ꓟꓲ ꓠꓯ ꓕꓯ ꓢꓲ ꓗꓪ ꓔꓬ ꓟ ꓞꓳ ꓤ ꓐꓴ ꓟꓬ ꓠꓬꓲ ꓠꓬ ꓞꓳ. ꓡꓰˍ ꓟ ꓔꓯ ꓔꓳꓹ ꓜꓳ ꓔꓬ ꓡꓳ=

ꓟꓲ ꓠꓯ ꓕꓯ ꓢꓲ ꓗꓪ ꓔꓬ ꓟ ꓞꓳ ꓤ ꓐꓴ ꓟꓬ ꓠꓬꓲ ꓠꓬ ꓞꓳ. ꓡꓰˍ ꓟ ꓔꓯ ꓔꓳꓹ ꓜꓳ ꓔꓬ ꓡꓳ= ꓬꓲꓸ ꓪ ꓠꓯꓼ ꓗꓪ ꓢꓯꓼ ꓟꓽ ꓙꓳ ꓢꓲ ꓞꓳꓸ ꓡꓰ ꓟ ꓠꓽ ꓟꓽ ꓥ= ꓮ ꓡꓰ ꓔ ꓠꓬꓲ ꓞꓳꓸ ꓡꓰ ꓥ ꓢꓷ ꓐꓯ ꓠꓬ ꓫꓸ ꓓꓴ ꓟꓬ ꓓꓴ ꓔꓳꓹ ꓜꓳ ꓡ ꓕꓯ ꓜꓲꓽ ꓠꓹ ꓟ ꓠꓲꓹ ꓟꓽ ꓙꓳˍ ꓟ ꓪꓴꓸ ꓠꓬꓲ ꓥ ꓡꓳ=  ꓟꓲ ꓠꓯ ꓕꓯ ꓢꓲ ꓗꓪ ꓮ ꓕꓯ ꓥ ꓟꓲ ꓟꓶꓽ ꓦ ꓟꓽ ꓜꓯꓼ ꓟ ꓡꓰ ꓐꓰ ꓮ ꓕꓯ ꓥ ꓟꓲ ꓟꓶꓽ ꓞ ꓟꓽ ꓐ ꓡ= ꓞꓳ ꓡꓱ ꓐꓴ ꓮ ꓟꓬ ꓗꓪ ꓛꓲ ꓢꓯꓼ ꓙꓳ ꓥ ꓡ ꓐꓯ ꓡꓰ ꓕꓲ ꓖ ꓕꓲ ꓧꓪꓹ ꓞꓳꓸ ꓡꓰ ꓟ ꓬꓲ ꓙꓵꓹ ꓥ ꓟꓲ ꓙꓳˍ ꓡꓳ= ꓞꓳ ꓡꓱ ꓐꓴ ꓠꓯ ꓞꓲꓹ ꓟ ꓗꓪ ꓓꓵꓽ ꓡꓰ ꓟ ꓬꓲꓸ ꓙꓵꓹ ꓥ ꓟꓲ ꓙꓳ ꓡꓳ= ꓠꓯ ꓞꓲꓹ ꓔ ꓟ ꓗꓪ ꓓꓵꓽ ꓡꓰ ꓟ ꓕꓲ ꓙꓵꓹ ꓕꓯ  ꓠꓬꓲ ꓟꓳ ꓓꓴ ꓔꓯ ꓕꓽ ꓡꓳꓸ ꓠꓬ= ꓠꓴ ꓮ ꓡꓰ ꓖ ꓘꓴ ꓛꓵ ꓖ ꓔꓯ ꓖ ꓢꓲ꓾ ꓠꓬꓲ ꓟꓳ ꓓꓴ ꓪ ꓠꓹ ꓟ ꓢꓯꓼ ꓕꓵꓼ= ꓕꓲ ꓖ ꓕꓲ ꓧꓪꓹ ꓣꓳ ꓞꓳꓸ ꓡꓰ ꓓꓴ ꓔꓳꓹ ꓜꓳ ꓡ ꓕꓯ ꓠꓲꓹ ꓟ ꓕꓽ ꓐꓬ ꓡꓰ ꓥꓪ ꓠꓯꓼ ꓗꓪ ꓢꓯꓼ ꓪ ꓙꓳˍ ꓢꓲ ꓥ ꓥꓪ ꓢꓯꓼ ꓕꓵꓼ ꓓꓴ ꓬꓲ ꓙꓵꓹ ꓙꓳˍ ꓢꓰ ꓐꓰ ꓓꓵꓽ ꓙ ꓢꓲ ꓠꓴ ꓚꓲ ꓛꓬ ꓠꓬꓲ ꓟꓳ ꓓꓴ ꓔꓯ ꓧꓪ ꓙꓰ= ꓮ ꓟꓶ ꓟ ꓣꓳ ꓞꓳ ꓡꓱ ꓐꓴ ꓠꓯꓼ ꓗꓪ ꓕꓲ ꓧꓶꓸ ꓞꓳꓸ ꓡꓰ ꓓꓰ ꓖꓼ ꓡꓰ ꓮ ꓙꓵꓽ ꓞꓳꓸ ꓡꓰꓳ ꓐꓰ ꓙ ꓟꓶ ꓢꓲ ꓟꓽ ꓢꓯꓼ ꓕꓵꓼ ꓔꓬ ꓟ ꓔꓯ ꓡꓳꓸ ꓟꓳ ꓡꓳ= ꓕꓱ ꓡꓱ ꓕꓽ ꓬꓰ ꓡꓯ = ꓣꓳ ꓠꓯꓼ ꓗꓪ ꓢꓯꓼ ꓕꓵꓼ ꓓꓴ ꓬꓲ ꓙꓵꓹ ꓮ ꓟꓬꓹ ꓙꓳˍ ꓢꓰ ꓡꓳ= ꓣꓳ ꓢꓯꓼ ꓕꓵꓼ ꓟ ꓗꓪ ꓢꓴ ꓡꓰ ꓣꓳ ꓔꓯ ꓟꓽ ꓢꓯꓼ ꓖꓶ ꓡ ꓐꓯ ꓥ ꓟꓲ  ꓥꓪ ꓢꓯꓼ ꓕꓵꓼ ꓟ ꓠꓬ ꓙꓲ_ ꓟ ꓥ ꓡꓳ ꓐꓰ ꓐꓯ ꓢꓲ ꓣꓳ ꓚꓲ ꓛꓬ ꓢꓯꓼ ꓖꓶ ꓠ ꓔ ꓡꓳ= ꓕꓱ ꓡꓱ ꓬꓰ ꓢꓲ ꓢꓯꓼ ꓕꓵꓼ ꓔꓬ ꓐꓶ ꓠꓬ ꓞꓳ ꓡꓱ ꓐꓴ ꓠꓴ ꓪ ꓮ ꓙꓵꓽ ꓠꓬ ꓧꓪꓸ ꓡꓰ ꓟ ꓔꓯ ꓘꓳꓹ ꓣꓴ ꓟꓶ ꓢꓴ ꓒꓬꓰꓼ ꓡ ꓥꓳ= ꓞꓳ ꓡꓱ ꓐꓴ ꓠꓲꓹ ꓟ ꓠꓯꓼ ꓗꓪ ꓥꓪ ꓬꓰ ꓐ ꓡˍ ꓥꓪ ꓬꓰ ꓘꓴ ꓐꓰ ꓓꓵꓽ ꓙ ꓢꓲ ꓢꓯꓼ ꓕꓵꓼ ꓪ ꓡꓰ ꓝꓲ=
 

Add new comment

10 + 3 =