ꓡꓲꓽ ꓒꓰꓼ ꓐꓰ ꓫꓸ ꓕꓱˍ ꓟ (Dialogue with culture)

ꓠꓲꓹ ꓠꓵ ꓟ ꓬꓲꓼ ꓤ ꓠꓬꓲꓽ ꓤ ꓐꓴꓳ꓾ ꓠꓬꓲꓸ ꓠꓬ ꓡꓲꓽ ꓒꓰꓼ ꓪꓴꓽ ꓡ ꓟꓵꓽ ꓡ ꓠꓹ ꓟ ꓐꓱ ꓶ ꓦ ꓡꓱ ꓫꓱꓹ ꓔ ꓘꓶꓼ ꓡꓯ ꓐꓯˍ ꓟ ꓔꓯ ꓠꓹ ꓠ ꓓꓴ ꓬꓰ ꓡꓯ=ꓥ ꓡꓳ꓾ ꓬꓲ ꓤ ꓠꓬꓲ ꓤ ꓐꓴꓳ ꓣꓳ ꓠꓬ ꓕꓲ ꓣꓳ ꓛꓳ ꓕꓲ ꓣꓳ ꓦ ꓡꓱ ꓚꓱꓹ ꓦ ꓡꓱ ꓙꓰ ꓟꓽ ꓫꓱꓹ ꓡꓯꓼ ꓘꓳ꓾ ꓣꓳ ꓪꓴ-ꓢ ꓔꓯ ꓙꓵꓽ ꓢꓴ ꓠꓯꓼˍ ꓘꓴꓽ ꓗꓪ ꓥ ꓟꓲ ꓮ-ꓖ ꓙꓲ-ꓢꓴ ꓦ ꓡꓱ ꓢꓴ ꓗ-ꓔꓳ-ꓡꓲ ꓤ ꓕꓲ ꓡꓱ ꓐꓰ ꓟꓽ ꓪ ꓫꓵꓽ ꓮ ꓟꓬ ꓙꓳˍ ꓡꓳ= ꓕꓱ ꓟ ꓡꓰ ꓟꓽ ꓞꓲꓼ ꓡꓲ-ꓢꓴ ꓘꓴꓽ ꓠꓯꓼˍ ꓗꓪ ꓥ ꓟꓲ ꓠꓲꓸ ꓦ ꓡꓱ ꓢꓴ ꓝꓮꓲ ꓕꓱ ꓡꓱ ꓮ ꓫꓵꓽ ꓔꓯ ꓡꓰ ꓟꓽ ꓦ ꓡꓱ ꓢꓴ ꓕꓱ ꓡꓱ ꓫꓵꓽ ꓔꓬ ꓡꓳ= ꓖꓳ ꓡꓱ ꓣꓳ ꓦ ꓡꓱ ꓚꓱꓹ ꓟꓽ ꓫꓱꓹ ꓡꓯꓼ ꓘꓳ ꓥ ꓟꓲ ꓡꓲꓽ ꓒꓰꓼ ꓕꓲ ꓟ ꓟ ꓠꓬ ꓫꓱꓹ ꓡꓯꓼ ꓘꓳ ꓡꓳ= ꓣꓳ ꓠꓬ ꓦ ꓡꓱ ꓚꓱꓹ ꓦ ꓡꓱ ꓫꓵꓽ ꓘꓶꓼ ꓔꓬ ꓕꓯ ꓣꓳ ꓫꓵꓽ ꓪꓴ ꓡ ꓟꓽ ꓓ ꓮ ꓫꓵꓽ ꓥ ꓐꓯ ꓠꓬ ꓣꓳ ꓡꓲ-ꓢꓴ ꓫꓵꓽ ꓠꓬ ꓠꓯꓼ ꓐꓯ ꓫꓵꓽ ꓔꓯ ꓕꓯ ꓕꓯ ꓮ ꓘꓶꓸ ꓟꓽ ꓟꓬ ꓟ ꓥ ꓡꓳ=

ꓖꓳ ꓡꓰ ꓠꓬ ꓕꓲ ꓣꓳ ꓛꓳ ꓕꓲ ꓣꓳ ꓢꓯꓼ ꓖꓶ ꓡꓯ ꓘꓳꓹ ꓡꓯ= ꓥ ꓡꓳ꓾ ꓕꓲ ꓖ ꓕꓲ ꓧꓪ ꓦ ꓡꓱ ꓚꓱꓹ ꓟꓽ ꓪ ꓟ ꓙꓳ ꓥ ꓟꓲ ꓣꓳ ꓡꓲꓽ ꓒꓰꓼ ꓔꓯ ꓟꓳꓸ ꓠꓬ ꓪ ꓡꓯ ꓘꓳꓼ ꓫꓵꓽ ꓥ ꓡꓳ= ꓣꓳ ꓡꓲꓽ ꓒꓰꓼ ꓣꓳ ꓫꓵꓽ ꓔꓯ ꓒꓴꓽ ꓗꓸ ꓙꓰ ꓠꓹ ꓟ ꓢꓯꓼ ꓕꓵꓼ ꓡꓯ= ꓚꓲꓽ ꓛꓬꓽ ꓫꓵꓽ ꓔꓯ ꓚꓲꓽ ꓛꓬ ꓢꓯꓼ ꓖꓶ ꓡꓯ=ꓖꓳ ꓡꓰ ꓠꓬꓲ ꓡꓲ-ꓢꓴ ꓬꓲ ꓤ ꓠꓬꓲ ꓤ ꓐꓴꓳ꓾ꓣꓳ ꓮ ꓙꓵꓽ ꓠꓬ ꓦ ꓡꓱ ꓚꓱꓸ ꓟꓽ ꓫꓱꓹ ꓡꓯ ꓘꓳ ꓥ ꓟꓲ ꓡꓲꓽ ꓒꓰꓼ ꓔꓯ ꓠꓴ ꓥ ꓢꓯꓼ ꓖꓶ ꓡꓯ ꓘꓳ ꓠꓹ ꓗ ꓡꓳ=