ꓪꓴ-ꓢ ꓶꓼ ꓓꓳꓽ ꓫꓱꓹ ꓓꓳꓽ ꓡꓰ ꓥꓳ ꓡꓳꓸ ꓓꓴ ꓠꓬꓲ ꓟꓳ ꓓꓴ ꓔꓯ ꓖꓶ_ ꓡꓳ꓾

ꓪꓴ-ꓢ ꓶꓼ ꓓꓳꓽ ꓫꓱꓹ ꓓꓳꓽ ꓡꓰ ꓥꓳ ꓡꓳꓸ ꓓꓴ ꓠꓬꓲ ꓟꓳ ꓓꓴ ꓔꓯ ꓖꓶ_ ꓡꓳ꓾
  • ꓪꓴ-ꓢ ꓶꓼ ꓓꓳꓽ ꓫꓱꓹ ꓓꓳꓽ ꓡꓰ ꓥꓳ ꓡꓳꓸ ꓓꓴ ꓠꓬꓲ ꓟꓳ ꓓꓴ ꓔꓯ ꓖꓶ_ ꓡꓳ꓾

ꓔꓲꓺ ꓒ ꓪ ꓔꓲ ꓡꓰ ꓡꓳꓹ ꓬꓰ ꓟ ꓠꓽ ꓕꓲ ꓠꓬꓲ ꓕꓯ Missionary Oblates of Mary Immaculate ꓔꓲꓺ ꓒ ꓜꓴ ꓐꓴ ꓐꓰ ꓜꓲ ꓡꓯꓼ ꓘꓳ_ ꓟ ꓥꓳ= 37 ꓧꓪꓹ ꓟ ꓖꓪ ꓙꓱ ꓜꓲꓼ ꓓꓴ ꓔꓯ ꓬꓰ ꓗꓷ ꓟ ꓥꓳ= ꓕꓱ ꓜꓴ ꓠꓬ (1816) ꓘꓳꓼ ꓖꓴ ꓟꓶꓸ ꓝꓣꓮꓠꓚꓰ Mazenod ꓡꓳ ꓒꓱ ꓢꓲ ꓫꓬ ꓢꓴ Eugene ꓡꓰ ꓔꓶ ꓔ ꓟ ꓥꓳ= ꓕꓱ ꓜꓲ ꓡꓯꓼ ꓘꓳ ꓟ ꓗꓪ ꓐꓰ ꓔꓲꓺ ꓒ ꓪ ꓔꓲ ꓡꓰ ꓜꓴ ꓕꓲ ꓟ ꓗꓪ ꓐꓰ ꓪꓴꓸ ꓓꓴ ꓣꓱꓽ ꓢꓴ ꓢꓲ ꓚꓰꓸ ꓗꓷ ꓟꓶ ꓢꓴ ꓔꓲꓺ ꓒ Luis Ignacio Rois Alono  ꓐꓱ ꓶ ꓪꓽ ꓘꓴ ꓖꓶ_ ꓡꓳ= ꓕꓲ ꓧꓪꓹ ꓢꓲ ꓚꓰꓸ ꓟꓶ ꓢꓴ ꓠꓬ 6 ꓘꓳꓼ ꓟꓬꓱꓽ ꓟꓯ ꓠꓹ ꓟ ꓥꓳ= ꓔꓲꓺ ꓒ ꓪ ꓔꓲ ꓡꓰ ꓪꓴꓸ ꓓꓵ ꓙꓵꓽ ꓡꓳꓹ ꓢꓴ ꓔꓲꓺ ꓒ Louis Lougen ꓔꓯ ꓥ ꓟꓲ ꓫꓸ ꓟꓳ ꓘꓶꓽ ꓐꓯ_ ꓡꓳ= ꓬꓲ ꓠꓬ 2 ꓧꓪꓹ ꓟꓬꓱꓽ ꓟꓯ ꓢꓲ 12 ꓘꓳꓼ ꓟꓯ ꓗꓷ ꓟ ꓥꓳ=

37 ꓧꓪꓹ ꓟ ꓖꓪ ꓙꓱ ꓜꓲꓼ ꓓꓴ ꓧꓳ ꓪꓴꓸ ꓟꓴ ꓚꓱꓹ ꓠꓬ Pilgrims of Hope in Communion (ꓕꓲ ꓠꓲꓹ ꓕꓲ ꓪꓼ ꓗꓷ ꓡꓰ ꓠꓹ ꓟ ꓗꓪ ꓐꓰ ꓥꓳ ꓡꓳꓸ ꓓꓴ ꓙꓻ ꓫꓱꓽ ꓔꓬ ꓢꓴ) ꓐꓰ ꓥ ꓡꓳ= ꓕꓱ ꓟ ꓠꓬ ꓕꓱ ꓜꓴ ꓗꓪ ꓔꓬ ꓢꓴ ꓐꓴ ꓬꓰ-ꓢꓴ ꓠꓯꓼ ꓗꓪ ꓛꓳ ꓠꓹ ꓟ ꓔꓯ ꓕꓲ ꓪ ꓗꓷ ꓡꓰ ꓝꓲ_ ꓟ꓾ ꓮ ꓫꓵ ꓑꓶ ꓓꓴ ꓐꓯ ꓠꓬ ꓟꓯꓼ ꓐꓰ ꓗꓴꓷꓼ ꓫꓵꓽ ꓪꓴ ꓗꓷ ꓔꓬ ꓟ ꓙꓵꓹ ꓕꓲ ꓖ ꓐꓰ ꓕꓲ ꓖ ꓘꓰꓹ ꓒꓬ ꓔꓬ ꓢꓴ ꓫꓸ ꓔꓬ ꓢꓴ ꓐꓴ ꓕꓱ ꓡꓱ ꓔꓳꓹ ꓜꓳ ꓔꓬ ꓟ ꓙꓵꓹ “ ꓥꓳ ꓡꓳꓸ ꓓꓴ ꓗꓹ ꓛꓲ ꓓꓴ ꓐꓰ ꓢꓲ ꓡꓲꓹ ꓟ ꓶꓼ ꓓꓳ ꓫꓱꓸ ꓓꓳ” ꓔꓯ ꓚ ꓒꓬꓱꓽ ꓠꓹ ꓟ ꓢꓲ ꓚꓰꓹ ꓟꓶ_ ꓟ꓾ ꓶꓼ ꓓꓳ ꓫꓱꓸ ꓓꓳ ꓡꓰ ꓥꓳꓸ ꓡꓳꓸ ꓓꓴ ꓠꓬꓲ ꓟꓳ ꓓꓴ ꓔꓯ ꓖꓶ_ ꓟ꓾ ꓕꓱ ꓜꓴ ꓠꓬ ꓟꓵꓽ ꓗꓳꓸ ꓓꓵ ꓓꓵ ꓗꓪ ꓙꓰ ꓢꓲ ꓗꓴꓷꓼ ꓡꓳ ꓒꓱ 70 ꓟ ꓗꓪ ꓟꓬꓱꓽ ꓟꓯ ꓠꓹ ꓟ꓾ ꓕꓱ ꓜꓴ ꓗꓪ ꓔꓬ ꓢꓴ ꓠꓬ ꓬꓰ-ꓢꓴ ꓛꓳ ꓒꓯꓹ ꓡꓰ ꓐꓰ ꓮ ꓕꓯ ꓥ ꓟꓲ ꓟꓬꓱꓽ ꓟꓯ ꓐ ꓡ ꓠꓹ ꓟ꓾ ꓥꓳ ꓡꓳꓸ ꓓꓴ ꓙꓻ ꓫꓱꓽ ꓢꓴ ꓥ ꓟ꓾ ꓪꓴ-ꓢ ꓢꓲ ꓫꓬ ꓢꓴ ꓞꓳ ꓫꓵ ꓐꓰ ꓙꓻ ꓫꓱꓽ ꓔꓬ ꓟ꓾ ꓬꓲ ꓪ ꓢꓲ ꓚꓰꓸ ꓟꓶ ꓢꓴ ꓠꓬ ꓘꓴ ꓜꓲꓼ ꓞꓳ ꓐꓴ ꓞꓳ ꓡꓱ ꓤ ꓐꓴꓐꓰ ꓕꓲ ꓪꓼ ꓟꓬꓱ ꓟꓯ ꓙꓻ ꓫꓱ ꓢꓲ ꓕꓱ ꓜꓴ ꓔꓯ ꓔꓶ ꓢꓴ ꓔꓶꓻ ꓙꓱꓼ ꓔꓯ ꓕꓶꓻ ꓡꓰ ꓠꓹ ꓟ ꓢꓯꓼ ꓕꓵꓼ ꓔꓬ ꓟ꓾ ꓥꓳ ꓡꓳꓸ ꓓꓴ ꓙꓻ ꓫꓱꓽ ꓢꓴ ꓥ ꓟ ꓪꓴꓸ ꓠꓬꓲ ꓫꓸ ꓢꓴ ꓟꓷꓼ ꓢꓴ ꓠꓯꓼ ꓗꓪ ꓮ ꓡꓰ ꓐꓰ ꓢꓯꓼ ꓕꓵꓼ ꓔꓬ ꓠꓹ ꓟ ꓔꓯ ꓟꓬ ꓠꓬꓲ ꓢꓷꓸ ꓡ ꓟ ꓥꓳ=

ꓕꓱ ꓔꓲꓺ ꓒ ꓜꓴ ꓔꓯ ꓔꓶ ꓔ ꓢꓴ ꓢꓲ ꓫꓬ ꓢꓴ Eugene ꓠꓬ ꓮ ꓙꓵꓽ ꓐꓱ ꓶ ꓔꓯ ꓢꓳ ꓠꓹ ꓟ ꓥ ꓡꓳ= ꓬꓲ ꓠꓬ ꓪꓴ-ꓢ ꓟꓬꓱꓽ ꓟꓯ ꓠꓹ ꓟ ꓠꓲꓹ ꓟ ꓒ ꓐꓲ ꓙꓳ ꓢꓲ꓾ ꓠꓱꓸ ꓐꓯꓼ ꓔꓯ ꓥ ꓟꓲ ꓠꓲꓹ ꓠꓵ_ ꓟ꓾ ꓦ ꓕꓲ ꓒꓳꓹ ꓗꓪ ꓢꓯꓼ ꓕꓵꓼ ꓠꓲꓹ ꓐ ꓐꓲ ꓙꓳ ꓢꓴ ꓥ ꓡꓳ= ꓫꓸ ꓢꓴ ꓟꓷꓼ ꓢꓴ ꓔꓯ ꓥ ꓟꓲ ꓮ ꓘꓶꓸ ꓠꓲꓹ ꓠꓵ_ ꓟ꓾ ꓪꓴ-ꓢ ꓠꓵ ꓠꓲꓹ ꓔꓯ ꓬꓲ ꓠꓵ ꓠꓲꓹ ꓗꓪ ꓐꓰ ꓐꓯ ꓒꓬꓱ_ ꓟ ꓥ ꓡꓳ=

ꓢꓲ ꓫꓬ ꓢꓴ Eugene ꓠꓬ Aix-en ꓗꓪ ꓔꓬ ꓟ ꓟꓹ ꓟ ꓟ-ꓡꓲ ꓠꓯꓼ ꓗꓪ ꓐꓰ ꓘꓳꓹ ꓣꓴ ꓟꓶ_ ꓟ ꓶ ꓤ ꓫꓱꓸ ꓤ ꓗꓪ ꓐꓰ ꓜꓴ ꓗꓪ ꓫꓸ ꓓꓴ ꓔꓳꓹ ꓜꓳ ꓟ ꓔꓯ ꓗꓳꓸ ꓙꓰ ꓐ ꓡ_ ꓟ ꓥꓳ= ꓟꓹ ꓟ ꓟ-ꓡꓲ ꓠꓬ ꓠꓴ ꓪ ꓙꓵꓻ ꓠꓲꓹ ꓚꓱꓹ ꓙꓻ ꓫꓱꓽ_ ꓟ ꓗꓪ ꓬꓰ ꓙ ꓖꓶ_ ꓟ ꓥꓳ=

Add new comment

1 + 2 =