ꓟꓲ ꓠꓯ ꓕꓱ ꓟ ꓞ ꓢꓯꓼ ꓟꓬ ꓡ ꓪ

ꓟꓲ ꓠꓯ ꓗꓴꓷꓼ ꓪꓴꓽ ꓟꓴ ꓡꓸꓹ ꓐꓰ ꓕꓲꓽ ꓡꓲꓼ ꓙꓹ ꓢꓯꓼ ꓐꓰ ꓟꓵꓽ ꓘꓴꓽ ꓟꓬꓽ ꓡꓸꓹ ꓟ ꓪꓴꓸ ꓠꓬꓲ ꓟꓲ ꓠꓯ ꓕꓱ ꓟ ꓠꓬ ꓪ ꓜꓲ ꓞ ꓢꓯꓼ ꓟꓬ ꓡ ꓡꓳ-ꓸ ꓐꓰ ꓢꓷ ꓠꓲ ꓙꓳ ꓒ ꓐꓴ ꓐꓰ ꓟꓲ ꓠꓯ ꓗꓴꓷ ꓜꓴ ꓡꓰ (11 ꓦ 26 ꓠꓬꓲ) ꓕꓯꓽ ꓟꓳꓸ ꓖꓶ ꓡ ꓡꓳ= “Emissions Gap Report”

2015 ꓘꓳꓼ ꓑ-ꓣꓲ ꓗꓪ ꓖꓪꓽ ꓙꓱ ꓪꓽ ꓔꓸ ꓟ ꓗꓪ-ꓸ ꓟꓲ ꓠꓯ ꓣꓱꓽ ꓫꓵꓽ ꓙꓼ ꓢꓷꓸ ꓠꓲ ꓪꓴꓽ ꓡ ꓚꓱꓹ ꓟꓽ ꓙꓳ ꓢꓲ ꓟꓲ ꓙꓯꓽ ꓕꓯꓽ ꓟꓲ ꓠꓯ ꓗꓴꓷꓼ ꓞ ꓢꓯꓼ ꓠꓬ ꓕꓲꓽ ꓘꓳꓼ ꓠꓯ_ꓗꓪ (1ꓸ5) ꓧꓶ ꓡꓰꓽ ꓙꓳ ꓪ ꓠꓸꓹ ꓟ ꓖꓪꓽ ꓙꓱ ꓔꓸ ꓟ ꓥ ꓡꓳ=

ꓖꓳ ꓡꓰ ꓠꓬꓲ 2020 ꓘꓳꓼ ꓗꓪ ꓐꓰ 2030 ꓘꓳꓼ ꓘꓴꓽ ꓠꓯꓼ_ꓗꓪ ꓙꓼ ꓟꓵꓽ ꓘꓴꓽ (ꓚꓳ2) 7ꓸ6 ꓧꓶ ꓣꓴ ꓞꓰ ꓠ ꓗꓸꓹꓡꓳ= ꓖꓳ ꓡꓰ ꓟꓽ ꓬꓲ ꓐꓭ ꓠꓬ ꓟꓲ ꓠꓯ ꓗꓴꓷꓼ ꓟꓶꓽ ꓘꓳꓼ ꓠꓬ ꓮ ꓘꓶꓸ ꓙꓽ ꓫꓸ ꓗꓪ ꓛꓲ ꓔꓳꓹ ꓜꓳꓽ ꓡ ꓥꓳ ꓐꓰ ꓟꓶꓽ ꓘꓳꓼ ꓒꓳ ꓡꓶꓹ ꓚꓱꓸꓹ ꓔꓯꓼ ꓡꓳꓸ ꓠꓬꓲ ꓔꓬ ꓢꓴ ꓡꓰ ꓐꓯ ꓟꓹ ꓖꓶꓽ ꓡꓰꓳ=

ꓕꓳ ꓶ ꓔꓱ ꓟ ꓔꓯꓹ ꓐꓳ ꓔ ꓢꓴ () ꓡꓰꓽ “ꓣꓳꓽ ꓡꓲꓸ ꓑ ꓡꓲꓸ ꓒꓲꓽ ꓐꓴ ꓐꓱ ꓶ ꓙꓽ ꓫꓸ ꓓꓴ ꓕꓱ ꓟꓬ ꓫꓵꓽ ꓔꓯ ꓠꓲꓹ ꓫꓬꓸ ꓖꓶꓽ ꓠꓲꓸ ꓟ ꓫꓵ” ꓐꓰ ꓜꓲꓼ ꓓꓴ ꓗꓪ ꓐꓯ ꓖꓶꓽ ꓔ ꓡꓳ=

ꓗꓴꓷꓽ ꓕꓲꓽ ꓐꓱ ꓠꓬ ꓖꓳ ꓞ ꓢꓯꓼ ꓔꓯ ꓔꓳꓼ ꓐ ꓡ ꓠ_ꓟ ꓙꓽ ꓖꓶꓽ ꓪ ꓡꓰ ꓥ_ꓟꓲ ꓟꓬ ꓠꓬꓲ ꓗꓴꓷꓼ ꓐꓴ ꓠꓬ ꓟꓽ ꓓꓴ ꓙ ꓔꓬ-ꓸ ꓮꓽ ꓘꓶꓹ ꓪꓴꓽ ꓟꓴ ꓔꓬ_ꓟ ꓮ-ꓟꓰ-ꓣꓲ-ꓗ ꓐ-ꓣ-ꓜꓲ ꓐꓰ ꓙ-ꓑꓮꓠ ꓐꓴ ꓥ_ꓟꓲ ꓙꓽ ꓖꓶꓽ ꓟ ꓓꓳ_ꓟ ꓔꓯ ꓡꓳꓸ ꓟꓳ_ꓡꓳ ꓐꓰ ꓕꓳ ꓶ ꓐꓳ ꓒꓽ ꓡꓰ ꓐꓳ ꓔ ꓡꓳ=

ꓢꓲꓸꓹ ꓜꓲ ꓡꓳ ꓜꓲ ꓐꓰ ꓟꓲ ꓠꓯ ꓕꓱꓽ ꓟ ꓔꓯꓼ ꓣꓱꓽ ꓟꓨꓽ ꓜꓳ_ꓟ ꓪꓴꓸ ꓠꓬꓲ 2018 ꓘꓳꓼ ꓘꓴꓽ ꓠꓯ_ꓗꓪ ꓟꓽ ꓙꓵ_ꓟ ꓟꓵꓽ ꓘꓴꓽ (  (ꓚꓳ2) 55ꓸ3 G ton) ꓟꓬ ꓡꓰꓳ=

ꓠꓬꓲꓸ ꓠꓬꓲ ꓟ ꓣꓳꓽ ꓐꓴ ꓦꓬꓼ ꓠꓬꓲ ꓗꓪ ꓟꓲ ꓠꓯ ꓕꓱꓽ ꓟ ꓜꓶ ꓫꓵ ꓠ_ꓟ ꓮꓽ ꓘꓶꓸ ꓓꓴ ꓙ ꓢꓲꓼ ꓫꓬꓼ ꓑꓱ ꓠ ꓗ ꓡꓳ=