ꓙꓵꓸꓹ ꓠꓲꓹ ꓐꓰ ꓡꓲꓽ ꓒꓰꓼ ꓫꓸ ꓕꓱˍꓟ

ꓙꓵꓸꓹ ꓠꓲꓹ ꓐꓰ ꓡꓲꓽ ꓒꓰꓼ ꓫꓸ ꓕꓱˍꓟ ꓗꓪ ꓠꓬ ꓙꓵꓸꓹ ꓠꓲꓹ ꓠꓬ ꓮ ꓘꓶꓸ ꓣꓳꓸꓹ ꓚꓵꓹ ꓡꓳ ꓐꓯ ꓟ ꓔꓯ ꓐꓯ ꓟꓳꓸ ꓖꓶ ꓩꓴ ꓡ ꓥꓳ= ꓮ ꓡꓲꓳ ꓐꓯ ꓠꓬ ꓞꓳ ꓤ ꓡꓲꓽ ꓒꓰꓼ ꓠꓬ ꓟꓽ ꓑꓲ ꓝꓲ ꓟ ꓑꓶꓸ ꓓꓴ ꓑꓲ ꓝꓲˍꓟ ꓕꓲ ꓚꓱꓹ ꓐꓯ ꓠꓬ ꓞꓳ ꓤ ꓐꓱ ꓶ ꓙꓵ ꓖꓴ ꓓꓰ ꓡꓰˍꓟ ꓙꓵꓸꓹ ꓠꓲꓹ ꓗꓪ ꓐꓰ ꓛꓳ ꓫꓱꓹ ꓙꓰ ꓠꓹ ꓟ ꓣꓳꓸꓹ ꓚꓵ ꓡꓳ= ꓢꓲ ꓒ ꓬꓰ-ꓢꓴ ꓔꓯ ꓣꓳ ꓡꓳꓸ ꓠꓬꓲ ꓕꓯ ꓢꓲꓽ ꓒ ꓬꓰ-ꓢꓴ ꓠꓬ ꓬꓴ-ꓔ ꓡ ꓞꓳ ꓐꓴ ꓡꓲꓽ ꓒꓰꓼ ꓔꓯ ꓫꓬ ꓔꓱ ꓗꓷ ꓟ ꓣꓳ ꓟꓳ ꓡꓳ= ꓢꓲ ꓫꓬ ꓕꓳꓽ ꓶ ꓗꓪ ꓣꓳ ꓑ ꓙ ꓟ ꓠꓬ ꓠꓴ ꓪ ꓠꓬ ꓟꓬ ꓢꓶ ꓐꓱ ꓶ ꓟꓬ ꓢꓶ ꓢꓲ ꓛꓲ ꓐꓱ ꓶ ꓢꓲ ꓛꓲ ꓕꓱ ꓡꓱ ꓐꓰ ꓑ ꓙ ꓠꓬꓲ ꓡꓳ= ꓢꓲꓽ ꓒ ꓬꓰ-ꓢꓴ ꓠꓬ ꓡꓲꓽ ꓒꓱꓼ ꓐꓱ ꓶ ꓮ ꓟꓬꓹ ꓫꓬ ꓕꓱ ꓖꓶ ꓡꓳ= ꓡꓲꓽ ꓒꓰꓼ ꓐꓯ ꓟ ꓠꓬ ꓙꓵꓹ ꓡꓳ= ꓖꓳ ꓡꓱ ꓐꓯ ꓥˍ ꓟꓲ ꓕꓲ ꓖ ꓕꓲ ꓧꓪ ꓗꓪ ꓙꓵꓸꓹ ꓠꓲꓹ ꓗꓪ ꓐꓰ ꓣꓳ ꓫꓬ ꓐꓱ ꓖꓶ ꓠꓹ ꓗ ꓡꓳ ꓐꓯ ꓟ ꓔꓯ ꓣꓳ ꓢꓷꓸ ꓠꓹ ꓗ ꓡꓳ= ꓮ ꓡꓲꓳ ꓐꓯ ꓠꓬ ꓣꓳ ꓡꓲꓽ ꓒꓰꓼ ꓠꓬ ꓟꓽ ꓑꓲ ꓝꓲ ꓑꓲ ꓝꓲ ꓟ ꓪꓴ-ꓢ ꓐꓯ ꓘꓶꓼ ꓐꓲ ꓝꓲ ꓟ ꓙꓵꓸꓹ ꓠꓲꓹ ꓗꓪ ꓐꓰ ꓣꓳ ꓡꓲꓽ ꓒꓰꓼ ꓘꓴꓸ ꓠꓯꓼ ꓗꓪ ꓔꓬ ꓢꓲ꓾ ꓢꓯꓼ ꓕꓵꓼ ꓠꓹ ꓗ ꓡꓳ= ꓖꓳ ꓡꓰ ꓢꓲ꓾ ꓣꓳ ꓡꓲ ꓒꓰꓼ ꓐꓰ ꓙꓵꓸꓹ ꓠꓲꓹ ꓠꓬ ꓮ ꓕꓯ ꓥ ꓟꓲ ꓗꓹ ꓛꓲ ꓥꓳ= ꓖꓳ ꓡꓰ ꓠꓬꓲ ꓬꓲ ꓤ ꓠꓬꓲ ꓤ ꓐꓴꓳ ꓪꓴ-ꓢ ꓔꓯ ꓦ ꓡꓱ ꓢꓴ ꓪꓴ-ꓢ ꓔꓯ ꓠꓲꓹ ꓠꓵ ꓢꓴ ꓣꓳ ꓡꓲꓽ ꓒꓰꓼ ꓘꓴꓸ ꓠꓯꓸꓼ ꓗꓪ ꓙꓵꓸꓹ ꓠꓲꓹ ꓔꓯ ꓮ ꓡꓰ ꓐꓰ ꓘꓴꓸ ꓣꓴ ꓠꓹ ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ=