ ꓠꓬ ꓪꓴ-ꓢ ꓐꓰ ꓕꓲ ꓪꓼ ꓙꓸꓸ ꓫꓱꓽ ꓠꓹ ꓟ ꓐꓰ ꓣꓳ ꓔꓯ ꓡꓯꓼ ꓙꓱ ꓔ ꓟ ꓙꓵꓽ ꓪ ꓔꓯ ꓢꓷꓸ ꓠꓹ ꓟ ꓥ ꓡꓳ= ꓖꓳ ꓟ ꓑꓶ ꓓꓴ ꓔꓲ-ꓒ ꓪ ꓔꓲ ꓡꓰ ꓶꓼ ꓤ ꓫꓱꓸ ꓤ ꓣꓱꓽ ꓛꓰ ꓠꓬ ꓪꓴ-ꓢ ꓬꓲ ꓠꓵ ꓠꓲꓹ ꓪꓴ_ ꓟ ꓔꓯ ꓢꓷꓸ ꓙ ꓟꓳ ꓙ ꓠꓹ ꓟ ꓐꓰ ꓫꓱꓸ ꓤ_ ꓟ ꓟꓬꓱꓽ ꓐꓰ ꓕꓲ ꓪꓼ ꓬꓰ ꓠꓹ ꓟ ꓥ ꓡꓳ ꓐꓰ ꓶꓽ ꓓꓳ ꓫꓱꓸ ꓓꓳ ꓔꓯ ꓠꓽ ꓡꓰ_ ꓡꓳ=