ꓦꓲꓸꓹ ꓘꓴꓽ ꓠꓯꓼ ꓗꓪ ꓠꓵ ꓠꓲꓹ ꓙꓳ ꓕ ꓢꓲ ꓖꓽ ꓖꓶ ꓡꓯꓼ ꓘꓳˍꓟ ꓠꓲꓹ ꓟ ꓟꓲ ꓙꓳˍ ꓡ ꓥꓳ

ꓠꓵ ꓠꓲꓹ ꓟꓽ ꓙꓳˍ ꓟ ꓦꓲꓸꓹ ꓘꓴ ꓠꓬ ꓪꓴ ꓒꓬ ꓬꓲ ꓠꓯꓼ ꓗꓪ ꓞꓼ ꓐꓳ ꓟꓽ ꓗꓷ ꓦ ꓟ ꓡꓰ ꓐꓰ ꓥꓳ= ꓦꓲꓸꓹ ꓘꓴ ꓔꓯ ꓒꓴ ꓫꓵꓺ ꓗꓪ ꓐꓰ ꓬꓲ ꓒꓵꓽ ꓞꓶꓹ ꓟꓶ ꓗꓷ ꓐꓯ ꓠꓬ ꓒꓴ ꓫꓵꓺ ꓡꓰ ꓥ ꓟꓲ ꓠꓵ ꓠꓲꓹ ꓕꓱ ꓟ ꓔꓯ ꓬꓲ ꓒꓴ ꓞꓶꓹ ꓟꓶ ꓗꓷ ꓡ ꓥꓳ= ꓐꓳ_ ꓟ ꓔꓯ ꓛꓳꓽ ꓢꓲ ꓠꓵ ꓠꓲꓹ ꓟꓽ ꓐ ꓐ ꓦꓲꓸꓹ ꓕꓵ ꓬꓰ ꓗꓷ ꓐꓯ ꓠꓬ ꓢꓲ ꓡꓲꓹ ꓗꓹ ꓛꓲ ꓟ ꓦꓲꓸꓹ ꓘꓴ ꓔꓯ ꓠꓴ ꓟꓽ ꓪ ꓡ= ꓦꓲꓸꓹ ꓘꓴꓽ ꓠꓯꓼ ꓗꓪ ꓠꓵ ꓠꓲꓹ ꓙꓳ ꓕ ꓢꓲ ꓖꓽ ꓖꓶ ꓡꓯꓼ ꓘꓳˍꓟ ꓠꓲꓹ ꓟ ꓟꓲ ꓙꓳˍ ꓡ ꓥꓳ= ꓖꓳ ꓟ ꓑꓶ ꓓꓴ ꓠꓵ ꓠꓲꓹ ꓕꓱ ꓟ ꓠꓬ ꓮ ꓘꓶꓸ ꓣꓱꓽ ꓬꓯꓼ ꓡꓳ= ꓮ ꓟꓬ ꓗꓪ ꓛꓲ ꓐꓳ_ ꓟ ꓕꓲ ꓦꓲꓸꓹ ꓡ ꓞꓳ ꓥ ꓟꓲ ꓠꓵ ꓠꓲꓹ ꓟꓽ ꓙꓳ ꓠꓬ ꓦꓲꓸꓹ ꓘꓴ ꓟꓽ ꓪꓴ ꓟꓴ ꓡ= ꓐꓬ ꓡꓰ ꓓꓴ ꓡꓰ ꓗꓷ ꓡ ꓥꓳ=