ꓟꓵꓽ ꓘꓳꓼ ꓦꓬꓼ ꓠꓬꓲ ꓬꓲꓸ ꓤꓶꓸꓸ ꓟꓽ ꓜꓳꓽ ꓡꓰ ꓐꓭ ꓠꓬꓸꓸ

ꓣꓳꓽ ꓔꓬˍ ꓟ ꓟꓲ‐ꓠꓯ ꓟꓵꓽ ꓗꓴꓷꓼ ꓕꓱ ꓟ ꓔꓯ. ꓚꓬꓴ ꓙ ꓠꓼ ꓟ ꓣꓳꓽ ꓐꓴ ꓮꓽ ꓘꓶ. ꓢꓯꓼ ꓕꓵꓼ ꓠ ꓗ ꓡꓳ꓿

ꓟꓲ-ꓠꓯ ꓕꓱꓽ ꓟ ꓗꓪ ꓙꓳˍ ꓟ ꓠꓯꓼ ꓗꓪ 70% ꓩꓴꓸ ꓠꓬ ꓬꓲ-ꓙꓬ ꓥ ꓢꓲꓼ-ꓸ ꓖꓳ ꓟ ꓗꓪ ꓐꓰ 3% ꓩꓴꓸ ꓠꓬ ꓣꓳꓽ ꓟꓲ-ꓠꓯ ꓡꓽ ꓞꓳ ꓐꓴ ꓐꓱ ꓶ ꓣꓱꓽ ꓙꓲˍ ꓟ ꓥ ꓡꓳ= 

ꓗꓳꓸ ꓡˍ ꓟ 2006 ꓘꓳꓼ ꓗꓪ ꓐꓰ ꓟꓵꓽ ꓘꓳꓼ ꓦꓬꓼ ꓠꓬꓲ ꓔꓯꓸ ꓡꓳꓸ ꓠꓬꓲ ꓕꓯꓽ ꓟꓲ-ꓠꓯ ꓟꓵꓽ ꓘꓳꓼ ꓗꓪ ꓒꓳꓼ ꓡꓶꓸ ꓓꓴ ꓮꓽ ꓟꓬꓸ ꓙꓳ ꓔꓬ ꓐꓸꓷ-ꓸ

ꓟꓽ ꓙꓲˍ ꓟ ꓟꓴꓽ ꓘꓴꓽ ꓢꓯꓼ ꓮꓽ ꓟꓬꓸ ꓫꓬꓼ ꓣꓱꓽ ꓔꓬˍ ꓟ ꓑꓷꓸ ꓓꓴ-ꓸ ꓟꓲ-ꓠꓯ ꓗꓪ ꓣꓱꓽ ꓙꓰˍ ꓟ ꓬꓲ-ꓙꓬ ꓠꓬ ꓢꓲ ꓫꓬ ꓓꓴ ꓟꓽ ꓙꓳ ꓗꓷ ꓡꓰˍ ꓡꓳ=

ꓖꓳ ꓟ ꓡꓰ ꓐꓰ ꓮꓽ ꓘꓶꓸ ꓡꓳꓸ ꓐꓲˍ ꓟ ꓟꓵꓽ ꓡꓳ ꓐꓴ ꓥꓼ ꓟꓲ ꓐꓬ ꓡꓰ ꓖꓴ ꓔꓬ ꓡꓳ=

ꓠꓬꓲꓼ ꓠꓬꓲ ꓣꓳꓽ ꓐꓴ ꓞꓽ ꓞꓽ ꓫꓬꓹ ꓔꓱꓼ  ꓓꓴ ꓟꓽ ꓙꓳ ꓐꓭ ꓠꓬ ꓟꓲ-ꓠꓯ ꓗꓴꓷꓼ ꓕꓱ ꓟ ꓠꓬ ꓐꓬ ꓡꓰ ꓓꓴ ꓗꓪ ꓛꓵ ꓬꓰˍ ꓡꓳ-ꓸ

ꓣꓳꓽ ꓚꓰꓸ ꓛꓬꓽ ꓐꓱ ꓶ ꓟ ꓬꓰ ꓟꓲ-ꓠꓯ ꓗꓴꓷꓼ ꓡꓳꓸ ꓐꓲ ꓠꓼ ꓟ ꓠꓴꓸꓸ ꓥꓪ ꓙꓽ ꓖꓶꓽ ꓢꓯꓼ ꓕꓵꓼ ꓢꓲ ꓫꓬ ꓔꓱꓹ ꓓꓴ ꓬꓰ ꓡꓯ=