ꓮ ꓛꓵꓼ ꓐꓰ ꓮ ꓠꓬꓲꓽ ꓟꓸ ꓟꓲꓽ ꓗꓪ ꓐꓰ ꓖꓶ_ ꓟ ꓢꓷꓸ ꓡꓰ ꓓꓴ

ꓮ ꓠꓱ ꓕꓯ ꓟꓬꓱꓽ ꓬꓰ ꓒ ꓕꓲ ꓣꓳ ꓠꓯꓼ ꓗꓪ ꓮ ꓛꓵꓼ ꓕꓲ ꓘꓹ ꓐꓰ ꓮ ꓠꓬꓲꓽ ꓕꓲ ꓘꓹꓦꓵꓸꓹ ꓔ ꓡꓳ= ꓕꓲ ꓠꓬꓲ ꓙꓳˍ ꓕꓯ ꓮ ꓠꓬꓲꓽ ꓠꓬ ꓮ ꓘꓶꓸ ꓠꓸꓹ ꓡ ꓟ ꓪꓴꓸ ꓠꓬꓲ ꓠꓯꓸꓹ ꓞꓲꓼ ꓫꓬꓹ ꓠꓹ ꓟ ꓐꓱ ꓶ ꓠꓯ ꓞꓲꓼ ꓟꓸ ꓒ ꓔꓬ ꓗꓪ ꓧꓳꓽ ꓩꓴ ꓬꓰ_ ꓡꓳ=  ꓖꓳ ꓕꓯ ꓠꓯꓸꓹ ꓞꓲꓼ ꓟꓸ ꓒ ꓠꓬ ꓮ ꓠꓬꓲꓽ ꓔꓯ ꓚꓹ ꓠꓬꓲ_ ꓡꓳ= ꓠꓯꓸꓹ ꓞꓲꓼ ꓟꓸ ꓒ ꓡꓰ ꓬꓲ ꓔꓯ ꓠꓬ ꓠꓯ., ꓞꓲꓼ ꓢ ꓧꓪꓹ ꓗꓸ ꓓꓴ ꓬꓰ ꓐꓰ ꓐꓯ ꓡꓳ= ꓢ ꓧꓪꓹ ꓗꓸ ꓢꓲ ꓟꓽ ꓓ ꓡ ꓐꓭ ꓠꓬ ꓮ ꓠꓬꓲꓽ ꓔꓯ ꓢꓰꓼ ꓩꓴꓽ ꓗꓷ ꓐꓰ ꓐꓯ_ ꓡꓳ= ꓕꓱ ꓡꓱ ꓐꓯ ꓟ ꓔꓯ ꓮ ꓛꓵꓼ ꓥ ꓟꓲ ꓐ ꓙ_ ꓡꓳ= ꓖꓳ ꓕꓯ ꓮ ꓛꓵꓼ ꓡꓰ ꓮ ꓠꓬꓲꓽ ꓕꓯ ꓛꓳ ꓒꓯꓹ ꓳ ꓔꓴ‐. ꓡꓯ ꓟ ꓥ ꓠꓬ ꓠꓴ ꓕꓯ ꓢꓰꓼ ꓡ ꓓꓴ ꓬꓰꓳ ꓐꓰ ꓐꓯ ꓡꓳ= ꓖꓳ ꓡꓱ ꓐꓯ ꓥ ꓟꓲ  ꓮ ꓠꓬꓲꓽ ꓠꓬ ꓟ ꓔꓴ‐. ꓡ= ꓠꓯꓼ ꓠꓯꓼ ꓛꓲ ꓡ ꓕꓯ ꓕꓲ ꓧꓪ, ꓠꓯ., ꓞꓲꓼ ꓗꓸ ꓖꓶ_ ꓡꓳ= ꓮ ꓟꓶ ꓕꓲ ꓧꓪ, ꓠꓯ., ꓞꓲꓼ ꓗꓸ ꓢꓲ ꓟꓽ ꓓ ꓡ ꓐꓯ ꓠꓬ ꓬꓲ ꓔꓯ ꓢꓰꓼ ꓩꓴ ꓓꓴ ꓬꓰ ꓡꓯ꓿ ꓟꓽ ꓢꓰꓼ ꓔꓬ ꓝꓲ ꓐꓭ ꓠꓬ ꓠꓱ. ꓐꓯꓼ ꓮ ꓠꓬꓲ ꓔꓯ ꓥ ꓟꓲ ꓠ., ꓓꓴ ꓚꓵ. ꓡꓰ ꓢꓲ ꓫꓵ., ꓬꓰ ꓡ ꓥꓳ ꓐꓰ ꓐꓯ ꓡꓳ꓿ ꓖꓳ ꓕꓯ ꓮ ꓛꓵꓼ ꓡꓰ ꓛꓳ ꓒꓯ, ꓔꓴ‐. ꓠꓴ ꓕꓯ ꓢꓰꓼ ꓡ ꓓꓴ ꓬꓰꓳ ꓮ ꓟꓲ. ꓞꓽ ꓞꓽ ꓔꓴ ꓡꓰ ꓐꓯ ꓖꓶ ꓕꓯ ꓮ ꓠꓬꓲꓽ ꓥ ꓟꓲ ꓮ ꓜ ꓜ ꓔꓴ ꓡ ꓡꓳ꓿ ꓖꓳ ꓗ. ꓠꓯ. ꓮ ꓠꓬꓲꓽ ꓥ ꓟꓲ ꓠ., ꓓꓴ ꓗꓪ ꓐꓰ ꓓ ꓡꓰ ꓢꓲ ꓐꓱ., ꓘꓴꓽ ꓠꓯꓼ ꓗꓪ ꓬꓲ. ꓜ ꓧꓪ ꓜ ꓔꓬ ꓟ ꓔꓯ ꓟꓬꓱꓽ ꓬꓰ ꓒ ꓟꓳ ꓕꓯ ꓮ ꓘꓶ. ꓗ, ꓛꓲ ꓬꓰ ꓪ꓿ ꓬꓲ. ꓮ ꓠꓬꓲꓽ ꓠ., ꓓꓴ ꓗꓪ ꓐꓰ ꓓ ꓡꓰ ꓟ ꓑꓶ ꓓꓴ ꓮ ꓛꓵꓼ ꓔꓯ ꓐꓬ ꓗꓷ ꓢꓰꓼ ꓗꓷ ꓢꓲ ꓧꓪ. ꓡꓰ ꓟ ꓑꓮꓲ ꓬꓰ ꓩꓴ ꓡꓳ꓿ ꓣꓳ ꓤꓶ., ꓗꓪ ꓥ ꓟꓲ  ꓕꓲ ꓖ ꓕꓲ ꓧꓪ, ꓞꓳ ꓤ ꓕꓲ ꓣꓳ ꓣꓳ ꓧꓪ. ꓡꓰ ꓠ, ꓟ ꓟꓽ ꓥ ꓠꓬ ꓕꓲ ꓣꓳ ꓣꓳ ꓗ, ꓛꓲ ꓠ, ꓟ ꓐꓱ ꓶ ꓢꓴ ꓟꓽ ꓢꓷ. ꓠ ꓢꓯꓼ ꓕꓵꓼ ꓙ ꓔꓬ ꓢꓴ ꓥ ꓟꓲ ꓙꓳ ꓡꓳ꓿

    

Add new comment

3 + 12 =