ꓟꓲ ꓠꓯ ꓡꓽ ꓞꓳ ꓐꓰ ꓢꓲꓼ ꓜꓲ ꓡꓳ ꓜꓲ ꓪꓽ ꓡꓯꓼ ꓘꓳ ꓚꓱꓼ-ꓸ

ꓟꓲ-ꓠꓯ ꓡꓽ ꓞꓳ ꓐꓰ  ꓢꓲꓼ ꓜꓲ ꓡꓳ ꓜꓲ ꓠꓬ ꓪꓽ ꓡꓯꓼ ꓘꓳ ꓢꓲꓹ ꓢꓯꓸ ꓔꓬ ꓠꓯꓼ_ꓟ ꓚꓱꓼ-ꓸ

ꓮꓽ ꓙꓵꓽ ꓢꓴ ꓧꓪꓸ ꓧꓪ ꓔꓬ_ꓡꓽ?

ꓠꓬꓲꓹ ꓠꓬꓲ  ꓢꓲ ꓡꓲ_ꓟ ꓐꓰ ꓪꓽ ꓡꓯꓼ ꓘꓳ ꓚꓱꓼ ꓗꓪ ꓢꓲꓼ ꓜꓲ ꓡꓳ ꓜꓲ ꓗꓪ ꓐꓰ ꓡꓽ ꓞꓳ ꓕꓲꓽ ꓟ ꓐꓰ ꓕꓲꓽ ꓟ ꓔꓳꓼ ꓙ ꓔꓬ_ꓟ  ꓚꓱꓼ ꓔꓯꓸ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ=

ꓢꓲꓼ ꓜꓲ ꓡꓳ ꓜꓲ ꓥ ꓕ ꓑꓳꓸ ꓠꓬ ꓟꓲ-ꓠꓯ ꓡꓽ ꓞꓳ ꓐꓱ ꓶꓽ ꓠꓯ-ꓞꓲꓼ ꓦꓲꓸꓸ ꓓꓽ-ꓸ ꓠꓯꓽ ꓞꓲꓼ ꓫꓹ ꓙꓼ ꓕꓲꓽ ꓟ ꓥꓳ= ꓢꓲꓼ ꓜꓲ ꓡꓳ ꓜꓲ ꓗꓪ ꓐꓰ ꓠꓯ ꓞꓲ ꓫꓬꓼ ꓢꓲ ꓣꓱꓽ ꓔꓬ_ꓟ ꓠꓬ ꓡꓳꓹ ꓬꓰ_ꓟ ꓤꓶ 5000 ꓘꓳꓼ ꓗꓪ ꓐꓰ ꓣꓱꓽ ꓡ_ꓟ ꓔꓯ ꓟꓳ ꓪ ꓓ ꓡꓳ-ꓸ ꓧꓶꓸ ꓕꓯꓽ ꓟ ꓦꓬꓼ ꓠꓬꓲ ꓗꓪ ꓐꓰ  ꓰ-ꓒꓲ-ꓓ-ꓣ (Ephedra) https://en.wikipedia.org/wiki/Ephedra_(plant) ꓐꓰ ꓑꓳꓑꓑꓬ (https://www.deamuseum.org/ccp/opium/history.html) ꓐꓯ_ꓟ ꓔꓯꓸ ꓠꓸꓸ ꓫꓵꓽ ꓔꓯꓸ ꓙꓯꓽ ꓡꓰ ꓝꓲ_ꓟ ꓠꓯ-ꓞꓲꓼ ꓐꓰ ꓣꓱꓽ ꓔꓬ ꓡꓳ-ꓸ (ꓖꓳ ꓟ ꓔꓯꓸ ꓠꓬꓲꓹ ꓠꓬꓲ ꓠꓬ ꓢꓲꓽ ꓒ ꓐꓴ ꓡꓰ ꓙꓵꓽ ꓗ ꓛꓼ ꓢꓲꓼ ꓣꓱꓽ ꓔꓬ ꓟ ꓥ ꓡꓳ-ꓸ) ꓖꓳ ꓟ ꓔꓯꓸ ꓡꓳꓹ ꓠꓬꓲ ꓠꓬ ꓢꓲꓼ ꓜꓲ ꓡꓳ ꓜꓲ ꓔꓯꓸ ꓠꓯ ꓞꓲꓼ ꓣꓱꓽ_ꓟ ꓮꓽ ꓘꓶꓸ ꓟꓶ ꓫꓵ_ꓟ ꓔꓯꓸ ꓣꓳ ꓟꓳ ꓪ ꓓ ꓥꓳ=

ꓢꓲꓼꓜꓲ ꓡꓳ ꓜꓲ ꓗꓪ ꓙꓳ_ ꓟ ꓠꓯꓸꓸ ꓞꓲꓼ ꓔꓯꓸ ꓣꓱꓽ ꓢꓲꓼ ꓚꓮꓠꓚꓰꓣ  ꓐꓯ_ꓟ ꓔꓯ ꓫꓬ ꓓ ꓡꓰ ꓝꓲ_ꓟ ꓥ ꓡꓳ= ꓠꓬꓲꓼ ꓠꓬꓲ ꓣꓳ ꓐꓴ ꓗꓳ ꓡꓳ ꓗꓪ ꓣꓳꓽ ꓟꓵꓽ ꓗꓪ ꓠꓯꓸꓸꓞꓲꓼ ꓢꓲꓼꓜꓲ ꓡꓳ ꓜꓲ ꓮꓽ ꓟꓬꓸ ꓙꓳ ꓡꓳ-ꓸ ꓣꓳꓽ ꓟꓵꓽ ꓗꓪ ꓙꓳ_ꓟ ꓮꓽ ꓘꓶꓸ ꓒꓵꓽ_ꓟ ꓠꓯꓸꓹꓞꓲꓼ ꓔꓯꓸ ꓠꓱꓸ ꓐꓯꓼ ꓗꓴꓷꓼ ꓢꓴ ꓡꓰ ꓮꓽ ꓘꓶꓸ ꓠꓲꓹ_ ꓠ ꓔꓬ ꓡꓳ-ꓸ ꓖꓳ ꓡꓰ ꓥꓼ_ꓟꓲ ꓣꓳꓽ ꓠꓯꓼ ꓗꓪ ꓠꓬ ꓠꓯꓸꓹꓞꓲꓼ ꓫꓵꓽ ꓖꓳ ꓟ ꓔꓯꓸ ꓙꓵꓽ ꓙꓵꓽ ꓤ ꓟꓳ ꓔꓬꓢꓴ ꓮꓽ ꓘꓶꓸ ꓟꓽ ꓙꓳ ꓗꓷ ꓡꓰꓳ-ꓸ ꓖꓳ ꓟ ꓠꓬ ꓕꓳꓽ ꓶ ꓗꓪ ꓐꓳ ꓚꓵꓸ ꓔꓸ ꓟ ꓟꓽ ꓙꓳ-ꓸ ꓫꓸ ꓪ ꓘꓶꓽ ꓗꓪ ꓐꓰ ꓕꓲꓽ ꓤꓶꓽ ꓐꓰ ꓕꓲꓽ ꓤꓶ ꓐꓯ ꓟꓸ ꓢꓲꓼ ꓣꓱꓽ ꓔꓬ_ꓟ ꓪꓴꓸ ꓠꓬꓲ ꓟꓬꓽ ꓠꓬꓲ ꓟ ꓠꓯꓸꓹ ꓞꓲꓼ ꓠꓬ ꓚꓵꓸ ꓚꓸꓸ ꓟꓽ ꓗꓴꓸ ꓗꓷ ꓡꓰꓳ-ꓸ

ꓖꓳ ꓟ ꓪꓴꓸ ꓠꓬꓲ ꓣꓳꓽ ꓐꓴ ꓤꓶꓸꓸ ꓗꓪ ꓠꓯꓸꓸꓞꓲꓼ ꓖꓳ ꓕꓲꓽ ꓧꓳꓽ ꓔꓯꓸ ꓝꓮꓲ ꓚꓴꓸ ꓚ ꓢꓲꓼ ꓤ ꓟꓳ ꓗꓽ ꓕ ꓠꓼ_ꓟ ꓮꓽ ꓘꓶꓸ ꓣꓷꓠꓸ ꓚꓵꓹ ꓡꓳ= ꓢꓲꓼ ꓜꓲ ꓡꓳ ꓜꓲ ꓗꓪ ꓐꓰ ꓪꓼ_ꓟ ꓠꓯꓺꓞꓲꓼ ꓕꓱ ꓟ ꓠꓬ ꓟꓲ ꓠꓯ ꓘꓴꓽ ꓗꓪ ꓪꓽꓠꓬꓲ_ꓟ ꓠꓯꓺꓞꓲꓼ ꓓꓽ ꓥꓼ_ꓟ ꓪꓴꓸ ꓠꓬꓲ ꓣꓳꓽ ꓐꓴ ꓮꓽ ꓘꓶꓸ ꓤ ꓟꓳ ꓢꓲꓼ ꓟꓶ ꓫꓵꓺ ꓢꓯꓹ ꓔꓬ ꓠꓼ_ꓟ ꓙꓽ ꓖꓶꓽ ꓠ ꓗꓹ ꓡꓳ-ꓸ

ꓠꓬꓲꓸ ꓠꓬꓲ ꓟ ꓤꓶꓺꓦꓬꓼ ꓠꓬꓲ  ꓣꓳꓽ ꓚꓳꓺ ꓡꓳꓺ ꓗꓪ ꓙꓳ ꓔꓬ_ꓟ ꓢꓲꓼ ꓜꓲ ꓡꓳ ꓜꓲ ꓔꓯꓸ ꓣꓳꓽ ꓐꓴ ꓟꓽ ꓝꓰꓺ ꓐꓭ ꓠꓬ ꓫꓸ ꓖꓶ ꓟꓣꓳꓽ ꓤꓼ ꓣꓳꓽ ꓠꓱ ꓤꓶꓽ ꓦꓬꓼ ꓠꓬꓲ  ꓐꓱ ꓶꓽ ꓠꓺ ꓓꓴ ꓒꓬꓽ ꓓꓴ ꓔꓳꓼ ꓜꓳꓽ ꓡꓹ ꓠꓬ ꓠꓯꓺ ꓞꓲꓼ ꓧꓪ ꓟꓽ ꓪ ꓗꓷ ꓡꓰ ꓥꓳ-ꓸ ꓖꓳ ꓟ ꓪꓴꓸ ꓠꓬꓲꓸ ꓠꓴ ꓐꓰ ꓥꓪ ꓤꓶꓺ ꓙꓳꓼ_ꓟ ꓦꓬꓼ ꓠꓬꓲ ꓕꓯꓽ ꓙꓽ ꓖꓶꓽ ꓠꓼ ꓟ ꓣꓳꓽ ꓐꓴ ꓠꓯꓼ ꓗꓪ ꓙꓵꓽ ꓪꓽ ꓐꓰ ꓬꓰ ꓙꓵꓽ ꓙꓳꓼ_ꓟ ꓟꓬꓱꓽ ꓓꓽ ꓕꓲꓽ ꓟ ꓥ ꓡꓳ=

ꓟꓳꓸ ꓖꓶꓽ ꓔꓸ ꓟ ꓠꓯꓸꓸꓞꓲꓼ ꓚꓱꓼ ꓔꓯꓸ ꓡꓳꓸ ꓠꓬꓲ ꓠꓲꓹ ꓫꓵ_ꓠꓬ (Link) ꓘꓴꓽ ꓗꓪ ꓡꓳꓸ ꓪ ꓟꓳ ꓓꓼ ꓡꓳ=

Source: Internet