ꓟꓴꓽ ꓗꓪ꓾ ꓟꓲ ꓠꓯ ꓐꓰ ꓬꓲ ꓙꓬ ꓔꓯ ꓠꓴ ꓢꓲ ꓫꓬ ꓡꓰ ꓝꓲ-ꓸ

ꓠꓴ ꓐꓰ ꓕꓲꓽ ꓪꓼ ꓠꓱꓸ ꓐꓯꓼ ꓙꓱꓽ ꓤꓼ ꓔꓯꓸˍꓟꓲ ꓢꓯꓼ ꓟ ꓤꓶꓽ ꓫꓵ  ꓡꓰ ꓝꓲ-ꓸ

ꓠꓬꓲꓹ ꓠꓬꓲ ꓟ ꓦꓬꓼ ꓠꓬꓲ ꓠꓸꓹ ꓫꓵꓽ ꓑꓶꓸ ꓓꓴ ꓫꓸ ꓓꓴ ꓔꓳꓹ ꓜꓳꓽ ꓔꓬ ꓕꓯ ꓟꓲ-ꓠꓯ ꓡꓽ ꓞꓳ ꓐꓴ ꓠꓬ ꓠꓸꓹ ꓫꓵꓽ ꓔꓯ ꓗꓽ ꓕ ꓠꓹ ꓟ  ꓟꓶꓽ-ꓠꓷꓹ ꓕꓽ ꓓꓴ ꓔꓯꓸ ꓣꓱꓽ ꓢꓲ ꓤ ꓟꓳ ꓔꓬ ꓟ ꓤꓶ ꓦꓬꓼ ꓠꓬꓲ ꓗꓪ ꓛꓲ ꓔꓬ ꓡꓳ=

ꓖꓳ ꓟ ꓪꓴꓸ ꓠꓬꓲ ꓡꓽ ꓞꓳ ꓮꓽ ꓙꓵꓽ ꓠꓬ ꓚꓲꓸ ꓛꓬ ꓢꓯꓼ ꓟꓬ ꓐꓱ ꓶꓽ  ꓣꓱꓽ ꓔꓬˍꓟ ꓟꓶꓽ-ꓠꓷ (ꓟꓶꓽ-ꓡꓶ) ꓕ ꓓꓴ ꓔꓯ ꓣꓱꓽ ꓔꓬ ꓡꓳ-ꓸ ꓕꓲꓽ ꓠꓬꓲ ꓕꓲꓽ ꓟ꓾ ꓟꓽ ꓥ ꓠꓬ꓾ ꓕꓲꓽ ꓠꓬꓲ ꓠꓬꓲꓽ ꓢꓽ ꓟ ꓣꓱꓽ ꓔꓬˍ ꓟ ꓥ ꓡꓳ-ꓸ ꓣꓱꓽ ꓖꓴ ꓡꓰ ꓠꓬ ꓮ ꓡꓰ ꓜꓳꓽ ꓮ ꓡꓰ ꓡꓳꓸꓹ ꓗꓷ ꓔꓬ ꓡꓳ-ꓸ ꓠꓴ ꓖꓳ ꓡꓰ ꓡꓳꓸꓹ ꓗꓷ_ ꓟꓲ ꓚꓵ ꓚꓵ ꓟꓽ ꓡꓳ ꓐꓭ ꓠꓬ-ꓸ ꓡꓽ ꓞꓳ ꓐꓰꓼ ꓙꓱꓽ ꓤ ꓐꓱ ꓶꓽ ꓘꓶꓸꓹ ꓡꓶꓽ ꓓꓴ ꓕꓲꓽ ꓫꓵꓽ ꓒꓬꓱꓼ ꓡꓹꓟ ꓔꓯꓸ ꓮꓽ ꓟ ꓟꓽ ꓓꓵꓽ ꓙꓽ ꓔ-ꓸ ꓡꓽ ꓞꓳ ꓕꓲꓽ ꓣꓳ ꓕꓲꓽ ꓠꓬꓲ ꓕꓲꓽ ꓟ ꓡꓳꓸꓹ ꓗꓷ ꓠꓬ ꓟꓲ ꓠꓯ ꓕꓲꓽ ꓗꓴꓷꓼ  ꓡꓱꓼ ꓗꓪ ꓠꓬ ꓡꓳ ꓗꓷˍ ꓟ ꓮꓽ ꓟꓬꓸ ꓟꓬꓽ ꓡꓰꓳ=

