ꓤ ꓠꓱ ꓤ ꓐꓴ ꓠꓬ ꓡ ꓠꓹ ꓟ ꓤꓶꓸꓹ ꓐꓱ ꓶ ꓟꓽ ꓔꓬ ꓟꓽ ꓓ ꓟ ꓢꓲꓹ ꓪꓰ ꓢꓶꓸ ꓢꓶꓽ ꓥ ꓡꓳ=

ꓤ ꓠꓱ ꓤ ꓐꓴ ꓠꓬ ꓡ ꓠꓹ ꓟ ꓤꓶꓸꓹ ꓐꓱ ꓶ ꓟꓽ ꓔꓬ ꓟꓽ ꓓ ꓟ ꓢꓲꓹ ꓪꓰ ꓢꓶꓸ ꓢꓶꓽ ꓥ ꓡꓳ=

6 ꓦ 10 ꓠꓬꓲ ꓠꓽ ꓥꓪ ꓠꓬꓲ ꓕꓯ Europe ꓗꓪ The Federation of Catholic Family Associations, Ukraine ꓗꓴꓷꓼ ꓟꓯꓼ ꓢꓰꓼ ꓡꓯꓼ ꓘꓳ ꓟ ꓗꓪ ꓐꓰ ꓟꓯꓼ ꓘꓰꓹ ꓓꓵꓽ ꓡ ꓢꓴ ꓐꓴ ꓔꓯ ꓠꓬꓲꓸ ꓠꓬꓲ ꓟ ꓢꓰꓹ ꓪꓰ ꓥ ꓟ ꓤ ꓠꓱ ꓤ ꓐꓴ ꓠꓬ ꓢꓸ ꓠꓯꓼ ꓢꓶꓸ ꓢꓶꓽ ꓓꓱꓼ ꓡ ꓠꓹ ꓟ ꓠꓬ ꓮ ꓘꓶꓸ ꓫꓸ ꓔ ꓟ ꓥꓳ= ꓡ ꓠꓹ ꓟ ꓤꓶꓹ ꓐꓱ ꓶ ꓬꓲꓸ ꓪ ꓟꓽ ꓔꓬ ꓟꓽ ꓓ ꓬꓲ ꓪ ꓟꓽ ꓐ ꓟꓽ ꓓ ꓐꓰ ꓐꓯ ꓔ ꓡꓳ=   

ꓬꓲ ꓪ ꓔꓯ ꓜ ꓓꓴ ꓓꓳ ꓓꓴ ꓤ ꓟꓳ ꓗꓴꓸ ꓠꓹ ꓟ ꓶꓸꓹ ꓤꓼ ꓶ ꓟꓲ ꓣꓱꓽ ꓗꓴꓸ ꓠꓹ ꓟ ꓐꓱ ꓶ ꓟꓸ ꓠ ꓔ ꓡꓳ ꓐꓰ ꓜꓲꓼ ꓡ ꓢꓴ ꓐꓴ ꓔꓯ ꓐꓯ ꓖꓶ_ ꓡꓳ= ꓡ ꓞꓳ ꓮ ꓟꓬꓹ ꓕꓲ ꓠꓲꓹ ꓕꓲ ꓪꓼ ꓗꓷ ꓡꓰ ꓠꓹ ꓟ ꓠꓬ ꓕꓲ ꓦꓲ ꓡ ꓞꓳ ꓗꓪ ꓐꓰ ꓪꓴꓸ ꓔꓴ_ ꓟ ꓔꓯ ꓣꓳ ꓢꓷꓸ ꓠ ꓔ ꓡꓳ= ꓘꓴ ꓜꓲꓼ ꓞꓳ ꓢ-ꓢꓶ-ꓠ ꓠꓬ 2021 ꓘꓳꓼ 10 ꓦ 2023 ꓘꓳꓼ 10 ꓦ ꓠꓬꓲ ꓗꓳ ꓚ ꓗꓪ ꓐꓰ ꓬꓰ_ ꓟ ꓟꓬꓱꓽ ꓚꓱꓹ ꓖꓪ ꓙꓱ ꓜꓲꓼ ꓓꓴ ꓔꓶꓸꓹ ꓙꓱꓼ ꓮ ꓙꓵꓽ ꓔꓯ ꓙꓲ ꓢꓴ ꓢꓲ ꓤ ꓐꓴ ꓐꓰ ꓕꓲ ꓪꓼ ꓙꓸꓹ ꓫꓱꓽ ꓠꓹ ꓟ ꓥꓳ= ꓕꓱ ꓟ ꓠꓬ ꓘꓴ ꓜꓲꓼ ꓞꓳ ꓠꓬ ꓕꓲ ꓦꓲ ꓡ ꓞꓳ ꓕꓲ ꓦꓲ ꓡꓰ ꓕꓲ ꓦꓲ ꓐꓰ ꓕꓲ ꓪꓼ ꓙꓸꓹ ꓫꓱꓽ_ ꓟ ꓕꓲꓽ ꓦꓲ ꓡ ꓞꓳ ꓡꓰ ꓥꓳ ꓐꓰ ꓔꓲꓸ ꓒ ꓪ ꓔꓲ ꓡꓰ ꓐꓯ_ ꓡꓳ=  

