Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Mexico ꓗꓴꓷꓼ ꓠꓱꓸ ꓐꓯꓼ ꓟꓵꓽ ꓗꓪ ꓐꓰ ꓚꓵꓸ ꓡ ꓢꓴ ꓔꓬ ꓔꓶꓸ ꓗꓪ ꓮꓸ ꓔꓳꓸ ꓐꓬ ꓡꓰ ꓟ ꓗꓪ ꓫꓵꓻ ꓢꓴ ꓐꓴ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓖꓶ_ ꓟ꓾
Mexico ꓗꓴꓷꓼ ꓠꓱꓸ ꓐꓯꓼ ꓟꓵꓽ ꓗꓪ ꓐꓰ ꓚꓵꓸ ꓡ ꓢꓴ ꓔꓬ ꓔꓶꓸ ꓗꓪ ꓮꓸ ꓔꓳꓸ ꓐꓬ ꓡꓰ ꓟ ꓗꓪ ꓫꓵꓻ ꓢꓴ ꓐꓴ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓖꓶ_ ꓟ꓾Thursday, March 30, 2023
Mexican ꓠꓱꓸ ꓐꓯꓼ ꓟꓵꓽ ꓗꓪ ꓐꓰ ꓚꓵꓸ ꓡ ꓢꓴ ꓔꓬ ꓔꓶꓸ ꓗꓪ ꓮꓸ ꓔꓳꓸ ꓐꓬ ꓡꓰ ꓟ ꓗꓪ ꓫꓵꓻ ꓢꓴ ꓐꓴ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓖꓶ_ ꓟ꓾
ꓔꓲꓺ ꓒ ꓪ ꓔꓲ ꓡꓰ ꓠꓽ ꓠꓬꓲ ꓠꓬꓲ ꓕꓯ Mexico ꓗꓴꓷꓼ Ciudad Juarez ꓡꓳ ꓒꓱ ꓗꓪ ꓔꓬ ꓟ ꓠꓱꓸ ꓐꓯꓼ ꓟꓵꓽ ꓗꓪ ꓐꓰ ꓚꓵꓸ ꓡ ꓢꓴ ꓔꓬ ꓔꓶꓸ ꓕꓲ ꓟ ꓮꓸ ꓔꓳꓸ ꓐꓬ ꓡꓰ ꓟ ꓗꓪ 38 ꓣꓳ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓢꓲ꓾ ꓣꓱꓽ ꓬꓯꓼ ꓟ ꓔꓯ ꓬꓰ ꓙ ꓔꓳꓹ ꓙ ꓠꓹ ꓟ ꓐꓯ ꓗꓷꓳ=
ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ꓾ ꓬꓲ ꓪ ꓦ ꓠꓬ ꓢꓲ ꓡꓲꓹ ꓟ ꓟꓶ ꓝꓲ꓾ ꓬꓲ ꓪ ꓕꓲ ꓦꓲꓻ ꓢꓴ ꓠꓲꓹ ꓗꓳꓸ ꓟꓬ ꓗꓳꓸ ꓟꓶ ꓡꓰ ꓝꓲ ꓐꓰ ꓪꓽ ꓘꓴ ꓖꓶ ꓢꓲ꓾ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓥ ꓟꓲ ꓪꓽ ꓘꓴ ꓙ ꓠꓹ ꓟ ꓐꓯ ꓡꓳ=
ꓮꓸ ꓔꓳꓸ ꓐꓬ ꓡꓰ ꓟ ꓗꓪ 38 ꓣꓳ ꓛꓲ ꓫꓵꓻ ꓡꓰ ꓢꓲ꓾ 29 ꓣꓳ ꓠꓻ ꓓꓴ ꓡꓰ ꓟ ꓥꓳ= ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓠꓬ ꓠꓯꓺ ꓞꓲꓼ ꓦꓲꓻ ꓗꓪ ꓧꓳꓽ ꓔꓯꓹ ꓦ ꓟ ꓥꓳ= Mexico ꓣꓳꓸ ꓦꓲꓻ ꓓꓽ ꓗꓪ ꓐꓰ ꓮꓸ ꓔꓳꓸ ꓬꓲꓸ ꓪꓴꓸ ꓐꓬ ꓡꓰ ꓟ ꓥ ꓡꓳ= ꓖꓳ ꓗꓪ ꓠꓬ Venezuela ꓗꓪ ꓐꓰ ꓤ 68 ꓣꓳ ꓟꓬ ꓠꓬꓲ ꓔꓬ ꓟ ꓑꓶ ꓓꓴ ꓬꓲ ꓪ ꓔꓯ ꓠ ꓠꓬꓲ ꓚꓬꓹ ꓠꓹ ꓟ ꓧꓳꓽ ꓔꓯ ꓙꓰ ꓟ ꓥꓳ=
Mexico ꓗꓴꓷꓼ ꓢꓲ ꓒꓽ Andres Manuel Lopez Obrador ꓡꓰ ꓐꓯ ꓔ ꓟ ꓠꓬ꓾ ꓬꓲ ꓪ ꓗꓪ ꓐꓰ ꓕꓲ ꓐꓱ ꓔꓯ ꓬꓲ ꓪ ꓔꓬ ꓟ ꓟꓵꓽ ꓗꓪ ꓡ ꓙꓰ ꓝꓲ ꓠꓹ ꓟ ꓢꓷꓸ ꓔ ꓟ ꓪꓴꓸ ꓠꓬꓲ ꓕꓱ ꓡꓱ ꓮ ꓔꓳꓸ ꓐꓬ ꓡꓰ ꓝꓲ ꓟ ꓥꓳ꓾ ꓕꓱ ꓟꓬ ꓗꓷ ꓡꓰ ꓡꓳ ꓐꓰ ꓟꓽ ꓓꓵꓽ ꓙ ꓟ ꓥꓳ ꓐꓰ ꓐꓯ ꓔ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment