ꓪꓽ ꓘꓴ_ ꓟ ꓠꓬ ꓣꓳ ꓠꓲꓹ ꓟ ꓔꓯ ꓪꓴ-ꓢ ꓠꓯꓼ ꓗꓪ ꓒꓴ ꓖꓶ_ ꓡꓳ=

ꓪꓽ ꓘꓴ_ ꓟ ꓠꓬ ꓣꓳ ꓠꓲꓹ ꓟ ꓔꓯ ꓪꓴ-ꓢ ꓠꓯꓼ ꓗꓪ ꓒꓴ ꓖꓶ_ ꓡꓳ=

1 ꓦ 9 ꓠꓬꓲ ꓬꓰ-ꓢꓴ ꓖꓳ ꓓꓱꓽ ꓔꓲꓹ ꓟꓶ ꓟ ꓑꓮꓲ ꓠꓽ ꓫꓵꓽ ꓠꓬꓲ ꓕꓯ St. Peter ꓪꓽ ꓘꓴ ꓓꓲꓸꓸ ꓗꓪ Angelus ꓪꓽ ꓘꓴ ꓙꓵꓹ ꓔꓲꓸꓸ ꓒ ꓪ ꓔꓲ ꓡꓰ ꓣꓳ ꓖꓳ ꓓꓱꓽ ꓔꓲꓹ ꓟꓶ ꓟ ꓙꓵꓹ ꓔꓯ ꓝꓮꓲ ꓓꓵꓽ ꓙ ꓟꓶ ꓠꓹ ꓟ ꓐꓰ ꓪꓽ ꓘꓴ ꓠꓹ ꓟ ꓣꓳꓸ ꓚꓵ_ ꓟ ꓔꓯ ꓐꓯ ꓔ ꓡꓳ=

ꓖꓳ ꓕꓲꓽ ꓠꓬꓲ ꓵ ꓠꓹ ꓟ ꓪꓴ-ꓢ ꓶꓽ ꓓꓳ ꓫꓱꓸ ꓓꓳ ꓠꓬ ꓖꓳ ꓓꓱ ꓔꓲꓹ ꓖꓶ ꓢꓴ ꓬꓳ-ꓦ ꓡꓰ ꓬꓳ-ꓔ ꓬꓲꓽ ꓟ ꓗꓪ ꓬꓰ-ꓢꓴ ꓥ ꓟꓲ ꓬꓳ-ꓦ ꓡꓯ ꓒꓯꓹ ꓗꓪ ꓐꓰ ꓖꓳ ꓓꓱ ꓔꓲꓹ ꓟꓶ_ ꓟ ꓚꓱꓹ ꓥ ꓡꓳ= ꓬꓰ-ꓢꓴ ꓠꓬ ꓬꓲ ꓠꓯꓼ ꓗꓪ ꓝꓴꓲ ꓟꓽ ꓙꓳ ꓥ ꓟꓲ ꓝꓴꓲ ꓙꓳ ꓢꓴ ꓐꓴ ꓐꓰ ꓕꓲꓽ ꓪꓼ ꓔꓬ ꓟ ꓥꓳ=

ꓬꓰ-ꓢꓴ ꓪꓽ ꓘꓴ ꓘꓶꓽ

ꓬꓰ-ꓢꓴ ꓖꓳ ꓓꓱ ꓔꓲꓹ ꓟꓶ ꓟ ꓙꓵꓹ ꓗꓪ ꓪꓽ ꓘꓴ ꓟ ꓥꓳ= ꓣꓳ ꓪꓽ ꓘꓴ ꓟ ꓡꓰ ꓐꓰ ꓪꓽ ꓘꓴ ꓡꓳ= ꓬꓲ ꓪꓽ ꓘꓴ_ ꓟ ꓠꓬ ꓪꓴ-ꓢ ꓐꓰ ꓫꓸ ꓕꓱ ꓡꓯꓼ ꓘꓳ ꓟ ꓡꓰ ꓥꓳ= ꓖꓳ ꓓꓱ ꓔꓲꓹ ꓟꓶ ꓕꓯ ꓠꓬꓲ ꓚꓱꓹ ꓔꓯ ꓟꓳ ꓪ ꓡꓳ= ꓕꓲꓽ ꓚꓱꓹ ꓠꓬ ꓬꓰ-ꓢꓴ ꓟꓴ ꓗꓪ ꓟꓳꓸ_ ꓟ-ꓸ ꓠꓬꓲ ꓚꓱꓹ ꓕꓲꓽ ꓚꓱꓹ ꓠꓬ ꓟꓴ ꓗꓪ ꓗꓪ ꓐꓰ ꓬꓲꓸ ꓢꓯꓼ ꓓꓳ ꓡ ꓟ ꓥ ꓡꓳ= ꓕꓱ ꓟ ꓠꓬ ꓪꓴ-ꓢ ꓐꓰ ꓬꓰ-ꓢꓴ ꓫꓸ ꓕꓱ ꓟ ꓪꓽ ꓘꓴ ꓟ ꓥ ꓡꓳ= ꓬꓰ-ꓢꓴ ꓠꓬ ꓬꓲ ꓠꓲꓹ ꓟ ꓘꓴꓽ ꓗꓪ ꓐꓰ ꓪꓽ ꓘꓴ ꓟ ꓥ ꓡꓳ=

ꓣꓳ ꓠꓬ ꓫꓸ ꓓꓴ ꓟꓶ ꓓꓴ ꓥ ꓟꓲ ꓔꓳꓹ ꓜꓳ ꓡ ꓟ ꓥꓳ= ꓪꓴ-ꓢ ꓠꓬ ꓣꓳ ꓒꓽ ꓕꓲ ꓗꓪ ꓟꓬꓱꓽ ꓬꓰ ꓔꓬ ꓟ ꓥꓳ= ꓣꓳ ꓪꓽ ꓘꓴ_ ꓟ ꓢꓯꓼ ꓔꓯ ꓪꓴ-ꓢ ꓐꓰ ꓣꓳ ꓠꓬꓲꓽ ꓗꓳꓸ ꓚꓸ ꓗꓪ ꓝꓸ ꓖꓶ_ ꓟ ꓥꓳ ꓕꓲ ꓠꓲꓹ ꓕꓲꓽ ꓪꓼ ꓗꓷ ꓡꓰ ꓝꓲ_ ꓟ ꓥꓳ= ꓪꓽ ꓘꓴ ꓢꓯꓼ ꓠꓬ ꓪꓴ-ꓢ ꓠꓲꓹ ꓟ ꓔꓯ ꓒꓴ ꓖꓶ_ ꓟ ꓥ ꓡꓳ=

ꓣꓳ ꓖꓳ ꓓꓱ ꓔꓲꓹ ꓟꓶ_ ꓟ ꓙꓵꓹ ꓔꓯ ꓝꓮꓲ ꓓꓵꓽ ꓙ ꓢꓲ-ꓸ ꓪꓴ-ꓢ ꓢꓯꓼ ꓔꓯ ꓠ ꓠꓹ ꓓꓴ ꓬꓰ ꓡꓯ ꓐꓰ ꓔꓲꓸꓸ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓡꓳ=