ꓢꓶ, ꓢꓶ ꓜꓲ ꓐꓰ ꓤ ꓑ ꓤ ꓟ. ꓟꓲꓽ

ꓮ ꓐ ꓮ ꓟ ꓠꓬ ꓢꓶ, ꓢꓶ ꓜꓲ ꓡꓰ ꓐꓰ ꓗ, ꓥ ꓡꓳ꓿ ꓤ ꓑ ꓤ ꓬꓲ. ꓠꓬ ꓢꓶ, ꓢꓶ  ꓜꓲ ꓠꓯꓼ ꓗꓪ ꓙꓳˍ ꓟ ꓮ ꓙꓵ ꓔꓯ ꓣꓴ ꓔꓯ ꓙꓰ ꓡꓳ꓿ ꓢꓶ, ꓢꓶ ꓜꓲ ꓬꓲ. ꓮ ꓟꓬ ꓗꓪ ꓛꓲ. ꓠꓲ, ꓟ ꓫ. ꓔꓬ ꓟ ꓔꓯ ꓬꓲ., ꓟ ꓢꓷ. ꓔ ꓔꓱ ꓟ ꓡꓰ ꓐꓰ ꓥˍ ꓡꓳ꓿ ꓣꓳ ꓐꓴ ꓞꓲꓽ ꓣꓳ_ ꓟ ꓕꓲ ꓙꓵ., ꓗꓪ ꓠꓬ ꓮ ꓐ ꓮ ꓟ ꓦꓲ., ꓗꓪ ꓗ, ꓗ, ꓛꓲ ꓛꓲ ꓡꓰ ꓐꓰ ꓔꓬ ꓖꓳ. ꓡ ꓟ ꓥ ꓡꓳ꓿ ꓖꓳ ꓡꓰ ꓐꓯ ꓥˍ ꓟꓲ ꓞꓲꓽ ꓪꓴ ꓡ ꓕꓯ ꓠꓬ ꓕꓲ ꓣꓳ ꓕꓲ ꓗ, ꓕꓲ ꓣꓳ ꓕꓲ ꓦꓲ., ꓔꓬ ꓙꓰ ꓪ ꓥꓳ꓿ꓣꓳ ꓠꓯꓼ ꓗꓪ ꓫ. ꓓꓴ ꓙꓳ ꓔꓯ ꓮ ꓐ ꓮ ꓟ ꓕꓯ ꓓꓴ ꓙ ꓚꓲ, ꓟ ꓥ ꓡꓳ꓿ ꓤ ꓠꓱ ꓡꓰ ꓮ ꓫꓵꓼ ꓬꓰ    ꓬꓲ ꓡ ꓐꓯ ꓥˍ ꓟꓲ ꓮ ꓐ ꓮ ꓟ ꓠꓬ ꓣꓳ ꓕꓯ  ꓣꓱꓽ ꓬꓯꓼ ꓟ ꓪꓴ. ꓠꓬ ꓣꓳ ꓠꓯꓼ ꓗꓪ ꓟ ꓐꓲ ꓝꓲ ꓟ ꓮ ꓙꓵꓼ ꓔꓯ ꓠꓬ ꓐꓲ ꓝꓲ ꓡꓰ ꓠ. ꓟ ꓢꓯꓼ ꓔꓴ, ꓙ ꓡ ꓟ ꓥꓳ꓿ ꓤ ꓠꓱ ꓐꓴ ꓣꓳ ꓥˍ ꓟꓲ ꓙ ꓟꓶ ꓠꓬꓲ ꓡꓯ꓿  ꓣꓳ ꓬꓲ., ꓙꓵꓼ ꓙꓳ ꓢꓲ ꓡꓳ꓿ ꓣꓳ ꓤ ꓠꓱ ꓐꓴ ꓡꓰ ꓕꓲ ꓧꓪ. ꓮ ꓐ ꓮ ꓟ ꓔꓯ ꓬꓰ ꓙ ꓓꓴ ꓬꓰ ꓡꓯ꓿