ꓡꓳ ꓗꓷˍ ꓟ ꓟꓶꓽ-ꓠꓷ (ꓟꓶꓽ-ꓡꓶ) ꓕ ꓓꓴ ꓕꓱ ꓟ ꓠꓬ ꓟꓲ-ꓠꓯ ꓕꓯꓽ ꓢꓲ ꓗꓪˍ ꓟꓲ-ꓸ ꓬꓲ-ꓙꓬ ꓡꓳꓸꓸ ꓗꓪˍ ꓟꓲ ꓬꓲꓸ ꓡꓰꓽ ꓟꓽ ꓙꓳ ꓛꓱ ꓔꓬ ꓢꓲꓼ ꓙꓱꓽ-ꓤ ꓐꓰ ꓬꓵ-ꓙꓯ ꓗꓪ ꓟ ꓥꓪꓸ ꓫꓵꓽ ꓥꓪꓸ ꓙꓵꓽ ꓐꓰꓼ ꓢꓯꓹ ꓔꓬˍ ꓟ ꓮꓽ ꓙꓵꓽ ꓔꓯꓸ ꓘꓶ ꓡꓶꓽ ꓔꓬ ꓡꓳ-ꓸ

ꓠꓬꓲꓸ ꓠꓬꓲ ꓣꓳꓽ ꓓꓵꓽ ꓙꓽ ꓠꓲꓹ ꓙꓳˍꓟ ꓡꓽ ꓞꓳ ꓐꓴ ꓟꓽ ꓤ ꓟꓳ ꓐꓭ ꓠꓬ ꓛꓲ ꓡꓼˍꓟ ꓦꓬꓼ ꓠꓬꓲ ꓗꓪ ꓠꓬ ꓪ ꓜꓲꓽ ꓟꓵꓽ ꓐꓰ ꓬꓵ-ꓙꓯˍ ꓟꓲ ꓟꓽ ꓙꓵꓸꓹ ꓟꓽ ꓫꓬ ꓗꓷ ꓡꓰ ꓥꓳ-ꓸ

ꓖꓳ ꓟ ꓪꓴꓸ ꓠꓬꓲ ꓣꓳꓽ ꓐꓴ ꓮꓽ ꓙꓵꓽ ꓙꓽ ꓜꓵꓼ ꓠꓲꓹ ꓐꓰ ꓓꓵꓽ ꓙ ꓢꓲꓹ ꓣꓳꓽ ꓣꓱꓽ ꓔꓬˍꓟ ꓣꓱꓽ ꓫꓵꓽ ꓣꓱꓽ ꓟꓶꓹ ꓔꓯꓸ ꓙꓵꓸꓹꓙꓵꓸꓹ ꓟꓴ ꓟꓴ ꓙꓽ ꓖꓶꓽ ꓓꓴ ꓬꓰ ꓡꓯ= ꓕꓱ ꓟ ꓠꓬ ꓠꓴˍꓐꓰ ꓠꓴ ꓗꓳꓹ ꓡꓳ ꓗꓪ ꓟ ꓢꓯꓼ ꓫꓵꓽ ꓐꓴ ꓐꓱ ꓶꓽ  ꓥꓳ-ꓸ

ꓮꓽ ꓙꓵꓽ ꓢꓴ ꓕꓲꓽ ꓠꓲꓹ ꓕꓲꓽ ꓪꓼ ꓢꓯꓼ ꓕꓵꓼ ꓢꓲꓼ ꓣꓳꓽ ꓟꓵꓽ ꓣꓳꓽꓡꓳ ꓔꓯꓼ ꓢꓲ ꓫꓬ ꓪ ꓡꓰ ꓝꓲ ꓡꓯ=