ꓬꓲꓼ ꓠꓬꓲ ꓤ ꓠꓵ ꓠꓲꓹ ꓐꓰ ꓬꓰ-ꓢꓴ ꓔꓯ ꓢꓷꓸ ꓙ ꓟꓳ ꓙ ꓓꓴ ꓬꓰ ꓡꓯ꓾

ꓬꓲꓼ ꓠꓬꓲ ꓤ ꓠꓵ ꓠꓲꓹ ꓐꓰ ꓬꓰ-ꓢꓴ ꓔꓯ ꓢꓷꓸ ꓙ ꓟꓳ ꓙ ꓓꓴ ꓬꓰ ꓡꓯ꓾

7 ꓦ 3 ꓠꓬꓲ ꓠꓽ ꓫꓵ ꓠꓬꓲ St. Peter ꓪꓽ ꓘꓴ ꓦꓲꓻ ꓓꓽ ꓗꓪ ꓔꓲꓸꓸ ꓒ ꓪ ꓔꓲ ꓡꓰ ꓬꓲꓼ ꓠꓬꓲ ꓤ ꓠꓵ ꓠꓲꓹ ꓗꓪ ꓐꓰ ꓟꓸ ꓖꓶ ꓢꓲ꓾ ꓬꓰ-ꓢꓴ ꓔꓯ ꓢꓷꓸ ꓙ ꓟꓳ ꓙ ꓓꓴ ꓬꓰ ꓡꓯ꓾ ꓐꓰ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓢꓯꓼ ꓖꓶ_ ꓡꓳ=

ꓖꓳ ꓕꓲꓽ ꓠꓬꓲ ꓵ ꓠꓹ ꓟ ꓢꓲ ꓫꓬ ꓕꓳ ꓶ ꓶꓽ ꓓꓳ ꓫꓱꓸ ꓓꓳ ꓠꓬ ꓬꓲ ꓛꓳꓽ ꓒꓯꓹ 72 ꓣꓳ ꓔꓯ ꓠꓬꓲꓽ ꓣꓳ ꓠꓬꓲꓽ ꓣꓳ ꓝꓲ ꓩꓴ ꓗꓷ_ ꓟ ꓚꓱꓹ ꓥ ꓡꓳ= ꓪꓴ-ꓢ ꓟꓬꓱꓽ ꓬꓰ ꓠꓹ ꓟ꓾ ꓶ ꓓꓳ ꓫꓱꓸ ꓓꓳ ꓔꓯ ꓢꓷꓸ ꓙ ꓟꓳ ꓙ ꓠꓹ ꓟ ꓬꓰ-ꓢꓴ ꓡꓰ ꓬꓲ ꓪ ꓔꓯ ꓕꓲꓽ ꓣꓳ ꓕꓵꓼ ꓟꓽ ꓙꓰ ꓝꓲ꓾ ꓠꓬꓲꓽ ꓣꓳ ꓠꓬꓲꓽ ꓣꓳ ꓙꓰ ꓝꓲ_ ꓟ ꓥꓳ꓾   

ꓢ-ꓢꓶ-ꓠ ꓟꓬꓱꓽ ꓬꓰ ꓟ ꓗꓪ ꓠꓬꓲꓽ ꓣꓳ ꓝꓲ ꓩꓴ_ ꓟ ꓠꓬ ꓟꓬ ꓠꓬꓲ ꓶꓼ ꓤ ꓫꓱꓸ ꓤ ꓟꓶ_ ꓟ ꓥꓳ ꓐꓰ ꓔꓲꓸꓸ ꓒ ꓪ ꓔꓲ ꓡꓰ ꓐꓯ ꓔ ꓡꓳ= ꓝꓲ ꓓꓴ ꓐꓴ ꓠꓬꓲꓽ ꓣꓳ ꓠꓬ ꓕꓲ ꓣꓳ ꓡꓰ ꓗꓷ ꓡꓰ ꓥ ꓟꓲ ꓬꓲ ꓪ ꓠꓬꓲꓽ ꓣꓳ ꓪꓴ-ꓢ ꓶꓼ ꓓꓳ ꓫꓱꓸ ꓓꓳ ꓢꓷꓸ ꓙ ꓟꓳ ꓙ ꓟ ꓠꓬ ꓬꓰ-ꓢꓴ ꓐꓯ ꓘꓶꓽ ꓔꓯ ꓡꓰ ꓢꓷꓸ ꓙ ꓟꓳ ꓙ ꓟ ꓥꓳ=

ꓪꓴ-ꓢ ꓶ ꓓꓳ ꓫꓱꓸ ꓓꓳ ꓟꓬꓱꓽ ꓢꓷꓸ ꓙ ꓟꓳ ꓙ ꓙꓰ ꓕꓯ ꓕꓲ ꓣꓳ ꓐꓰ ꓕꓲ ꓣꓳ ꓛꓳ ꓒꓵꓽ ꓠꓹ ꓟ ꓬꓰ-ꓢꓴ ꓔꓯ ꓘꓳꓹ ꓣꓴ ꓠꓹ ꓟ ꓐꓱ ꓶ ꓙ ꓖꓶ ꓠꓹ ꓟ ꓚꓱꓹ ꓟꓴ ꓗꓪ ꓗꓴꓷꓼ ꓛꓲ  ꓠꓹ ꓟ ꓣꓱꓽ ꓬꓯꓼ ꓟ ꓚꓱꓹ ꓠꓲꓹ ꓟ ꓒꓳꓹ ꓬꓯꓼ ꓠꓹꓟ ꓚꓱꓹ ꓡꓰ ꓥꓳ=

ꓬꓰ ꓠꓹꓟ ꓟꓬꓱꓽ ꓥ ꓟꓲ ꓠꓻ ꓢꓴ ꓔꓯ ꓠꓻ ꓫꓬꓹ ꓒꓬ ꓫꓬꓹ ꓖꓶ ꓠꓹ ꓟ꓾ ꓟꓽ ꓫꓬ ꓠꓲꓽ ꓞꓶꓽ ꓞꓹ ꓢꓴ ꓔꓯ ꓠꓲ ꓖꓼ ꓓꓳ ꓗꓷ ꓠꓹ ꓟ ꓥ ꓡꓳ= ꓮ ꓙꓵꓽ ꓐꓱ ꓶ ꓪꓴ-ꓢ ꓗꓪ ꓐꓰ ꓗꓹ ꓛꓲ_ ꓟ ꓚꓱꓹ ꓶꓼ ꓤ ꓫꓱꓸ ꓤ ꓔꓯ ꓟꓶ ꓡꓰ ꓠꓹ ꓟ ꓡꓰ ꓥ ꓡꓳ=