ꓟꓶꓽ ꓘꓳꓼ ꓦꓬꓼ ꓠꓬꓲ ꓐꓰ ꓡꓽ ꓞꓳ ꓙꓵꓽ ꓚꓱꓼ

Green Party

Green Party ꓐꓯˍ ꓟ ꓠꓬ ꓢꓲꓼ ꓜꓲ ꓡꓳ ꓜꓲꓸꓸ ꓠꓲꓹ ꓛꓵꓼ ꓛꓵꓼ ꓐꓰ ꓢꓲ ꓡꓲꓹ ꓗꓼ ꓛꓲꓽ ꓚꓱꓼ ꓔꓯꓸ ꓟꓬꓽ ꓠꓬꓲ ꓢꓳꓼ ꓓꓵꓽ ꓙ ꓢꓲꓸ ꓒꓴ ꓔꓸ ꓟ ꓑ˗ꓔꓲ ꓔꓯ ꓐꓯˍꓟ ꓥ ꓡꓳ˗ꓸ ꓬꓲꓸ ꓪ ꓐꓴ ꓠꓬ ꓚꓲꓸ ꓛꓬꓽ ꓗꓴꓷꓼ ꓟꓵꓽ ꓗꓪ ꓫꓬˍꓟ ꓟꓲꓽ ꓦꓲꓸꓸ ꓢꓯꓼ ꓐꓰ ꓬꓲ˗ꓙꓬ ꓔꓯꓸ ꓘꓴ ꓣꓴ ꓟꓶꓽ ꓠꓼ ꓟ ꓐꓱ ꓶꓽ ꓢꓯꓼ ꓕꓵꓼ ꓢꓲꓸ ꓟꓶꓽ ꓘꓳꓼ ꓐꓰ ꓦꓬꓼ ꓠꓬꓲ ꓚꓱꓼ ꓗꓪ ꓔꓬˍꓢ ꓟꓶ ꓠꓼˍꓟ ꓔꓯꓸ ꓬꓲꓸ ꓚꓰ ꓛꓼ ꓢꓲ ꓗꓴꓷꓼ ꓙꓵꓽ ꓠꓼ ꓟ ꓑ˗ꓔꓲ ꓔꓯꓸ ꓐꓯ ꓠꓲꓹ ꓫꓵˍꓟ ꓥ ꓡꓳ꓿ ꓕꓱ ꓟ ꓗꓪ ꓟꓽ ꓓ ꓬꓲꓸ ꓚꓰꓸꓸ ꓛꓼ ꓔꓸ ꓟ 4 ꓫꓵꓽ ꓔꓯꓸ ꓢꓷꓸ ꓙ ꓟꓳ ꓙ ꓠꓲꓹ ꓫꓵˍ ꓡꓳ˗ꓸ
1ꓸ Environmentalism ꓐꓯˍ ꓟ ꓟꓲ˗ ꓠꓯ ꓡꓽ ꓞꓳ ꓐꓶꓸ ꓓꓴ ꓐꓬꓸꓸ ꓡꓰˍꓟ ꓣꓳꓽ ꓚꓳ ꓡꓳ ꓗꓪ ꓟ ꓢꓲꓼ ꓜꓲ ꓡꓳ ꓜꓲˍꓐꓰ ꓟꓲꓽ˗ꓦꓲ ꓬꓲ˗ꓙꓬ ꓮꓽ ꓙꓵꓽ ꓠꓬ ꓣꓱꓽ ꓟꓽ ꓙꓲ ꓠ ꓛꓲ ꓐꓬꓸꓹ ꓔꓬ ꓡꓳ˗ꓸ ꓖꓳ ꓡꓰ ꓟ ꓪꓴꓸ ꓠꓬꓲ ꓟꓲ˗ꓠꓯ ꓕꓱ ꓟ ꓠꓬ ꓞꓸꓸ ꓢꓯꓼ ꓟꓬꓽ ꓡꓰ ꓢꓲꓹ ꓫꓸ ꓢꓴ ꓟꓶꓽ ꓢꓴ ꓐꓴ ꓐꓰ ꓚꓳ ꓡꓳ ꓗꓪ ꓟ ꓢꓲꓼ ꓜꓲ ꓐꓰ ꓙꓱꓽ ꓤ ꓐꓴ ꓠꓯꓼ ꓗꓪ ꓢꓯꓼ ꓟꓬ ꓟꓶꓽ ꓡꓰ˗ ꓟ ꓚꓱꓸꓸ ꓮꓽ ꓟꓬꓸ ꓔꓳꓹ ꓜꓳꓽ ꓡ ꓔꓬ ꓟ ꓐꓶꓸ ꓓꓴ ꓕꓱ ꓟ ꓔꓯꓸ ꓝꓮꓲ ꓫꓬꓼ ꓑꓱꓸꓸ ꓠꓼ ꓟ ꓐꓱ ꓶ ꓙꓽ ꓖꓶꓽˍꓟ Environmentalism ꓑ˗ꓔꓲ ꓥ ꓡꓳ꓿

