ꓟꓲ-ꓠꓯ ꓗꓪ ꓙꓳˍ ꓟ ꓮꓽ ꓙꓵꓽ ꓕꓲꓽ ꓫꓵꓽ ꓐꓰ ꓕꓲꓽ ꓫꓵꓽ ꓙꓸꓸ ꓡꓯꓼ ꓘꓳˍ ꓟ-ꓸ

ꓙꓺ ꓡꓯꓼ ꓘꓳˍ ꓟ= (Eco-system)

ꓣꓳ: ꓐꓴ ꓔꓬˍ ꓟ ꓗꓪ ꓟꓵ: ꓘꓳꓼ ꓐꓰ ꓢꓲꓹ ꓜꓲ ꓡꓳ ꓜꓲ꓾ ꓡ: ꓞꓳ ꓐꓰ ꓢꓲꓹ ꓜꓲ꓾ ꓙꓳˍ ꓟ ꓮ: ꓙꓵ: ꓙꓺ ꓡꓯꓼ ꓘꓳˍ ꓟ꓾ (Eco-system) (ꓙꓺ ꓡꓯꓼ ꓘꓳˍ ꓟ=)

ꓙꓺ ꓡꓯꓼ ꓘꓳˍ ꓟ ꓐꓯꓹ ꓟ ꓠꓬ ꓢꓯ. ꓔꓬˍ ꓟ ꓮ: ꓙꓵ:꓾ ꓟꓲ-ꓠꓯ ꓗꓪ ꓙꓳˍ ꓟ ꓮ: ꓙꓵ: ꓕꓲ: ꓫꓵ: ꓐꓰ ꓕꓲ: ꓫꓵ: ꓙꓺ ꓡꓯꓼ ꓘꓳ ꓢꓲ ꓙꓳ ꓔꓬˍꓟ꓾ ꓢꓯ. ꓔꓬˍ ꓟ  ꓔꓯ. ꓐꓯˍ ꓟ ꓥ ꓡꓳ=

ꓙꓺ ꓡꓯꓼ ꓘꓳˍ ꓟ 2 ꓫꓵ: ꓙꓳˍ ꓡꓳ=

1. ꓠꓬ ꓢꓲꓼ ꓜꓲ ꓡꓳ ꓜꓲ ꓐꓰˍ ꓟ ꓟꓵ: ꓛꓱꓺ ꓗꓪ ꓟ ꓙꓺ ꓡꓯꓼ ꓘꓳ ꓚꓱ꓾

2. ꓠꓬ ꓬꓲ-ꓙꓬ ꓘꓴ: ꓗꓪ ꓟ ꓙꓺ ꓡꓯꓼ ꓘꓳ ꓚꓱ꓾

1. ꓗ ꓢ (ꓟꓵ: ꓛꓱꓹ) ꓗꓪ ꓟ ꓙꓺ ꓡꓯꓼ ꓘꓳ ꓚꓱꓼ ꓐꓯꓹ ꓟ ꓠꓬ ꓟꓲ-ꓠꓯ ꓧꓪ: ꓖꓳ ꓓꓱ ꓐꓰ ꓡ: ꓞꓳ ꓘꓴ: ꓠꓯˍ ꓗꓪ ꓟ ꓙꓺ ꓡꓯꓼ ꓘꓳˍ ꓟ ꓥ ꓡꓳ=

ꓖꓳ ꓟ ꓔꓯ. ꓝꓮꓲ. ꓬꓲ. ꓝꓲꓹ ꓒꓶ: ꓐꓭ ꓠꓬ

1.ꓢꓲꓹ ꓜꓲ ꓡꓳ ꓜꓲ ꓙꓺ ꓡꓯꓼ ꓘꓳˍ ꓟ꓾ (Forest Ecosystem)

2. ꓪꓻ ꓓꓰ ꓟꓵ: ꓙꓺ ꓡꓯꓼ ꓘꓳˍ ꓟ꓾ (Grassland Ecosystem)

3. ꓬꓲ-ꓙꓬ ꓓꓳˍ ꓟ ꓟꓵ: ꓓꓰ ꓙꓺ ꓡꓯꓼ ꓘꓳˍ ꓟ (Tundra Ecosystem) ꓐꓰ

4. ꓟꓵ: ꓚꓱꓹ ꓧꓶ: ꓚꓲ ꓓꓰꓺ ꓗꓪˍ ꓟ ꓙꓺ ꓡꓯꓼ ꓘꓳ ꓚꓱ꓾ (Desert Ecosystem)

ꓐꓴ ꓥ ꓡꓳ꓾

1. ꓠꓬ ꓢꓲꓼ ꓜꓲ ꓡꓳ ꓜꓲ ꓐꓰˍ ꓟ ꓟꓵ: ꓛꓱꓺ ꓗꓪ ꓟ ꓙꓺ ꓡꓯꓼ ꓘꓳ ꓚꓱ꓾ (Terrestrial Ecosystem)

