ꓫꓸ ꓓꓴ ꓗꓪ ꓐꓰ ꓗꓹ ꓛꓲꓽˍ ꓟ ꓤꓶꓸꓹ ꓔꓯ ꓘꓳꓹ ꓣꓴ ꓟꓶ ꓠꓹ ꓟ ꓢꓯꓼ ꓕꓵꓼ ꓡꓯ=

ꓟꓲ ꓠꓯ ꓗꓪ ꓡ ꓞꓳ ꓒꓬꓱꓼ ꓡꓳ ꓐꓯ ꓠꓬ ꓠꓲꓹ ꓫꓸ ꓟꓬ ꓫꓹ ꓓꓴ ꓮ ꓘꓶꓸ ꓔꓳꓹ ꓜꓳ ꓔꓬ ꓟ ꓥꓳ= ꓕꓱ ꓟ ꓔꓯ ꓣꓳ ꓗꓳꓸ ꓙꓰ ꓐ ꓡ ꓠꓹ ꓟ ꓢꓯꓼ ꓕꓵꓼ ꓠ ꓔ ꓡꓳ= ꓕꓲ ꓖ ꓕꓲ ꓧꓪꓹ ꓢꓴ ꓡꓰ ꓣꓳ ꓔꓯ ꓟꓽ ꓙꓲ ꓐꓯ ꓡ ꓟ_ ꓟꓲ ꓙꓳ ꓡꓳ= ꓖꓳ ꓕꓲ ꓙꓵꓹ ꓗꓪ ꓠꓴ ꓠꓲꓹ ꓟ ꓕꓽ ꓐꓬ ꓡꓰ ꓝꓲ= ꓫꓸ ꓓꓴ ꓗꓪ ꓐꓰ ꓗꓹ ꓛꓲˍ ꓟ ꓤꓶꓻ ꓔꓯ ꓘꓳꓹ ꓣꓴ ꓟꓶ ꓠꓹ ꓟ ꓢꓯꓼ ꓕꓵꓼ ꓡꓯ= ꓖꓳ ꓡꓱ ꓬꓰ ꓠꓬ ꓠꓴ ꓠꓽ ꓟꓲ ꓠꓯ ꓗꓪ ꓮ ꓘꓶꓸ ꓙꓲ ꓖꓴ ꓙꓳ_ ꓟ ꓡ ꓞꓳ ꓒꓬꓱꓼ ꓡ ꓥꓳ= ꓫꓸ ꓓꓴ ꓠꓬ ꓣꓳ ꓐꓱ ꓶ ꓥ ꓡꓳ= ꓢꓴ ꓡꓰ ꓣꓳ ꓔꓯ ꓠꓲꓹ ꓜꓳ ꓥ ꓟꓲ ꓟꓲ ꓠꓯ ꓗꓪ ꓣꓳ ꓟꓬꓱꓽ ꓬꓰ ꓕꓯ ꓢꓲ ꓣꓳ ꓜ ꓪ ꓟ ꓪꓴꓸ ꓠꓬꓲ ꓢꓴ ꓑꓶ ꓓꓴ ꓠꓴ ꓟꓬꓱꓽ ꓬꓰ ꓟꓽ ꓪ ꓟ ꓕꓽ ꓗꓷ ꓡꓰ ꓝꓲ= ꓠꓴ ꓬꓰ ꓙꓵꓽ ꓙꓳ_ ꓟ ꓔꓯ ꓠꓬ ꓠꓲꓹ ꓟ ꓟꓽ ꓐꓬ ꓐꓬ ꓢꓯꓼ ꓕꓵꓼ ꓓꓴ ꓬꓰ ꓡꓯ= ꓖꓳ ꓡꓰ ꓐꓯ ꓥ ꓟꓲ  ꓕꓱ ꓡꓱ ꓟꓬꓱꓽ ꓬꓰ_ ꓟ ꓗꓪ ꓙꓲ_ ꓟ ꓕꓲ ꓒꓳꓹ ꓗꓪ ꓐꓰ ꓢꓯꓼ ꓕꓵꓼ ꓠꓹ ꓟ ꓕꓽ ꓟꓲ ꓡꓰ= ꓕꓱ ꓡꓱ ꓢꓯꓼ ꓕꓵꓼ ꓟ ꓕꓲ ꓙꓵꓹ ꓗꓪ ꓫꓸ ꓓꓴ ꓔꓳꓹ ꓜꓳ ꓡ ꓕꓯ ꓜꓲꓽ ꓧꓪꓸ ꓡꓰ ꓝꓲ= ꓕꓱ ꓡꓱ ꓜꓲ ꓢꓲ꓾ ꓢꓯꓼ ꓕꓵꓼ ꓔꓬ ꓐꓯ ꓠꓬ ꓠꓴ ꓠ ꓫꓸ ꓓꓴ ꓗꓪ ꓐꓰ ꓡꓲꓹ ꓙꓲ ꓢꓲ ꓗꓹ ꓛꓲ ꓟ ꓤꓶꓻ ꓔꓯ ꓘꓳꓹ ꓣꓴ ꓟꓶ ꓠꓹ ꓟ ꓢꓯꓼ ꓕꓵꓼ ꓡꓯ=