ꓝꓮꓲ ꓕꓲ ꓧꓪꓹ ꓟ ꓟꓶ

ꓞꓳ ꓘꓹ ꓕꓲ ꓘꓹ ꓗꓪ ꓢꓷꓸ ꓠꓲꓹ ꓮ ꓘꓶꓸ ꓓˍ ꓟ ꓞꓳ ꓤ ꓕꓲ ꓣꓳ ꓔꓬ ꓡꓳ= ꓬꓲ ꓠꓬ ꓮ ꓘꓶꓸ ꓓˍ ꓟ ꓪꓴˍ ꓠꓬꓲ ꓪꓸꓔꓲ ꓥˍ ꓟꓲ ꓬꓲ ꓔꓯ ꓮ ꓘꓶꓸ ꓠꓲꓹ ꓠꓵˍ ꓡꓳ= ꓢꓷꓸ ꓠꓲꓹ ꓮ ꓘꓶꓸ ꓓˍ ꓟ ꓞꓳ ꓤ ꓕꓲ ꓣꓳ ꓔꓯ ꓠꓬ ꓪꓸꓕꓲ ꓡꓰ ꓬꓲ ꓔꓯ ꓖꓪ ꓙꓰˍ ꓡꓳ= ꓕꓲ ꓠꓬꓲ ꓛꓲ ꓡ ꓕꓯ ꓞꓳ ꓘꓹ ꓞꓳ ꓪꓴꓽ ꓦꓲ ꓗꓪ ꓗꓹ ꓡ ꓡꓳ= ꓠꓵ ꓠꓽ ꓪꓔꓲ ꓡꓰ ꓐꓰ ꓥ ꓡꓳ= ꓠꓴ ꓤ ꓠꓬ ꓫꓵꓸꓸ ꓐꓰ ꓒꓴ ꓮ ꓡꓰ ꓟ ꓒꓵꓽˍ ꓟ ꓮ ꓟꓶ ꓗꓪ ꓛꓲ ꓟꓽ ꓢꓷꓹ ꓔ ꓢꓰꓽ= ꓠꓵ ꓤ ꓠꓬ ꓞꓳ ꓟꓶ ꓥꓳ-ꓸ ꓐꓰ ꓐꓯˍ ꓡꓳ= ꓖꓳ ꓗ ꓠꓯ ꓬꓲ ꓤ ꓔꓯ ꓠ ꓠꓬꓲˍ ꓡꓳ=  

ꓥꓪ ꓤ-ꓸ ꓫꓵꓸꓸ ꓐꓰ ꓒꓴ ꓮ ꓡꓰ ꓟ ꓒꓵꓽ- ꓡ ꓐꓰ ꓠ ꓠꓬꓲˍ ꓡꓳ= ꓬꓲ ꓤ  ꓡꓰ ꓫꓵꓸꓸ ꓒꓵꓽˍ ꓡꓳ ꓐꓰ ꓐꓯˍ ꓡꓳ= ꓮ ꓡꓰ ꓔ ꓠꓬꓲ ꓞꓳ ꓘꓹ ꓞꓳ ꓪꓴꓽ ꓡꓰ ꓠ ꓠꓬꓲˍ ꓕꓯ ꓥꓪ ꓤ ꓠꓴ ꓠꓬ ꓫꓵꓸꓸꓐꓰ ꓒꓵ ꓮ ꓡꓰ  ꓒꓵꓽˍ ꓟꓽ ꓒꓵꓽ ꓟ ꓔꓯ ꓟꓽ ꓢꓷꓸ-ꓸ ꓮ ꓡꓰ ꓔ ꓠꓬꓲ ꓐꓯˍ ꓡ-ꓸ ꓐꓰ ꓠ ꓠꓬꓲˍ ꓡꓳ= ꓮ ꓐ ꓥꓪ ꓐꓯ ꓟꓸ ꓖꓶˍ ꓠꓬꓲ ꓐꓰ ꓐꓯ ꓡꓳ= ꓞꓳ ꓘꓹ ꓗꓪ ꓞꓳ ꓪꓴꓽ ꓡꓰ ꓥꓪ ꓔꓯ ꓬꓲꓸ ꓡꓯꓼ ꓗꓪꓸꓸ ꓫꓵꓸꓸ ꓕꓲ ꓒꓯꓼ ꓐꓰ ꓒꓵ ꓕꓲ ꓒꓯꓼ ꓔꓯ ꓝꓰꓹ ꓔ ꓢꓲ-ꓸ ꓠꓴ ꓮ ꓡꓲ ꓟ ꓒꓵꓽˍ ꓟ ꓓꓵꓽ ꓩˍ ꓠꓬ ꓖꓳ ꓟ ꓔꓯ ꓠꓴ ꓣꓴ ꓐ ꓡˍ ꓡꓳ= ꓖꓳ ꓡꓱ ꓢꓲ ꓥꓪ ꓠꓬ ꓒꓵ ꓒꓯꓼ ꓣꓴ ꓢꓲ ꓦꓲꓸꓹ ꓗꓪ ꓐꓰ ꓓꓳ ꓡꓸꓹꓳ=

ꓚꓵꓸꓸ ꓚꓵꓸꓸ-ꓸ ꓥꓪ ꓡꓰ ꓫꓵꓸꓸ ꓒꓯꓼ ꓔꓯ ꓢꓲꓸꓸ ꓗꓷ ꓠꓬ-ꓸ ꓬꓲꓸ ꓪꓴꓸ ꓕꓲꓽ ꓧꓪꓹ ꓡꓰꓽ ꓟꓶˍ ꓥꓳ= ꓝꓮꓲ ꓕꓲ ꓧꓪꓹ ꓟ ꓟꓶꓳ= ꓚꓵꓸꓸ ꓚꓵꓸꓸ ꓐꓯˍ ꓠꓬ-ꓸ ꓞꓳ ꓕꓰꓸꓸ ꓐꓴ ꓠꓬ ꓞꓳ ꓟꓶ ꓡꓰ ꓐꓰ ꓬꓰˍ ꓡꓳ= ꓬꓲ ꓔꓯ ꓞꓳ ꓟꓶ ꓐꓰ ꓫꓪꓸ ꓔ ꓢꓴ ꓐꓴ ꓔꓯ ꓪ ꓙꓲꓸꓹ ꓗꓶꓸ ꓟꓶ ꓡꓰ ꓢˍ ꓡꓳ=