ꓕꓱ: ꓟ ꓗꓪ ꓠꓬ ꓔꓶꓺ ꓫꓵ: ꓔꓶꓺ ꓙꓵ: ꓐꓰ ꓟꓵ: ꓙꓺ  ꓡꓯꓼ ꓘꓳˍ ꓟ ꓥ ꓢꓲꓼ ꓡ: ꓞꓳ ꓐꓴ ꓔꓬˍ ꓟ ꓟꓵ: ꓥ ꓡꓳ꓾

ꓢꓲꓹ ꓜꓲ ꓡꓳ ꓜꓲ ꓮ: ꓙꓵ:꓾ ꓙꓶꓺ ꓜꓼ ꓟ ꓞꓲ ꓐꓰꓼ ꓢꓯ. ꓫꓵ: ꓮ: ꓙꓵ ꓠꓬ ꓚꓳ ꓡꓳ ꓡꓳ ꓗꓪ ꓟ ꓟꓵ: ꓘꓳꓼ ꓐꓰ ꓪ: ꓡꓯꓼ ꓘꓳ ꓢꓲ. ꓙꓺ ꓡꓯꓼ ꓘꓳˍ ꓟ ꓥ ꓡꓳ=

ꓬꓲ- ꓙꓯ ꓘꓴ: ꓗꓪ ꓟ ꓙꓺ ꓡꓯꓼ ꓘꓳ ꓚꓱꓼ꓾

ꓬꓲ-ꓙꓯ ꓘꓴꓽ ꓗꓪ ꓙꓳˍ ꓟ ꓢꓯꓸ ꓫꓵꓽ ꓐꓰ ꓖꓴꓽ ꓙꓴ ꓐꓴ ꓠꓯꓼ ꓗꓪ  ꓙꓸꓸ ꓡꓯꓼ ꓘꓳˍ ꓟ ꓔꓯꓸ ꓐꓯˍ ꓡꓳ=

ꓖꓳ ꓟ ꓗꓪ ꓠꓬ ꓞꓼ-ꓐꓳ ꓢꓯꓼ ꓐˍ ꓟ ꓬꓲ-ꓙꓯ ꓐꓰ ꓞꓼ ꓐꓳ ꓢꓯꓼ ꓟꓽ ꓐˍ ꓟ ꓬꓲ-ꓙꓯ ꓐꓰꓠꓬꓲꓽ ꓫꓵꓽ ꓙꓳˍ ꓡꓳ=

ꓮ ꓡꓲ ꓕꓲꓽ ꓫꓵꓽ ꓗꓪ ꓥꓼ ꓟꓲ ꓟꓲ-ꓠꓯ ꓡꓽ ꓞꓳ ꓐꓰ ꓢꓯꓸ ꓫꓵꓽ ꓮ ꓙꓵꓽ ꓠꓬ ꓟꓵꓽ ꓘꓳꓼ ꓐꓰ ꓦꓬꓼ ꓠꓬꓲ ꓔꓯꓸ ꓙꓸꓸ ꓡꓯꓼ ꓘꓳˍ ꓡꓳ=

ꓪꓴ-ꓢ ꓡꓰꓽ ꓚꓰꓼ ꓔꓸ ꓟ ꓮꓽ ꓙꓵꓽ ꓠꓬ ꓕꓲꓽ ꓫꓵꓽ ꓐꓰ ꓕꓲꓽ ꓫꓵꓽ ꓔꓳꓹ ꓙ ꓡꓯꓼ ꓘꓳ ꓢꓲꓹ ꓙꓸꓸ ꓡꓯꓼ ꓘꓳ ꓔꓬ ꓡꓳ=

ꓠꓬꓲꓸ ꓠꓬꓲ ꓟ ꓣꓳꓼ ꓡꓽ ꓞꓳ ꓐꓴ ꓠꓬ ꓢꓷꓸ ꓠꓲꓹ ꓚꓳꓸꓸ ꓬꓲꓹ ꓙꓳ ꓢꓲ ꓙꓽ ꓜꓲꓼ ꓠꓲꓹ ꓙꓳ ꓢꓴ ꓥ ꓡꓳ=

ꓖꓳ ꓡꓰ ꓥˍ ꓟꓲ ꓠꓬꓲꓹ ꓠꓬꓲ ꓟ ꓟꓲ-ꓠꓯ ꓕꓱꓸꓸ ꓟ ꓔꓯꓸ ꓐꓬ ꓡꓰ ꓝꓲ ꓢꓴ ꓠꓬ ꓣꓳꓽ ꓡꓽ ꓞꓳ ꓐꓴ ꓥ  ꓡꓳ-ꓸ ꓚꓵꓸ ꓛꓬꓽ ꓐꓱ ꓶꓽ ꓔꓯꓸ ꓧꓪꓹ ꓟ ꓪꓴꓹ ꓠꓬꓲ ꓦꓬꓼ ꓠꓬꓲ ꓐꓰ ꓟꓵꓽ ꓘꓳꓼ ꓠꓬ ꓮꓽ ꓜꓸꓸ ꓜꓸꓸ ꓐꓬ ꓡ ꓪ-ꓸ

ꓖꓳ ꓟ ꓪꓴꓸ ꓠꓬꓲ ꓬꓲꓼ ꓤꓼ ꓠꓬꓲ ꓤꓼ ꓐꓴˍ ꓳ-ꓸ ꓣꓳꓽ ꓔꓬˍ ꓟ ꓟꓵꓽ ꓠꓲꓹ ꓢ ꓗꓹ ꓛꓰꓽ ꓠꓹ ꓟ ꓣꓳꓽ ꓐꓴ ꓓꓵꓽ ꓙ ꓢꓲꓼ ꓙꓸꓸꓡꓯꓼ ꓘꓳꓽ ꓓꓴ ꓬꓰ ꓡꓯ ꓐꓰ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ=