ꓦꓬꓼ ꓠꓬꓲ ꓐꓰ ꓟꓶꓽ ꓘꓳꓼ ꓒꓳ ꓡꓶ ꓔꓸ ꓟ ꓔꓯ ꓔꓲ-ꓒ ꓪꓸ ꓔꓲ ꓙꓳꓧꓠ ꓑꓮꓴꓡ ꓡꓰ ꓐꓯ ꓖꓶꓽ ꓔ ꓟ-ꓸ

ꓦꓬꓼ ꓠꓬꓲ ꓐꓰ ꓟꓶꓽ ꓘꓳꓼ ꓒꓳ ꓡꓶ ꓔꓸ ꓟ ꓔꓯ ꓔꓲ-ꓒ ꓪꓸ ꓔꓲ ꓙꓳꓧꓠ ꓑꓮꓴꓡ ꓡꓰ ꓐꓯ ꓖꓶꓽ ꓔ ꓟ-ꓸ

ꓟꓲ-ꓠꓯ ꓕꓱ  ꓟ  ꓞ ꓢꓯꓼ  ꓟꓬꓽ ꓡꓹ ꓟ  ꓔꓯ  ꓡꓳꓸ ꓠꓬꓲ ꓔꓯꓽ  ꓟꓲ ꓠꓯ  ꓡꓽ ꓞꓳ ꓐꓴ ꓠꓬ ꓖꓳ ꓟ ꓔꓯꓼ ꓡꓳꓸ ꓠꓬꓲ ꓢꓴ  ꓮꓽ ꓟ ꓟꓽ ꓙꓳ ꓐꓭ-ꓸ ꓞ ꓢꓯꓼ ꓟꓬꓽ ꓡꓸ ꓠꓬ ꓞ ꓡꓮꓳ ꓐꓯ ꓢꓲꓼ ꓗꓸ ꓧꓪ-ꓸ ꓟꓶꓽ ꓦ ꓦ ꓢꓲꓼ ꓬꓲ-ꓙꓬ ꓙꓵꓽ ꓟꓶꓸ ꓡ ꓠꓬ ꓟꓶꓽ ꓦ ꓦ ꓡꓳ ꓐꓯ ꓢꓲꓼ ꓗꓸ ꓧꓪ ꓔꓬ ꓥꓳ=

ꓠꓬꓲꓸ ꓠꓬꓲ  ꓟ ꓘꓴ ꓜꓲꓼ ꓞꓳ ꓐꓴ ꓠꓬ  ꓟꓲ ꓠꓯ ꓗꓪ ꓔꓬ ꓟ ꓫꓸ ꓢꓴ ꓡ ꓞꓳ ꓮ ꓙꓵꓽ ꓐꓴ ꓔꓯꓹ ꓪ ꓜꓲ ꓫꓹ ꓝꓲ_ꓟ ꓟꓼ ꓦꓬꓼ ꓠꓬꓲ ꓟꓶꓽ ꓘꓳꓼ ꓒꓳꓸ ꓡꓶ ꓡꓹ ꓟ ꓔꓯ ꓮ ꓘꓶꓸ ꓬꓲ ꓙ ꓔꓳꓸ ꓙ ꓠ ꓗ ꓡꓳ= ꓖꓳ ꓡꓲ ꓬꓲ ꓐꓽ ꓡ ꓠꓸꓹ ꓟ ꓘꓴ ꓜꓲꓼ ꓞꓳ ꓘꓴ ꓠꓯ_ꓗꓪ ꓟ ꓧꓳꓽ ꓢꓴ ꓐꓴ ꓡꓰ  ꓠꓱꓸ ꓐꓯꓼ ꓶ ꓡꓯꓼ ꓬꓰ ꓢꓴ ꓔꓯꓼ ꓢꓷꓸ ꓙ ꓟꓳ ꓙ ꓧꓳꓽ ꓪꓴꓸ ꓠ ꓗ ꓡꓳ=

ꓟꓶꓽ ꓘꓳꓼ ꓒꓳ ꓡꓶꓹ ꓡꓸꓹ ꓟ ꓠꓬ ꓟꓲ ꓠꓯ ꓡꓽ ꓞꓳ ꓔꓯꓼ “ꓬꓲꓸ ꓙꓵꓼ ꓡꓰ ꓢꓷꓸ ꓡꓰ ꓓꓴ”  ꓟꓳꓸ ꓖꓶ  ꓡ ꓔꓬ ꓟ ꓥ ꓡꓳ= ꓖꓳ ꓟ ꓪꓴꓸ ꓠꓬꓲ ꓘꓴ ꓜꓲꓼ ꓞꓳ ꓠꓬ ꓪꓴ-ꓢ ꓡꓰ ꓚꓰꓼ ꓔ ꓟ ꓔꓯ ꓢꓷꓸ ꓠꓲꓸ ꓙꓳ ꓙꓳꓸꓹ ꓐꓰ ꓢꓯꓼ ꓕꓵꓼ ꓗꓽ ꓕ ꓢꓲꓼ ꓬꓰ ꓙ ꓔꓳꓸ ꓙ ꓠ ꓗ ꓡꓳ=

ꓖꓳ ꓡꓰ ꓬꓰ ꓠꓸꓹ ꓟ ꓬꓲꓸ ꓚꓱ (2) ꓫꓵꓽ ꓙꓳꓸꓹ ꓡꓳ=

1. ꓠꓬ ꓟꓲ ꓠꓯ ꓗꓴꓷꓼ ꓞ ꓢꓯꓼ ꓟꓬꓽ ꓡ ꓟ ꓪꓴꓸ ꓠꓬꓲ ꓔꓳꓸ ꓜꓳꓽ ꓔꓬ ꓟ ꓫꓸ ꓙꓵ ꓓꓴ ꓬꓲꓸ ꓜꓳꓸ ꓟꓶ ꓔꓯꓼ ꓧꓪ ꓔꓸ ꓢꓲꓼ ꓟꓲ ꓠꓯ ꓗꓴꓷꓼ ꓕꓱ ꓟ ꓗꓪ ꓫꓸ ꓙꓵ_ꓟ ꓔꓳꓸ ꓜꓳꓽ ꓡ ꓪ ꓐꓰꓼ ꓢꓷꓸ ꓙ ꓟꓳ ꓙꓓꓴ=
2. ꓬꓲꓸ ꓡꓲꓽ ꓟꓽ ꓙꓳ_ꓟ ꓞꓳ ꓙꓳ ꓚꓱꓼ ꓶ ꓡꓯꓼ ꓚꓱꓼ ꓗꓴꓷꓼ ꓙꓵꓽ ꓪꓽ ꓚꓱꓼ ꓥ ꓕ ꓑꓳꓸ ꓔꓯꓼ ꓗꓽ ꓕ ꓗꓶ ꓪ ꓡꓰ ꓓꓴ= ꓕꓲ ꓟ ꓗꓪ ꓠꓬ ꓚꓲꓸ ꓛꓬ ꓣꓱ ꓔꓬ ꓟꓣꓱ ꓫꓵꓽ ꓔꓯ ꓤ ꓟꓳ ꓢꓲ ꓣꓱꓽ ꓠ ꓗ ꓡꓳ= (ꓔꓯ ꓥꓳꓽ) ꓑꓡꓮꓢꓔꓲꓚꓐꓰꓼ ꓠꓱꓸ ꓐꓯꓼ ꓢꓲꓸ ꓜꓲ ꓡꓳ ꓜꓲ ꓔꓯꓼ ꓚꓲꓸ ꓛꓬ ꓶ ꓡꓯꓼ ꓐꓶꓸ ꓓꓴ ꓘꓶ ꓗꓷ ꓟꓹ

ꓚꓵꓽ ꓚꓵꓼ ꓪꓴ-ꓢ ꓔꓯꓼ ꓦ ꓡꓱ ꓔꓬ ꓢꓴ ꓐꓴ ꓡꓰ  ꓕꓱ ꓟꓬ ꓫꓵꓽ ꓔꓯ ꓤ ꓟꓳ ꓢꓲꓼ ꓛꓳ ꓔꓬ ꓐꓭ ꓠꓬ ꓟꓲ-ꓘꓷ ꓕꓳ ꓶ ꓗꓪ ꓪꓴ-ꓢ ꓡꓰ ꓐꓯ ꓔꓸ ꓟ ꓡꓰ ꓐꓰ  

ꓙꓵꓽ ꓗ ꓕꓲꓽ ꓡꓲꓸꓹ ꓔꓬ ꓢꓲꓼ ꓬꓲ ꓡꓰꓽ ꓚꓲꓼ ꓔꓸ  ꓟ ꓐꓰ  ꓕꓲꓽ ꓪꓽ ꓙ ꓫꓱꓸ ꓐ ꓡ ꓓꓴ ꓐꓯ_ꓟ ꓐꓯ ꓘꓶ ꓐꓰ ꓞꓳ ꓙꓳ ꓐ ꓡ ꓥꓳ=