ꓔꓲꓸꓸ ꓒ ꓪ ꓔꓲ ꓡꓰ ꓮ ꓟꓶ Ukraine ꓗꓴꓷꓼ ꓟꓯꓼ ꓢꓰꓼ ꓡꓯꓼ ꓘꓳ ꓟ ꓑꓶ ꓓꓴ Europe ꓗꓪ ꓘꓰꓹ ꓑꓬ ꓔꓬ ꓟ-ꓸ ꓕꓲ ꓟꓲ ꓠꓯ ꓡꓱꓼ ꓠꓸꓹ ꓫꓵ ꓔꓳꓹ ꓜꓳ ꓔꓬ ꓟ ꓑꓶ ꓓꓴ ꓕꓱ ꓟ ꓔꓯ ꓠꓲꓹ ꓟ ꓫꓸ ꓙ ꓔꓬ ꓟ ꓥꓳ= ꓕꓲ ꓦꓲ ꓡ ꓞꓳ ꓐꓴ ꓮ ꓙꓵ ꓠꓬ ꓟꓯꓼ ꓢꓰꓼ ꓟ ꓔꓯ ꓟꓽ ꓠꓲꓹ ꓫꓵ ꓟ ꓥꓳ= ꓕꓱ ꓡꓱ ꓒꓬꓱꓼ ꓔꓬ ꓟ ꓙꓵꓹ ꓗꓪ The Federation of Catholic Family Associations  ꓕꓲ ꓟꓲ ꓠꓯ ꓡꓱꓼ ꓗꓪ ꓐꓰ ꓕꓲ ꓦꓲ ꓡ ꓞꓳ ꓐꓴ ꓐꓰ ꓖꓪ ꓙꓱ ꓜꓲꓼ ꓢꓲ-ꓸ ꓬꓰ_ ꓟ ꓟꓬꓱꓽ ꓬꓰ ꓙ ꓟ ꓟꓬꓱꓽ ꓗꓪ ꓐꓰ ꓢꓯꓼ ꓕꓵꓼ ꓬꓰ ꓙ ꓠꓹ ꓟ ꓐꓱ ꓶ ꓢꓷꓸ ꓠꓲꓹ ꓖꓶ ꓢꓯꓼ ꓖꓶ_ ꓟ ꓔꓯ ꓔꓲꓸ ꓒ ꓪ ꓔꓲ ꓡꓰ ꓫꓱꓸ ꓖꓶ_ ꓡꓳ=

ꓪ ꓞꓲ ꓬꓰ ꓙ ꓔꓳꓹ ꓙ ꓓꓴ ꓬꓰ ꓗꓹ ꓛꓲ_ ꓟ ꓶꓽ ꓓꓳ ꓫꓱꓸ ꓓꓳ ꓗꓪ ꓡꓰ ꓐꓰ ꓗꓹ ꓗꓹ ꓛꓲ ꓛꓲ ꓐꓰ ꓐ ꓡ ꓕꓯ ꓑꓳꓸ ꓬꓰ ꓙ ꓔꓳꓹ ꓙ ꓓꓴ ꓬꓰ ꓐꓰ ꓢꓯꓼ ꓖꓶ_ ꓡꓳ=