ꓟꓵꓽ ꓘꓳꓼ ꓦꓬꓼ ꓠꓬꓲ ꓐꓰ ꓟꓲ‐ꓠꓯ ꓗꓴꓷꓼ

ꓟꓵ: ꓗꓳꓹ ꓓꓵ ꓓꓵ ꓗꓪ ꓟ ꓚꓰꓼ ꓢꓴ ꓪꓴ-ꓢ ꓔꓯ. ꓘꓴ ꓣꓴ ꓔꓬ ꓢꓴ ꓐꓰ ꓗꓴꓷꓼ ꓘꓴ: ꓗꓪ ꓔꓬ ꓢꓴ ꓮ: ꓙꓵ: ꓣꓳ ꓐꓴ ꓠꓬ꓾ ꓪꓴ- ꓢ ꓡꓰ: ꓚꓰꓼ ꓖꓶ: ꓔ. ꓟ ꓡꓯ ꓫꓴ ꓔꓯ ꓤ ꓟꓳ ꓠ ꓗ ꓡꓳ= ꓣꓳ: ꓐꓴ ꓕꓲ: ꓤꓶ: ꓐꓰ ꓕꓲ: ꓤꓶꓺ ꓐꓱ ꓶ ꓓꓵ: ꓙ ꓢꓲ ꓟꓵ: ꓗꓴꓷꓼ ꓕꓱ ꓟ ꓔꓯ. ꓡꓳ. ꓐꓲ ꓠꓹ ꓟ ꓤ ꓟꓳ ꓙ ꓖꓶ: ꓢꓲ ꓡꓯꓼ ꓙꓱ ꓠ ꓗ ꓡꓳ= ꓔꓲꓺꓒ ꓪ ꓔꓲ. ꓑꓳꓑꓰ ꓝꓣꓮꓠꓚꓲꓢ ꓡꓰ: ꓧꓳ: ꓪꓴ. ꓔꓬ ꓟ ꓐꓰ ꓕꓲ: ꓡꓱꓼ ꓢꓲ-ꓒ ꓬꓰ-ꓢꓴ ꓔꓯ. ꓘꓴ ꓣꓴ ꓔꓬˍ ꓢꓴ ꓐꓴ ꓮ: ꓙꓵ: ꓕꓲ: ꓠꓲꓹ ꓕꓲ: ꓪꓼ ꓧꓳꓹ ꓡꓯ ꓘꓳ ꓢꓲꓹ ꓗꓴꓷꓼ ꓮ: ꓟꓬ. ꓠꓬ ꓟꓵ: ꓘꓳꓼ ꓐꓰ ꓦꓬꓼ ꓠꓬꓲ ꓔꓬˍꓢ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ= ꓔꓲꓺꓒ ꓪ ꓔꓲ ꓝꓣꓮꓠꓚꓲꓢ ꓬꓰꓼ ꓠꓬꓲ. ꓖꓶ: ꓔ. ꓟ ꓖꓴ ꓡꓰ/ꓟꓶ: ꓡꓰ ꓓꓹ ꓢꓯꓼ ꓪ ꓬꓲ. ꓝꓳꓹ ꓟꓶ ꓠꓬ ꓟꓲ-ꓠꓯ ꓦꓲꓺ ꓓ: ꓕꓱ ꓟ ꓔꓯ. ꓐꓬ ꓡꓰ ꓝꓲˍ ꓟ ꓖꓴ ꓙꓴ ꓥ ꓡꓳ= ꓟꓲ-ꓠꓯ ꓗꓴꓷꓼ ꓗꓪ ꓟ ꓙꓲ-ꓢꓴ ꓢꓲ ꓤꓼ ꓐꓴ ꓠꓬ ꓡꓳꓹ ꓬꓰˍ ꓟ 2021 ꓘꓳꓼ 10 ꓦ ꓕꓯ: ꓖꓴ ꓡꓰ/ꓟꓶ: ꓡꓰ ꓓꓹ ꓟ ꓢꓯꓼ ꓪ ꓬꓲ. ꓝꓳꓼ ꓟꓶ ꓥˍ ꓟ ( ꓙꓼ ꓧꓪ: ꓞꓶ: ) ꓣꓱ:ˍ ꓟ ꓔꓯ. ꓓ: ꓔꓳ ꓚꓱꓼ ꓗꓪ ꓪ: ꓡꓯꓼ ꓘꓳ ꓢꓲ꓾ ꓟꓲ-ꓠꓯ ꓗꓴꓷꓼ ꓔꓯ. ꓚꓬꓴ ꓙ ꓔꓬˍ ꓡꓳ=