Java ꓟꓵꓽ ꓙꓴꓽ ꓚꓵꓹ ꓡꓰ ꓟ ꓗꓪ ꓫꓸ ꓔꓬ ꓢꓴ ꓐꓴ ꓐꓰ ꓟꓲ ꓠꓯ ꓢꓲ ꓡꓲꓹ ꓠꓹ ꓟ ꓐꓱꓶ ꓔꓲꓺ ꓒ ꓪ ꓔꓲ ꓪꓽ ꓘꓴ ꓙ_ ꓟ꓾

Java ꓟꓵꓽ ꓙꓴꓽ ꓚꓵꓹ ꓡꓰ ꓟ ꓗꓪ ꓫꓸ ꓔꓬ ꓢꓴ ꓐꓴ ꓐꓰ ꓟꓲ ꓠꓯ ꓢꓲ ꓡꓲꓹ ꓠꓹ ꓟ ꓐꓱꓶ ꓔꓲꓺ ꓒ ꓪ ꓔꓲ ꓪꓽ ꓘꓴ ꓙ_ ꓟ꓾
Thursday, November 24, 2022
  • Java ꓟꓵꓽ ꓙꓴꓽ ꓚꓵꓹ ꓡꓰ ꓟ ꓗꓪ ꓫꓸ ꓔꓬ ꓢꓴ ꓐꓴ ꓐꓰ ꓟꓲ ꓠꓯ ꓢꓲ ꓡꓲꓹ ꓠꓹ ꓟ ꓐꓱꓶ ꓔꓲꓺ ꓒ ꓪ ꓔꓲ ꓪꓽ ꓘꓴ ꓙ_ ꓟ꓾

          Indonesia ꓗꓴꓷꓼ ꓙꓮꓦꓮ ꓬꓲꓻ ꓗꓳ ꓡꓳ ꓟꓵꓽ ꓗꓪ ꓢꓯꓼ ꓙꓳ_ ꓟ ꓟꓵꓽ ꓙꓴꓽ ꓚꓵꓹ ꓡꓰ ꓟ ꓑꓶ ꓓꓴ ꓡ ꓞꓳ ꓕꓲ ꓦ ꓟꓽ ꓞꓲ ꓫꓵꓻ ꓡꓰ ꓢꓲ ꓮ ꓟꓬꓹ ꓠꓻ ꓓꓴ ꓡꓰ ꓟ ꓔꓯ ꓐꓯ ꓑꓶ ꓔ ꓡꓳ= ꓬꓰ ꓙ ꓢꓴ ꓐꓴ ꓡꓰ ꓢꓯꓼ ꓕꓵꓼ ꓬꓰ ꓙ ꓢꓲ꓾ ꓞꓳ ꓦꓲꓻ 1300 ꓦꓲꓻ ꓛꓲ ꓔꓬ ꓦꓲꓻ ꓗꓪ ꓐꓰ ꓘꓰꓹ ꓠ ꓗꓷ ꓡꓰ ꓟ ꓥꓳ= ꓕꓱ ꓡꓱ ꓗꓷ ꓡꓰ ꓟ ꓗꓪ ꓫꓵꓻ ꓡꓰ ꓢꓴ ꓐꓴ ꓐꓰ ꓠꓲꓹ ꓠꓵ ꓢꓴ ꓐꓰ ꓕꓲ ꓠꓲꓹ ꓕꓲ ꓪ ꓔꓬ ꓟꓶ ꓠꓹ ꓟ꓾ ꓟꓵꓽ ꓙꓴꓽ ꓚꓵꓹ ꓟ ꓑꓶ ꓓꓴ ꓫꓸ ꓢꓴ ꓐꓴ꓾ ꓟꓲ ꓠꓯ ꓢꓲ ꓡꓲꓹ ꓗꓹ ꓛꓲ ꓠꓹ ꓟ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓙ ꓔꓬ ꓟ ꓥꓳ=

         Qatar ꓗꓪ ꓬꓰ_ ꓟ ꓟꓵꓽ ꓗꓳ ꓓꓵ ꓓꓵ ꓑꓲꓹ ꓡꓴꓸ ꓡꓳ ꓖꓪ ꓑꓮꓲ ꓔꓯ ꓟꓳꓸ ꓟꓵꓽ ꓗꓳ ꓓꓵ ꓓꓵ ꓗꓪ ꓐꓰ ꓡꓳ ꓖꓪ ꓢꓴ ꓐꓰ ꓢꓯꓼ ꓖꓶ ꓢꓴ ꓔꓯ ꓢꓯꓼ ꓖꓶ ꓘꓶꓽ ꓐꓯ ꓔ ꓡꓳ= ꓕꓱ ꓡꓱ ꓣꓳꓸ ꓚꓵ_ ꓟ ꓑꓮꓲ ꓔꓯ ꓞꓳ ꓫꓵꓽ ꓮ ꓙꓵ ꓕꓲ ꓠꓲꓹ ꓕꓲ ꓪꓼ ꓐꓰ ꓢꓲ ꓡꓲꓹ ꓗꓹ ꓛꓲ ꓓꓴ ꓟꓬ ꓡ ꓝꓲ ꓐꓰ ꓐꓯ ꓔ ꓡꓳ=

          ꓔꓲꓺ ꓒ ꓪ ꓔꓲ ꓡꓰ ꓟꓵꓽ ꓗꓳ ꓓꓴ ꓓꓵ ꓗꓪ ꓢꓲ ꓡꓲꓹ ꓗꓹ ꓛꓲ ꓓꓴ ꓪ ꓠꓹ ꓟ ꓐꓰ ꓢꓰꓼ ꓡꓯ ꓘꓳ ꓓꓴ ꓫꓵꓽ ꓪꓴ ꓠꓽ ꓡꓰ ꓠꓹ ꓟ ꓐꓱ ꓶ ꓪꓽ ꓘꓴ ꓙ ꓖꓶ ꓠꓹ ꓟ ꓮ ꓙꓵ ꓔꓯ ꓐꓯ_ ꓡꓳ= ꓝꓮꓲ ꓟꓽ ꓞꓲ Ukraine ꓐꓱ ꓶ ꓮ ꓘꓶꓸ ꓪꓽ ꓘꓴ ꓙ ꓠꓹ ꓟ ꓐꓯ_ ꓡꓳ=

           1932-1933 ꓘꓳꓼ ꓘꓴꓽ ꓗꓪ ꓮ ꓘꓶꓸ ꓫꓸ ꓟꓷꓼ ꓟ ꓙꓵꓹ ꓕꓯ ꓮ ꓘꓶꓸ ꓙꓳ ꓓꓴ ꓗꓷ ꓡꓰ ꓟ ꓞꓳ ꓫꓵꓽ ꓡꓱꓼ ꓢꓰꓼ ꓓꓴ ꓗꓷ ꓡꓰ ꓟ ꓔꓯ ꓠꓽ ꓛꓳꓼ ꓠꓬꓲ ꓕꓯ ꓓꓵꓽ ꓙ_ ꓟ ꓚꓲꓸ ꓟꓶ ꓓꓴ ꓬꓰ_ ꓟ ꓥꓳ= ꓕꓱ ꓡꓱ ꓞꓳ ꓫꓵ ꓡꓱꓼ ꓢꓰꓼ_ ꓟ ꓗꓪ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ꓾ ꓗꓴꓷꓼ ꓫꓵ ꓪꓴ ꓑꓶ ꓓꓴ ꓫꓸ ꓔꓬ ꓢꓴ Ukraine ꓗꓴꓷꓼ ꓑ ꓫꓬ ꓐꓴ ꓤ ꓠꓱ ꓐꓴ ꓤ ꓟꓶꓼ ꓤ ꓐꓴ ꓞꓲꓼ ꓪꓴ ꓢꓴ ꓐꓴ ꓮ ꓙꓵ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ=

Add new comment

5 + 3 =

Quick Links