ꓬꓰ-ꓢꓴ ꓠꓬ ꓙꓲ_ ꓟ ꓣꓳ ꓟꓯꓼ ꓛꓳꓽ ꓒꓯꓹ ꓥ ꓡꓳ=

ꓬꓰ-ꓢꓴ ꓠꓬ ꓙꓲ_ ꓟ ꓣꓳ ꓟꓯꓼ ꓛꓳꓽ ꓒꓯꓹ ꓥ ꓡꓳ=

8 ꓦ 5 ꓠꓬꓲ ꓠꓽ ꓡꓲꓸ ꓠꓬꓲ ꓕꓯ Italy ꓗꓴꓷꓼ ꓗꓪ ꓬꓰ_ ꓟ Alpha Camp ꓗꓪ ꓐꓰ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ ꓘꓶꓽ ꓕꓱ ꓠꓹ ꓟ ꓘꓳꓹ ꓣꓴ ꓟ ꓔꓯ ꓢꓷꓸ ꓪ ꓡꓳ=

ꓬꓰ-ꓢꓴ ꓠꓬ ꓠꓴ ꓪ ꓠꓯꓼ ꓗꓪ ꓙꓲ_ ꓟ ꓛꓳꓽ ꓒꓯꓹ ꓗꓷ ꓡꓰ ꓝꓲ꓾ ꓠꓴ ꓪ ꓔꓳꓹ ꓜꓳ ꓡ_ ꓟ ꓚꓱꓹ ꓮ ꓙꓵ ꓗꓪ ꓕꓲ ꓪꓼ ꓔꓬ ꓟ ꓛꓳꓽ ꓒꓯꓹ ꓗꓷ ꓡꓰ ꓝꓲ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓖꓶ ꓢꓲ꓾ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓡꓳ=

ꓬꓰ-ꓢꓴ ꓠꓬ ꓠꓴ ꓪ ꓔꓯ ꓮ ꓕꓯ ꓥ ꓟꓲ ꓟꓽ ꓒꓲꓹ ꓗꓷ꓾ ꓠꓴ ꓪ ꓔꓯ ꓚꓬꓴ ꓙ ꓟ ꓥꓳ=

ꓬꓰ-ꓢꓴ ꓠꓬ ꓢꓯꓸ ꓔꓬ ꓟ ꓥ ꓡꓳ= ꓬꓲ ꓠꓬ ꓣꓳ ꓠꓲꓹ ꓥꓳ ꓓꓴ ꓬꓲꓸ ꓔꓶꓸ ꓥ ꓡꓳ= ꓞꓳ ꓡꓱ ꓐꓴ ꓟꓲ ꓠꓯ ꓔꓯ ꓟꓬ ꓠꓬꓲ ꓙꓲ_ ꓟ ꓐꓰ ꓢꓯꓸ ꓔꓬ ꓠꓹ ꓟ ꓐꓱ ꓶ ꓬꓰ-ꓢꓴ ꓥꓳ ꓡꓳꓸ ꓔ ꓡꓳ=  ꓠꓴ ꓪ ꓞꓳ ꓡꓱ ꓤ ꓐꓴ ꓒꓴ ꓫꓵꓺ ꓡꓰ ꓐꓰ ꓒꓵꓽ_ ꓠꓹ ꓟ ꓐꓱ ꓶ ꓢꓯꓼ ꓟꓬ ꓖꓶ ꓔ ꓟ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ ꓢꓯꓼ ꓖꓶ_ ꓡꓳ=

ꓬꓰ-ꓢꓴ ꓠꓬ ꓠꓴ ꓪ ꓛꓳꓽ ꓒꓯꓹ ꓥ ꓡꓳ=

ꓬꓰ-ꓢꓴ ꓠꓬ ꓟꓲ ꓠꓯ ꓗꓪ ꓡ ꓞꓳ ꓕꓲ ꓣꓳ ꓡꓰ ꓐꓰ ꓬꓯꓼ ꓡ ꓟ ꓑꓶ ꓓꓴ ꓡ ꓞꓳ ꓮ ꓙꓵ ꓐꓰ ꓕꓲ ꓪꓼ ꓠꓶꓽ ꓞꓹ ꓢꓲ ꓔꓬ ꓟ ꓥ ꓡꓳ= ꓬꓲꓸ ꓡꓰ ꓧꓳꓽ ꓪꓴꓸ ꓔ ꓟ ꓗꓪ ꓛꓳ ꓓꓴ ꓬꓰ ꓡꓯ= ꓟꓽ ꓙꓲ ꓟ ꓠꓲꓽ ꓢ ꓓꓯꓼ ꓠꓬ ꓣꓳ ꓒ ꓕꓲꓼ ꓐꓰ ꓣꓳ ꓠꓯꓼ ꓗꓪ ꓔꓬ ꓟ ꓥꓳ= ꓖꓳ ꓟ ꓡꓰ ꓐꓰ ꓣꓳ ꓟꓽ ꓙꓲ_ ꓟ ꓔꓳꓹ ꓜꓳ ꓡ ꓕꓯ ꓔꓱ_ ꓟ ꓐꓰ ꓧꓪꓸ ꓡꓰ ꓠꓹ ꓟ ꓟꓽ ꓥ꓾ ꓣꓳ ꓚꓲ ꓛꓬ ꓠꓶꓽ ꓞꓹ ꓠꓹ ꓟ ꓥ ꓟꓲ ꓟꓽ ꓥ꓾ ꓣꓳ ꓕꓲ ꓣꓳ ꓡꓰ ꓕꓲ ꓣꓳ ꓟꓶ_ ꓟ ꓙꓵꓽ ꓪ ꓔꓯ ꓟꓯ ꓢꓲ꓾ ꓣꓳ ꓟꓯ ꓠꓹ ꓟ ꓙꓵꓽ ꓪ ꓐꓰ ꓕꓲ ꓪꓼ ꓟꓯ ꓙ ꓠꓹ ꓟ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓡꓳ=

ꓬꓰ-ꓢꓴ ꓠꓬ ꓣꓳ ꓡꓯ ꓐꓳ ꓔꓶꓸ ꓓꓴ ꓔꓯ ꓗꓹ ꓛꓲ ꓠꓵ ꓠꓲꓹ ꓐꓰ ꓑꓱꓸ ꓠꓹ ꓟ ꓐꓱ ꓶ ꓐꓯ_ ꓟ ꓥꓳ= ꓬꓰ-ꓢꓴ ꓔꓯ ꓔꓱ_ ꓟ ꓠꓲꓹ ꓟ ꓐꓰ ꓙꓵꓻ ꓠꓹ ꓟ ꓥ ꓟꓲ ꓓꓵꓽ ꓙ ꓠ ꓔ ꓡꓳ=

ꓬꓰ-ꓢꓴ ꓠꓬ ꓣꓳ ꓚꓲ ꓛꓬ ꓠꓲꓹ ꓠꓵ_ ꓟ ꓓꓲ ꓢ ꓣꓳ ꓔꓯ ꓠꓲꓹ ꓠꓵ_ ꓡꓳ꓾  

ꓬꓰ-ꓢꓴ ꓔꓯ ꓢꓷꓸ ꓠꓬ ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓣꓳ ꓑꓱꓸ ꓠꓹ ꓟ ꓡꓯꓼ ꓐꓳ ꓔꓶꓸ ꓓꓴ ꓑꓱꓸ ꓟꓶ ꓠꓹ ꓟ꓾ ꓬꓲ ꓗꓪ ꓐꓰ ꓪ ꓟꓶ ꓡ ꓟ ꓥꓳ= ꓣꓳ ꓚꓲ ꓛꓬ ꓔꓯ ꓣꓳ ꓢꓷꓸ ꓔ ꓟ ꓡꓰ ꓟꓽ ꓞꓲ ꓣꓳ ꓚꓱꓹ ꓔꓯ ꓢꓷꓸ ꓔ ꓡꓳ= ꓣꓳ ꓚꓲ ꓛꓬ ꓠꓲꓹ ꓠꓵ ꓟ ꓡꓰ ꓟꓽ ꓞꓲ ꓣꓳ ꓔꓯ ꓟꓬ ꓠꓬꓲ ꓠꓲꓹ ꓠꓵ_ ꓡꓳ= ꓬꓲ ꓠꓬ ꓣꓳ ꓔꓯ ꓠꓱꓸ ꓐꓯꓼ ꓮ ꓫꓵ ꓗꓪ ꓐꓰ ꓥ ꓟꓲ ꓟꓽ ꓪ ꓠꓹ ꓟ ꓐꓲ ꓞꓲꓼ_ ꓟ ꓡ ꓞꓳ ꓡꓰ ꓫꓬꓹ ꓔꓱ ꓖꓶ_ ꓟ ꓥꓳ=

ꓔꓲꓺ ꓒ ꓪ ꓔꓲ ꓬꓲꓸ ꓞꓲꓼ 17 ꓘꓳꓼ ꓕꓯ ꓬꓰ-ꓢꓴ ꓔꓯ ꓧꓪ ꓟꓳ ꓡꓰ ꓫꓸ ꓕꓱ ꓡꓯ ꓘꓳ ꓪ ꓡꓰ ꓢꓲ꓾ ꓔꓲꓺ ꓒ ꓤꓶꓻ ꓐꓰ ꓙ ꓫꓱꓽ ꓠꓹ ꓟ ꓐꓱ ꓶ ꓢꓲ ꓚꓰꓸ ꓟꓶ ꓡꓰ ꓟ ꓔꓯ ꓧꓪ ꓟꓳ ꓟ ꓥꓳ ꓐꓰ ꓞꓳ ꓡꓱ ꓐꓴ ꓔꓯ ꓢꓯꓼ ꓖꓶ_ ꓡꓳ= ꓬꓰ-ꓢꓴ ꓔꓯ ꓧꓪ ꓠꓹ ꓟ ꓜꓲ ꓠꓹ ꓟ ꓙꓵꓻ ꓠꓲꓹ ꓚꓱꓹ ꓗꓪ ꓙꓻ ꓫꓱ ꓠꓹ ꓟ ꓠꓬ ꓬꓲꓸ ꓙꓵꓹ ꓞꓰ ꓡꓰꓳ ꓫꓵ ꓟꓽ ꓙꓳ꓾

ꓬꓲꓸ ꓟꓶ ꓗꓪ ꓐꓰ ꓢꓯꓸ ꓔꓬ ꓟ ꓬꓰ-ꓢꓴ ꓔꓯ ꓠꓴ ꓪ ꓤꓶꓻ ꓗꓪ ꓙꓲ_ ꓟ ꓛꓳꓽ ꓒꓯꓹ ꓗꓷ ꓡꓰ ꓝꓲ ꓐꓰ ꓪꓽ ꓘꓴ ꓖꓶ ꓢꓲ ꓢꓯꓼ ꓖꓶ ꓗꓷ ꓟ ꓥꓳ=