2ꓸ Peace and non-violence ꓐꓯˍ ꓟ ꓢꓲ ꓡꓲꓹ ꓟ ꓚꓱꓼ ꓔꓯꓸ ꓢꓲ ꓡꓲˍꓟ ꓡꓲꓽ ꓗꓪ ꓐꓰ ꓫꓱꓽ ꓠꓼˍꓟ ꓑ˗ꓔꓲ˗ꓸ ꓕꓱ ꓟ ꓠꓬ ꓗꓴꓷꓼ ꓚꓱꓹ ꓥ ꓕ ꓑꓳ ꓗꓪ ꓑꓳꓸꓸ ꓡꓽ ꓛꓴ ꓟꓽ ꓣꓱꓽ ꓣꓱꓽ ꓫꓸ ꓕꓱˍ ꓟ ꓗꓪ ꓐꓰ ꓗꓴꓷꓼ ꓢꓲ ꓡꓲꓹ ꓚꓱꓼ ꓔꓯꓸ ꓖꓪ ꓙꓱˍꓟ ꓑ˗ꓔꓲ ꓔꓯꓸ ꓐꓯ˗ꓟ ꓥ ꓡꓳ꓿

3ꓸSocial Justice ꓞꓳ ꓙꓳ ꓚꓱꓼ ꓥꓸꓸ ꓕ ꓑꓳ ꓗꓪ ꓪꓽ ꓡꓯꓼ ꓘꓳ ꓠꓲꓹ ꓔꓯꓸ ꓣꓱꓽ ꓟ ꓑ˗ꓔꓲ˗ꓸ ꓕꓱ: KW NY KUD; ꓘꓴꓽ ꓗꓪ ꓔꓬˍ ꓟ ꓞꓳ ꓫꓵꓽ ꓔꓯꓸ ꓒꓯꓽˍꓟ˗ꓸ ꓫꓸ ꓢꓴ ꓟꓶꓽ ꓢꓴ ꓐꓴ ꓐꓰ ꓡꓽ ꓞꓳ ꓧꓪꓽ ꓖꓳ ꓓꓱꓽ ꓔꓯꓸ ꓫꓸ ꓙꓵꓼˍꓟ ꓔꓯꓸ ꓗꓽ ꓕ ꓙꓼ ꓟ ꓟꓬꓱꓽ ꓔꓯꓸ ꓬꓰˍꓟ ꓔꓯꓸ ꓐꓯˍ ꓡꓳ꓿
4ꓸGrassroots Democracy ꓐꓯˍ ꓟ ꓠꓬ ꓗꓴꓷꓼ ꓕꓲꓽ ꓟ ꓔꓯꓸ ꓪꓴꓽ ꓟꓴ ꓡ ꓠꓼˍꓟ ꓠꓬ ꓗꓴꓷꓼ ꓘꓴꓽ ꓗꓪ ꓔꓬˍꓟ ꓞꓳ ꓫꓵꓽ ꓞꓳ ꓙꓵꓽ ꓐꓰ ꓡꓽ ꓞꓳ ꓮꓽ ꓙꓵꓽ ꓪꓽ ꓡꓯꓼ ꓘꓳ ꓕꓯꓽ ꓢꓲ ꓪꓴꓽ ꓟꓴ ꓡ ꓥꓳ ꓐꓰ ꓘꓴ ꓣ

Add new comment

5 + 2 =