ꓟꓶꓽ ꓘꓳꓼ ꓐꓰ ꓦꓬꓼ ꓠꓬꓲ ꓒꓳ ꓡꓶꓸ ꓡ_ ꓟ

ꓟꓲ ꓠꓯ ꓡ-ꓞꓳ ꓐꓰ ꓢꓯꓸ ꓔꓬ ꓟ ꓮ ꓙꓵꓽ ꓠꓬ ꓟꓶ ꓘꓳꓼ ꓒꓳꓸ ꓡꓶ ꓔ ꓟ ꓔꓯ ꓛꓳ ꓢꓲꓹ ꓟꓲ ꓬꓲ ꓡꓳꓸ ꓬꓲ ꓧꓪ ꓜꓽ ꓧꓪ ꓓꓳ ꓢꓯꓸ ꓔꓬ_ ꓟ ꓥ ꓡꓳ=

ꓖꓳ ꓡꓱ ꓥ ꓟꓲ ꓡꓳꓸꓹ ꓬꓰ_ ꓟ 20 ꓘꓳꓽ ꓗꓪ ꓐꓰ ꓠꓬꓲꓸ ꓠꓬꓲ ꓟ ꓦꓬꓼ ꓠꓬꓲ ꓗꓪ ꓠꓬ-  ꓟꓶ ꓘꓳꓼ ꓐꓰ ꓟꓲꓽ-

ꓪꓳꓼ ꓒꓳꓸ ꓡꓶꓸ ꓡ ꓪ= ꓖꓳ ꓟ ꓪꓴ ꓠꓬꓲ ꓞ ꓢꓯꓼ ꓥ_ꓟꓲ ꓟꓶꓽ ꓦ ꓥ_ꓟꓲ ꓬꓲꓸ ꓙꓵꓸ ꓟ ꓙꓳ ꓒꓳ ꓡꓶꓸ ꓡ ꓳ=

ꓠꓬꓲ ꓠꓬꓲ ꓣꓳ ꓐꓴ ꓬꓲ ꓜꓼ ꓔꓬ ꓟ-ꓸ ꓧ ꓟꓲ ꓓꓲ ꓟꓲ ꓐꓰ ꓔꓶ ꓫꓵꓽ ꓔꓶ ꓙꓵꓽ ꓮ ꓙꓵꓽ ꓠꓯꓼ ꓗꓪ ꓘꓶ ꓡꓶꓽ ꓓꓴ ꓮ ꓟꓬ ꓔꓳꓸ ꓜꓳꓽ ꓔꓬ ꓟ ꓥ ꓡꓳ= ꓟꓲ ꓠꓯ ꓡ-ꓞꓳ ꓐꓴ ꓠꓯꓸ ꓧꓯꓸ ꓡ_ ꓟ ꓪꓴꓸ ꓠꓬꓲ ꓢꓲ-ꓜꓲ ꓡꓳ-ꓜꓲ ꓥ_ꓟꓲ ꓖꓴ ꓡꓰꓳ= ꓖꓳ ꓟ ꓑꓶꓸ ꓓꓴꓹ ꓟꓶꓽ ꓘꓳꓼ ꓠꓬ ꓕꓲꓽ ꓠꓬꓲ ꓡꓰꓸ ꓕꓲ ꓠꓬꓲ  ꓐꓬ ꓡ_ ꓟ ꓥ ꓡꓳ=

ꓓꓴ ꓙ ꓠꓲꓸ ꓙꓳ_ꓟ ꓡ-ꓞꓳ ꓐꓴ ꓠꓬ ꓠꓬꓲꓸ ꓠꓬꓲ ꓗꓪ ꓐꓰ ꓚꓲꓸ ꓛꓬꓽ ꓔꓬ ꓟ ꓗꓪ ꓢꓲ-ꓜꓲ ꓡꓳ-ꓜꓲ ꓔꓶ ꓠ ꓟ ꓙꓵꓼ ꓪ ꓙꓳ ꓡꓳ= ꓠꓴ ꓢꓯꓸ ꓔꓬ ꓟ ꓤꓶ ꓗꓪ ꓠꓴ ꓟꓽꓫꓯ_ ꓑꓱ  ꓠꓬ- ꓠꓴ ꓤ ꓠꓴ ꓠꓱ ꓐꓴ ꓞꓲꓼ ꓗꓪ ꓮ ꓡꓲ ꓐꓰ ꓢꓯꓸ ꓔꓬ  ꓓꓴ ꓠꓴ ꓓꓴ ꓙ ꓔ ꓡ?

ꓢꓯꓼ ꓟꓬ ꓞꓸ ꓓꓴ ꓐꓰ ꓤꓶ ꓫꓵ ꓠꓸꓹ ꓟ ꓠꓬ ꓪꓴ-ꓢ ꓡꓰꓽ ꓚꓲꓼ ꓔ ꓟ ꓟꓲ ꓠꓯ ꓔꓯꓸ ꓤꓶ ꓫꓵ ꓟꓬ ꓫꓵ ꓠꓸ ꓟꓸꓹ ꓠꓴ ꓡꓯ ꓒꓯꓼ ꓗꓪ ꓥ ꓡꓳ=