ꓤ ꓠꓱ ꓤ ꓕꓲ ꓣꓳ ꓡꓰ ꓔꓲꓸꓸ ꓒ ꓪ ꓔꓲ Francis ꓔꓯ Ukraine ꓗꓪ ꓟ ꓤ ꓠꓱ ꓤ ꓐꓴ ꓮ ꓙꓵ: ꓔꓯ ꓚꓬꓴ ꓙ ꓠꓹ ꓟ ꓐꓱ ꓶ Ukraine ꓗꓪ ꓙꓰ ꓚꓳ ꓐ ꓡ ꓐꓰ ꓠ ꓠꓬꓲ_ ꓟ-ꓸ

ꓤ ꓠꓱ ꓤ ꓕꓲ ꓣꓳ ꓡꓰ ꓔꓲꓸꓸ ꓒ ꓪ ꓔꓲ Francis ꓔꓯ Ukraine ꓗꓪ ꓟ ꓤ ꓠꓱ ꓤ ꓐꓴ ꓮ ꓙꓵ: ꓔꓯ ꓚꓬꓴ ꓙ ꓠꓹ ꓟ ꓐꓱ ꓶ Ukraine ꓗꓪ ꓡ ꓐ ꓡ_ ꓡ ꓐꓰ ꓠ ꓠꓬꓲ_ ꓟ-ꓸ

ꓔꓲꓸꓸ ꓒ ꓪ ꓔꓲ ꓡꓰ Ukraine ꓗꓴꓷꓼ Kyiv ꓗꓪ ꓙꓰ ꓚꓳ ꓠꓲꓹ ꓫꓵꓽ ꓥ ꓟꓲ ꓙꓲ_ ꓟ ꓬꓲꓸ ꓙꓵꓹ ꓔꓯ ꓡꓳꓸ ꓔꓬ ꓢꓰ ꓡꓳ ꓐꓰ ꓐꓯ ꓔ ꓡꓳ=

ꓡꓳꓹ ꓬꓰ ꓟ ꓠꓽ ꓛꓳꓼ ꓠꓬꓲ ꓕꓯ ꓤ ꓠꓱ ꓤ ꓕꓲ ꓣꓳ ꓡꓰ ꓔꓲꓸꓸ ꓒ ꓪ ꓔꓲ Francis ꓔꓯ Ukraine ꓗꓪ ꓫ ꓓꓴ ꓟꓶ ꓓꓴ ꓔꓳꓹ ꓜꓳꓽ ꓔꓬ ꓟ ꓤ ꓠꓱ ꓤ ꓐꓴ ꓮ ꓙꓵꓽ ꓔꓯ ꓚꓬꓴ ꓙ ꓠꓹ ꓟ ꓐꓱ ꓶ Ukraine ꓗꓪ ꓡ꓾ ꓟꓽ ꓡ ꓐꓰ ꓐꓯ ꓢꓲ ꓠ ꓠꓬꓲ_ ꓟ ꓥ ꓡꓳ= ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓐꓰ ꓘꓴ ꓜꓲꓼ ꓞꓳ ꓗꓪ ꓟ ꓤ ꓠꓱ ꓐꓴ ꓮ ꓙꓵꓽ (160) ꓛꓲ ꓔꓲꓺ ꓒ ꓪ ꓔꓲ ꓐꓰ ꓫ ꓕꓱˍ ꓟ ꓙꓵꓹ ꓗꓪ ꓤ ꓠꓱ ꓤ ꓡꓰ ꓠ ꓠꓬꓲ ꓗꓷ ꓟ ꓥ ꓡꓳ= ꓕꓱ ꓤ ꓠꓱ ꓤ ꓟꓬꓱꓻ ꓠꓬ Sachar ꓥ ꓢꓲ Ukraine ꓗꓪ ꓐꓰ Rome ꓗꓪ ꓟꓯꓼ ꓘꓰꓹ ꓢꓴ ꓕꓲ ꓣꓳ ꓥ ꓡꓳ=

Ukraine ꓗꓪ ꓐꓰ ꓤ ꓠꓱ ꓤ ꓮ ꓟꓬꓹ ꓔꓯ ꓓꓵꓽ ꓙ ꓟꓶ_ ꓡꓳ=

ꓕꓱ ꓡꓱ ꓤ ꓠꓱ ꓤ ꓐꓴ ꓐꓰ ꓜꓲ ꓡꓯꓼ ꓘꓳ ꓟ ꓙꓵꓹ ꓗꓪ ꓤ ꓠꓱ ꓤ ꓐꓴ ꓡꓰ ꓙ ꓖꓶ ꓔ ꓟ ꓠ ꓠꓬꓲ ꓘꓶꓽ ꓔꓯ ꓐꓯ ꓟꓸ ꓖꓶ_ ꓡꓳ= Rome ꓟꓯꓼ ꓘꓰꓹ ꓡ ꓢꓴ Sachar ꓟꓬꓱꓸꓸ ꓔ ꓟ ꓤ ꓠꓱ ꓤ ꓡꓰ “ꓥꓪ ꓡꓰ ꓠ ꓠꓬꓲ ꓓꓴ ꓠꓬ ꓟꓽ ꓙꓳ-ꓸ ꓖꓳ ꓡꓱ ꓥ ꓟꓲ ꓶꓽ ꓓꓰ ꓘꓶꓽ ꓕꓲ ꓟ ꓠꓬ ꓙꓳ_ ꓡꓳ= Ukraine ꓗꓪ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓤ ꓠꓱ ꓤ ꓐꓴ ꓔꓯ ꓚꓬꓴ ꓙ ꓠꓹ ꓟ Ukraine ꓗꓪ ꓡ ꓐ ꓡ_ ꓡ ꓐꓰ ꓠ ꓠꓬꓲ_ ꓡꓳ=”

Ukraine ꓗꓪ ꓔꓬ ꓟ ꓤ ꓠꓱ ꓤ ꓮ ꓟꓬꓹ ꓔꓯ ꓓꓵꓽ ꓙ ꓟꓶ_ ꓡꓳ= ꓖꓳ ꓟ ꓑꓶ ꓓꓴ ꓖꓳ ꓗꓪ ꓔꓬ ꓟ ꓡ ꓞꓳ ꓐꓴ ꓤ ꓠꓱ ꓤ ꓐꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ Cardinals ꓐꓴ ꓔꓯ ꓝꓲ ꓩꓴ ꓗꓷ ꓟ ꓥꓳ=

Ukraine ꓗꓪ ꓙꓰ ꓚꓳ ꓠꓲꓹ ꓫꓵ_ ꓡꓳ= ꓙꓲꓹ ꓟ ꓬꓲꓸ ꓙꓵꓹ ꓔꓯ ꓡꓳꓸ ꓔꓬ ꓟ ꓥꓳ= ꓓꓵꓽ ꓙ ꓞꓷꓹ ꓥꓳꓽ ꓡꓰ ꓠꓬ ꓙꓲ_ ꓟ ꓓꓲ ꓢ ꓟꓽ ꓙꓲ_ ꓟ ꓟꓬ ꓠꓬꓲ ꓗꓷ ꓡꓰ ꓓꓴ ꓟꓬꓹ ꓟ ꓑꓶ ꓓꓴ ꓥ ꓡꓳ ꓐꓰ ꓐꓯ ꓖꓶ_ ꓡꓳ=

ꓕꓱ ꓕꓲꓽ ꓫꓵꓽ ꓠ ꓗꓪ Ukraine ꓗꓪ ꓐꓰ ꓗꓴꓷꓼ ꓝꓲ ꓓꓴ ꓐꓴ ꓐꓰ ꓜꓲ ꓡꓯꓼ ꓘꓳ ꓟ ꓙꓵꓹ ꓗꓪ ꓙꓰ ꓚꓳ ꓠꓹ ꓟ ꓚꓱꓹ ꓔꓯ ꓖꓪ ꓙꓱ ꓓꓴ ꓥꓳ ꓐꓰ ꓐꓯ ꓖꓶ_ ꓡꓳ=  

ꓪꓴ-ꓢ ꓠꓬ ꓣꓳ ꓐꓰ ꓔꓬ ꓡꓳ=

ꓢꓲ ꓫꓬ ꓟ ꓐꓹ ꓐ ꓠꓬ ꓣꓳ ꓐꓰ ꓔꓬ ꓢꓲ ꓡꓳꓸ ꓙ ꓔꓬ ꓟ ꓔꓯ ꓓꓵꓽ ꓙ ꓠꓹ ꓟ ꓣꓳꓸ ꓚꓵ_ ꓡꓳ= ꓪꓴ-ꓢ ꓐꓰ ꓣꓳ ꓠꓶꓽ ꓞꓼ ꓔꓬ ꓠꓲꓹ ꓟꓽ ꓫꓵ ꓐꓰ ꓓꓵꓽ ꓙ ꓟ ꓠꓬ ꓮ ꓘꓶꓸ ꓟꓽ ꓙꓲ_ ꓟ ꓥ ꓡꓳ= ꓣꓳꓸ ꓚꓵ_ ꓟ ꓠꓬ ꓪꓴ-ꓢ ꓐꓰ ꓣꓳ ꓠꓶꓽ ꓞꓹ ꓡꓳ ꓐꓰ ꓓꓵꓽ ꓙ ꓠꓹ ꓟ ꓥꓳ= ꓕꓱ ꓟ ꓠꓬ ꓣꓳ ꓙꓸꓹ ꓫꓱ_ ꓟ ꓤꓶꓸꓹ ꓗꓪ ꓣꓳ ꓔꓯ ꓬꓰ ꓙ ꓔ ꓙ ꓡ ꓥꓳ=