Environment

ꓑꓡꓮꓢꓔꓲꓚ ꓐꓰ ꓑꓶꓸ ꓛꓵꓽ ꓔꓯꓸ ꓮꓸ ꓔꓳꓸ ꓛꓴ ꓗꓷˍꓟ ꓪꓴꓸ ꓠꓬꓲ ꓡꓽ ꓞꓳ ꓠꓯꓼ ꓗꓪ ꓘꓶ ꓡꓶꓽ ꓓꓴ ꓔꓳꓹ ꓜꓳꓽ ꓔꓬ ꓡꓳ꓿

ꓑꓡꓮꓢꓔꓲꓚ ꓐꓰ ꓑꓶꓸ ꓛꓵꓽ ꓔꓯꓸ ꓮꓸ ꓔꓳꓸ ꓛꓴ ꓗꓷˍꓟ ꓪꓴꓸ ꓠꓬꓲ ꓡꓽ ꓞꓳ ꓠꓯꓼ ꓗꓪ ꓘꓶ ꓡꓶꓽ ꓓꓴ ꓔꓳꓹ ꓜꓳꓽ ꓡꓹ ꓟ˗ꓸ
ꓣꓱ: ꓟ: ꓬꓯꓼˍꓟ ꓑꓡꓮꓢꓔꓲꓚ ꓐꓰ ꓑꓶ. ꓛꓵ: ꓔꓯ. ꓕꓲ: ꓠꓬꓲ ꓡꓰꓹ ꓡꓰ ꓕꓲ: ꓠꓬꓲ ꓡꓳ ꓗꓷ ꓟ ꓚꓱꓹ ꓗꓪ ꓡ: ꓞꓳ ꓕꓲ: ꓣꓳ ꓐꓰ ꓕꓲ: ꓣꓳ ꓟ: ꓪ: ꓔꓬ ꓡꓳ꓾
ꓕꓲ: ꓐꓱ ꓠꓬ ꓟꓲ-ꓠꓯ ꓘꓴ: ꓗꓪ ꓔꓵ. ꓗꓷ ꓢꓲ꓾ ꓕꓲ: ꓐꓱ ꓠꓬ ꓮ. ꓔꓳ. ꓡꓰ ꓛꓴ ꓔꓬ ꓡꓳ=
ꓖꓳ ꓡꓰ ꓬꓲˍꓟ ꓚꓱꓹ ꓗꓪ ꓮ. ꓔꓳ. ꓡꓰ: ꓛꓴˍꓟ ꓠꓬ ꓬꓰ ꓥꓳ: ꓡꓰˍꓟ꓾ꓬꓰ ꓙꓵ: ꓟ: ꓜꓳ: ꓡꓰˍꓟ ꓚꓱꓹ ꓥ ꓡꓳ=
ꓮ. ꓫꓵ: ꓪꓴ. ꓥ ꓡ:? ꓠꓬꓲ. ꓠꓬꓲ ꓟꓦꓬꓼ ꓠꓬꓲ ꓡ: ꓞꓳ ꓐꓴ ꓣꓱ: ꓔꓬˍꓟ ꓠꓯꓼ ꓗꓪ ꓟꓬ: ꓠꓬꓲ ꓠꓬ ꓑꓡꓮꓔꓲꓚ ꓐꓯꓹ ꓟ ꓔꓯ. ꓟꓬ: ꓠꓬꓲ ꓣꓱ: ꓔꓬˍꓟ ꓪꓴ. ꓠꓬꓲ ꓮ. ꓔꓳ. ꓡꓰ: ꓛꓴ ꓗꓷꓼ ꓠꓬ ꓟꓴ: ꓘꓴ: ꓢꓯꓼ ꓗꓪ ꓐꓼˍꓟ ꓟ: ꓙꓲˍ ꓟ ꓢꓯꓼ ꓠꓬ ꓡ: ꓞꓳ ꓔꓯ. ꓘꓶꓺ ꓡꓶ: ꓓꓴ ꓮ: ꓘꓶ. ꓔꓳꓹ ꓜꓳ ꓝꓲˍꓡꓳ=
ꓮ. ꓔꓳ ꓛꓴꓺ ꓗꓷˍꓟ ꓪꓴ. ꓠꓬꓲ ꓟ: ꓙꓲˍꓟ ꓟꓴ:-ꓘꓴ ꓢꓯꓼ ꓠꓬ ꓣꓳ: ꓡ: ꓞꓳ ꓢꓯꓼ ꓦꓺꓚꓱꓹ ꓗꓪ ꓐꓰ ꓐꓵꓼ-ꓟꓵ ꓗꓪ ꓓꓵ:ꓡꓰ ꓢꓲ꓾ ꓧꓪ: ꓖꓳ ꓓꓱ: ꓘꓴ: ꓗꓪ ꓘꓶ ꓡꓶ: ꓓꓴ ꓔꓳꓹ ꓜꓳ: ꓝꓲˍ ꓡꓳ=
ꓖꓳ ꓡꓰ ꓟ: ꓙꓲˍꓟ ꓟꓲ-ꓦꓲ ꓢꓯꓼ ꓔꓯ ꓕꓲ: ꓠꓬꓲ ꓡꓰ. ꓕꓲ: ꓠꓬꓲ ꓢꓯꓼ ꓦ ꓔꓬˍꓟ ꓐꓶ. ꓓꓴ ꓣꓳ: ꓗꓳ ꓡꓳ ꓗꓪ ꓠꓺꓫꓵ: ꓮ ꓟꓬ. ꓔꓳ. ꓜꓳ ꓡ ꓡꓳ=
ꓠꓬꓲ. ꓠꓬꓲ ꓟ ꓦꓬꓼ ꓠꓬꓲ ꓠꓺꓫꓵ: ꓥꓼ ꓟ
ꓠꓲꓹ ꓟ ꓔꓶˍ ꓔ ꓟ꓾ ꓛꓲ-ꓙꓴ ꓡꓯ: ꓙꓴ ꓡꓵ ꓟꓼ ꓠ. ꓟ꓾ ꓐꓰ ꓠꓱ. ꓐꓯꓼ ꓠꓺ ꓫꓵ ꓮ ꓟꓬ. ꓔꓯ. ꓝ. ꓢꓲ ꓒꓬꓱꓼ ꓝꓲ ꓔꓬ ꓡꓳ=

ꓖꓳ ꓟ ꓡꓰ ꓐꓰ ꓤꓼ ꓠꓱ ꓐꓴ ꓐꓰ ꓝꓲꓼ ꓪꓴ: ꓢꓴ ꓠꓯꓼˍ ꓗꓪ ꓢꓯꓼ ꓐ:ˍꓟ ꓚꓱꓹ ꓥꓼˍꓟꓲ ꓒꓬꓱꓼ ꓡ. ꓟ ꓪꓴ. ꓠꓬꓲ ꓑꓶ. ꓛꓵ: (ꓑꓡꓮꓢꓔꓲꓚ)ꓮ-ꓔꓳ ꓛꓴˍꓟ ꓔꓯ. ꓮ ꓘꓶ. ꓤ ꓟꓴ ꓠ ꓗ ꓡꓳ=
ꓝꓮꓲ. ꓟꓲ-ꓠꓯ ꓡ: ꓞꓳ ꓕꓲ: ꓤꓶ ꓐꓰ ꓕꓲ: ꓤꓶ ꓠꓯꓼˍ ꓗꓪ ꓐꓰ ꓦꓬꓼ ꓠꓬꓲ ꓟꓶ: ꓘꓳꓼ ꓔꓬ ꓢ ꓡ ꓠꓼ ꓟ ꓐꓱ ꓶ ꓑꓶ. ꓛꓵ: ꓮ-ꓔꓳ ꓛꓴˍꓟ ꓔꓯ. ꓤ ꓟꓴ ꓢꓲ. ꓬꓲ. ꓜꓶ ꓙꓳ ꓙꓳꓼ ꓡꓳ ꓗꓷ ꓠꓼ ꓟ ꓢꓯꓼ ꓕꓵꓼ ꓠ ꓗ ꓡꓳ=

-------------------

Sources: Dangers and bad effects of burning plastics and rubber on humans & global warming | Science online (online-sciences.com)

Add new comment

10 + 4 =