ꓢꓲꓼ ꓜꓲ ꓡꓳ ꓜꓲ ꓐꓰ ꓟꓲ-ꓠꓯ ꓡꓽꓞꓳ

ꓗꓹ ꓛꓲ_ꓟ ꓢꓲꓼ ꓜꓲ ꓛꓲꓸꓸ ꓔꓲ ꓗꓪ

Thursday, September 24, 2020

ꓢꓲꓼ ꓜꓲ ꓡꓳ ꓜꓲ ꓠꓬ ꓡꓽ ꓞꓳ ꓐꓱ ꓶꓽ ꓜꓸꓸ ꓫꓵ ꓥ ꓡꓳ=

ꓢꓲꓼ ꓜꓲ ꓡꓳ ꓜꓲ ꓮꓽ ꓙꓵꓽ ꓠꓬ ꓟꓶꓽ- ꓝ-ꓸ ꓬꓲ-ꓙꓬ-ꓸ ꓐꓰ ꓚꓳ ꓡꓳ ꓗꓪ ꓟ ꓟꓲꓽ ꓦꓲ ꓢꓯꓼ ꓔꓯꓸ ꓣꓱꓽ ꓢꓲꓼ ꓤꓽ ꓓꓴ ꓙꓽ ꓖꓶꓽ ꓤꓸꓸ ꓔꓬ ꓡꓳ=

ꓢꓲꓼ ꓜꓲ ꓐꓴ ꓠꓬ ꓟꓶꓽ ꓝ ꓢꓯꓼ ꓐꓰ ꓟꓽ ꓙꓵ_ꓟ ꓟꓲꓽꓦꓲ ꓢꓯꓼ ꓔꓯꓸ ꓣꓱꓽ ꓢꓲ ꓬꓲꓸ ꓚꓲꓸ ꓛꓬꓽ ꓐꓱ ꓶꓽ ꓜꓸꓸ ꓓꓴ ꓙꓽ ꓖꓶꓽ ꓢꓲꓹ ꓠꓬꓲ ꓙꓵ_ꓟ ꓟꓲꓽ ꓦꓲ ꓢꓯꓼ ꓒꓳꓼ ꓖꓶ_ꓡꓳ-ꓸ ꓖꓳ ꓟ ꓡꓰꓽ ꓐꓰ ꓕꓲꓽ ꓛꓳꓼ ꓟꓲ ꓠꓯ ꓧꓪꓽ ꓐꓱ ꓶꓽ ꓟꓵꓽ ꓛꓵꓽ ꓔꓯꓹ_ ꓟꓲ ꓡꓵꓽ ꓧꓳꓸ ꓖꓶ_ ꓡꓳ-ꓸ

ꓢꓲꓼ ꓜꓲ ꓐꓴ ꓠꓬ ꓡꓽ ꓞꓳ ꓐꓰ ꓢꓯꓸ ꓔꓬ_ꓟ ꓮꓽ ꓙꓵꓽ ꓢꓴ ꓐꓱ ꓶ ꓜꓸꓸ ꓓꓴ ꓔꓯꓸ ꓖꓶꓽ ꓢꓲꓼ ꓢꓯꓼ ꓟꓬ ꓝꓸ ꓖꓶꓽ ꓔꓬ_ꓟ ꓥ ꓡꓳ-ꓢꓲꓼ ꓜꓲ ꓡꓳꓸꓹ ꓜꓲ ꓡꓰꓽ ꓜꓸꓸ ꓫꓵꓽ ꓟꓽ ꓖꓶꓽ ꓡ_ꓠꓬ ꓟꓲ-ꓠꓯ ꓕꓱꓽ ꓟ ꓗꓪ ꓢꓯꓸ ꓔꓬ ꓟ ꓡꓽ ꓞꓳ ꓐꓰ ꓙꓱꓽ ꓤ ꓐꓴ ꓠꓬ ꓬꓲꓸ ꓚꓲꓸ ꓛꓬꓽ ꓢꓯꓼ ꓟꓬ ꓝꓸ ꓟꓽ ꓐ ꓡ?

ꓖꓳ ꓟ ꓡꓰꓽ ꓟꓽ ꓞꓲ ꓢꓲꓼ ꓜꓲ ꓡꓳꓸꓹ ꓜꓲ ꓠꓬ ꓟꓲ-ꓠꓯ ꓗꓴꓓꓼ ꓔꓯꓸ ꓗꓪꓽ ꓫꓵꓽ ꓢꓴ ꓥ ꓡꓳ= ꓮꓸ ꓫꓵꓽ ꓪꓴꓸ ꓠꓬꓲ ꓥꓼ ꓡꓽ? ꓟꓲ-ꓠꓯ ꓕꓱꓽ ꓟ ꓗꓪ ꓙꓳ_ꓟ ꓟꓲꓽ ꓦꓲ (Oxygen) 70% ꓠꓬ ꓬꓲ-ꓡꓳꓽ ꓐꓱ ꓓꓽ ꓗꓪ ꓟ ꓢꓲꓼ ꓜꓲ ꓤꓼ ꓗꓪ ꓐꓰ ꓡꓼ_ꓟ ꓪꓴꓸ ꓠꓬꓲ ꓟꓲ-ꓠꓯ ꓡꓽ ꓞꓳ ꓮꓽ ꓙꓵꓽ ꓢꓯꓹ ꓔꓬ ꓟ ꓥ ꓡꓳ= ꓚꓰꓼ ꓔꓸ ꓟ ꓮꓽ ꓙꓵꓽ ꓠꓬ ꓕꓲꓽ ꓟ ꓐꓰ ꓕꓲꓽ ꓟ ꓙꓸꓹ ꓡꓯꓼ ꓘꓳ ꓝꓸ ꓡꓯꓼ ꓘꓳ_ꓟ ꓥꓼ ꓠꓬꓲ ꓣꓳꓽ ꓚꓳ ꓡꓳ ꓗꓪ ꓔꓬ ꓟ ꓢꓲꓼ ꓜꓲ ꓡꓳꓸꓹ ꓜꓲ ꓮꓽ ꓙꓵꓽ ꓔꓯꓸ ꓣ ꓟꓳ ꓢꓲꓼ ꓣꓱꓽ ꓓꓴ ꓬꓰ ꓡꓯ-ꓸ ꓝꓸ ꓢꓲꓼ ꓔꓷ ꓓꓴ ꓬꓰ ꓡꓯ=