ꓟꓶꓽ ꓘꓳꓼ ꓦꓬꓼ ꓠꓬꓲ ꓐꓰ ꓣꓳꓽ ꓜꓽ ꓫꓵꓽ

ꓣꓳꓽ ꓐꓱ ꓶꓽ ꓜꓽ ꓫꓵꓽ ꓠꓬ ꓣꓳꓽ ꓔꓬ ꓟꓵꓽ ꓗꓪ ꓙꓳˍꓡꓳ˗ꓸ

ꓣꓦꓮ ꓡꓲ˗ꓢꓴ ꓓꓳꓽ ꓠꓸꓸ ꓠꓼ ꓔꓬ ꓢꓴ ꓮꓽ ꓙꓲꓽ ꓢꓴ ꓧꓪꓸ ꓧꓪꓹ ꓔꓬ ꓡꓽ? ꓠꓬꓲꓹ ꓠꓬꓲ ꓥꓪ ꓢꓷꓸ ꓙ ꓟꓳ ꓙ ꓠꓲꓸ ꓫꓵˍ ꓟ ꓠꓬ (Food print)ꓐꓯˍꓟ ꓕꓲꓽ ꓠꓬꓲ ꓡꓲꓸ ꓕꓲꓽ ꓠꓬꓲ ꓣꓳꓽ ꓐꓴ ꓜꓽ ꓔꓬ ꓟ ꓓꓳꓸꓸ ꓔꓬ ꓟ ꓜꓽ ꓫꓵꓽ ꓥ ꓕꓽ ꓑꓳ ꓚꓱꓹ ꓥ ꓡꓳ꓿
Food print ꓐꓯˍꓟ ꓠꓬ ꓣꓳꓽ ꓐꓴ ꓜꓽ ꓔꓬ ꓟ ꓓꓳꓸꓸ ꓔꓬ ꓟ ꓜꓽ ꓫꓵꓽ ꓥ ꓕꓽ ꓑꓳ ꓠꓬ ꓮ ꓡꓰ ꓕꓲꓽ ꓒꓳꓹ ꓗꓪ ꓐꓰ ꓣꓳꓽ ꓠꓯꓼˍ ꓗꓪ ꓛꓲ ꓡꓼ ꓟ ꓔꓯꓸ ꓡꓳꓹ ꓠꓬꓲˍ ꓟ ꓚꓱꓹ ꓥ ꓡꓳ꓿
ꓠꓬꓲꓹ ꓠꓬꓲ ꓣꓳꓽ ꓤꓶ ꓦꓬꓼ ꓠꓬꓲ ꓗꓪ ꓠꓬ ꓕꓲꓽ ꓠꓬꓲ ꓡꓰꓸ ꓕꓲꓽ ꓠꓬꓲ ꓣꓳꓽ ꓐꓴ ꓜꓽ ꓔꓬˍꓟ ꓜꓽ ꓫꓵꓽ ꓐꓶꓸ ꓓꓴ ꓣꓳꓽ ꓧꓪꓽ ꓖꓳ ꓓꓱ ꓐꓱ ꓶ ꓐꓰ ꓟꓶꓽ ꓘꓳꓼ ꓦꓬꓼ ꓠꓬꓲ ꓔꓯꓸ ꓙꓵ ꓖꓴ ꓙꓳˍ ꓟ ꓜꓽ ꓫꓵꓽ ꓓꓳ ꓫꓵꓽ ꓥꓼ ꓟ ꓔꓯꓸ ꓡꓳꓸ ꓠꓬꓲ ꓢꓲ ꓣꓱꓽ ꓜꓽ ꓠ ꓗ ꓡꓳ˗ꓸ
ꓣꓳꓽ ꓐꓴ ꓜꓽ ꓔꓬˍꓟ ꓜꓽ ꓫꓵꓽ ꓠꓬ ꓮ ꓡꓲ ꓗꓪ ꓐꓰ ꓡꓼ ꓡꓽ? ꓮ ꓡꓲ ꓫꓯꓼ ꓔꓱꓼ ꓢꓲ˗ꓸ ꓮ ꓡꓲ ꓐꓰ ꓣꓳꓽ ꓒ ꓕꓲꓼ ꓗꓪ ꓛꓲ ꓡꓹ ꓡꓽ? ꓣꓳꓽ ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲ ꓖꓴ ꓙꓳˍꓟ ꓜꓽ ꓫꓵꓽ ꓥꓼ ꓡꓽ? ꓝꓮꓲ ꓜꓽ ꓓꓳ ꓗꓸ ꓠꓯꓸ ꓬꓲꓸ ꓐꓶꓸ ꓓꓴ ꓓꓳ ꓡꓼ ꓟ ꓑꓶꓸ ꓛꓲꓽ ꓠꓬ ꓟꓶꓽ ꓘꓳꓼ ꓦꓬꓼ ꓠꓬꓲ ꓐꓰ ꓣꓳꓽ ꓔꓬˍꓟ ꓟꓵꓽ ꓘꓴꓽ ꓗꓪ ꓘꓶꓸꓸ ꓡꓶꓽ ꓓꓴ ꓮꓸ ꓫꓵꓽ ꓔꓳꓼ ꓜꓳ ꓡꓼ ꓡꓽ? ꓐꓰ ꓕꓲꓽ ꓟꓬ ꓚꓱꓼ ꓔꓯꓸ ꓡꓳꓸ ꓠꓬꓲ ꓢꓲ ꓣꓱꓽ ꓜꓽ ꓐꓭ ꓠꓬ ꓣꓳꓽ ꓧꓪꓽ ꓖꓳ ꓓꓱꓽ ꓐꓱ ꓶꓽ ꓥꓼˍꓟꓲ ꓟꓶꓽ ꓘꓳꓼ ꓐꓰ ꓦꓬꓼ ꓠꓬꓲ ꓚꓱꓸꓹ ꓗꓪ ꓥˍ ꓟꓲ ꓙꓲ ꓖꓴ ꓙꓳˍ ꓟ ꓒꓬꓱꓼ ꓡ ꓥꓳ˗ꓸ
ꓜꓽ ꓫꓵꓽ ꓕꓱ ꓟ ꓔꓯꓸ ꓮꓽ ꓘꓶꓸ ꓥꓳ ꓡꓳꓹ ꓢꓲ ꓣꓱˍꓟ ꓔꓯꓸ ꓟꓲ ꓓꓵꓽ ꓙ ꓠꓬꓲ ꓠ ꓗꓹ ꓡꓳ˗ꓸ ꓮꓸ ꓫꓵꓽ ꓪꓴꓸ ꓠꓬꓲ ꓐꓯˍ ꓠꓬ ꓶꓽ ꓤꓸꓸ ꓗꓪ ꓟ ꓜꓽ ꓫꓵꓽ ꓔꓯꓸ ꓥꓳ ꓡꓳꓸ ꓢꓲ ꓔꓬ ꓐꓭ ꓠꓬ˗ꓸ ꓟꓶꓽ ꓘꓳꓼ ꓦꓬꓼ ꓠꓬꓲ ꓑꓷ ꓓꓴ ꓣꓳꓽ ꓠꓯꓼ ꓗꓪ ꓟꓽ ꓛꓲ ꓡ ꓕꓯꓽ ꓜꓽ ꓓꓴ ꓫꓹ ꓔꓸ ꓟ ꓔꓯꓸ ꓣꓳꓽ ꓔꓳꓼ ꓜꓳꓽ ꓡ ꓥꓳ˗ꓸ ꓖꓳ ꓕꓯꓽ ꓣꓳꓽ ꓠꓲꓹ ꓟ ꓫꓸ ꓓꓴ ꓒꓬꓱꓼ ꓡ ꓥꓳ꓿
ꓣꓳꓽ ꓠꓯꓼ ꓗꓪ ꓣꓳꓽ ꓟꓵꓽ ꓗꓪ ꓔꓶꓸꓸ ꓐ ꓡꓼ ꓟ ꓐꓰ ꓣꓳꓽ ꓠꓯꓼ ꓗꓪ ꓬꓰ ꓐ ꓡꓼ ꓟ ꓜꓽ ꓫꓵꓽ ꓥ ꓕ ꓑꓳꓸ ꓔꓯ ꓣꓳꓽ ꓬꓰ ꓢꓲꓼ ꓜꓽ ꓪ ꓠꓼˍꓟ ꓥꓼ ꓟꓲ ꓢꓯꓼ ꓕꓵꓼ ꓠ ꓗ ꓡꓳ˗ꓸ

Add new comment

4 + 8 =