ꓒꓲ-ꓕꓱ_ ꓐꓰ ꓬꓳ-ꓦ ꓬꓰ-ꓢꓴ ꓔꓯ ꓛꓳ ꓙꓰ_ ꓟ

ꓬꓳ-ꓦ ꓕꓳꓽ ꓶ 1: 45-51

ꓒꓲ-ꓡꓲ ꓠꓬ ꓠ-ꓕ-ꓠꓰ ꓔꓯ ꓧꓪ ꓟꓶ ꓢꓲ꓾ ꓬꓲ ꓔꓯ꓾ ꓟꓳ-ꓫꓲ ꓙꓵꓽ ꓗ ꓕꓳ ꓶ_ ꓐꓰ ꓟꓷ ꓠꓷꓹ ꓝ ꓢꓴ ꓕꓳ ꓶ ꓗꓪ ꓐꓳ ꓔ_ ꓟ꓾ ꓬꓳ-ꓢꓷ ꓬꓲ ꓮ ꓐꓲ꓾ ꓠ-ꓢ-ꓡꓱ ꓢꓴ ꓬꓰ-ꓢꓴ ꓔꓯ ꓥꓪ ꓠꓴꓽ ꓧꓪ ꓟꓶ ꓡꓰꓳ꓾ ꓐꓯ_ ꓡꓳ꓿ ꓠ-ꓕ-ꓠꓰ ꓡꓰ ꓬꓲ ꓔꓯ꓾ ꓠ-ꓢ-ꓡꓱ ꓗꓪ ꓐꓰ ꓙꓲ_ ꓟ ꓮ ꓫꓵꓽ ꓕꓲ ꓫꓵꓽ ꓓꓳ ꓡ ꓐ ꓡ_ ꓡꓺꓽ꓾ ꓐꓯ_ ꓡꓳ꓿ ꓒꓲ-ꓡꓲ ꓠꓬ ꓬꓲ ꓔꓯ꓾ ꓡꓳꓸ ꓠꓬꓲ ꓡꓯ ꓟꓴ꓾ ꓐꓯ_ ꓡꓳ꓿  ꓠ-ꓕ-ꓠꓰ ꓬꓲ ꓔꓯ ꓡ_ ꓟ ꓔꓯ ꓬꓰ-ꓢꓴ ꓟꓳꓻ ꓗꓷ ꓠꓬ꓾ ꓬꓲ ꓔꓯ ꓖꓴ ꓢꓲ꓾ ꓠꓬꓲ ꓠꓹ꓾ ꓖꓳꓼ ꓠꓲꓹ ꓟꓽ ꓙꓳ ꓟ ꓬꓲ-ꓢꓷ-ꓡꓰ ꓡ ꓞꓳ ꓚꓵꓺ ꓕꓲ ꓣꓳ ꓥ ꓡꓳ꓾ ꓐꓯ_ ꓡꓳ꓿ ꓠ-ꓕ-ꓠꓰ ꓡꓰ ꓬꓲ ꓔꓯ꓾ ꓠꓴ ꓮ ꓡꓲ ꓗꓪ ꓐꓰ ꓥꓪ ꓔꓯ ꓢꓷ_ ꓡꓳꓺꓽ꓾ ꓐꓯ_ ꓡꓳ꓿ ꓬꓰ-ꓢꓴ ꓬꓲ ꓔꓯ ꓒꓳꓹ ꓖꓶ ꓢꓲ꓾ ꓒꓲ-ꓡꓲ ꓠꓴ ꓔꓯ ꓟꓽ ꓘꓴ ꓕꓯ ꓡꓰ꓾ ꓠꓴ ꓠꓬ ꓘꓶꓽ ꓢꓶꓽ ꓜꓲ ꓠꓯꓸ ꓘꓪ ꓔꓬ ꓕꓯ ꓥꓪ ꓠꓴꓻ ꓔꓯ ꓟꓳ_ ꓡꓳ꓾ ꓐꓯ_ ꓡꓳ꓿ ꓠ-ꓕ-ꓠꓰ ꓡꓰ ꓬꓲ ꓔꓯ꓾ ꓣ-ꓐꓲꓳ꓾ ꓠꓴ ꓠꓽ ꓪꓴ-ꓢ ꓬꓲ ꓮ ꓐꓲ ꓥ ꓡꓳ꓿ ꓬꓲ-ꓢꓷ-ꓡꓰ ꓪ ꓔꓲ ꓠꓬ ꓠꓴ ꓥ ꓡꓳ꓾ ꓐꓯ_ ꓡꓳ꓿ ꓬꓰ-ꓢꓴ ꓡꓰ ꓬꓲ ꓔꓯ꓾ ꓥꓪ ꓠꓴꓻ ꓔꓯ꓾ ꓘꓶꓽ ꓢꓶꓽ ꓜꓲ ꓠꓯꓸ ꓘꓪ ꓔꓬ ꓕꓯ ꓥꓪ ꓠꓴ ꓔꓯ ꓟꓳ_ ꓡꓳ꓾ ꓐꓰ ꓐꓯ_ ꓟ ꓗꓪ ꓐꓰ ꓠꓴ ꓙꓵꓻ_ ꓡꓺꓽ꓿ ꓕꓱ ꓟ ꓕꓯ ꓢꓲ ꓪꓴꓽ_ ꓡꓳ ꓫꓵꓽ ꓠꓴ ꓟꓳ_ ꓥꓳ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ꓾ ꓥꓪ ꓔꓱꓹ ꓔꓱ_ ꓐꓰ ꓠꓴ ꓔꓯ ꓐꓯ ꓖꓶ_ ꓠꓬꓲ꓾ ꓟꓴ ꓗꓪ ꓒꓴ ꓡ_ ꓟ_ ꓐꓰ ꓪꓴ-ꓢ ꓬꓲ ꓟꓴ ꓗꓪ ꓝꓲ ꓓꓴ ꓐꓴ ꓠꓬ ꓡ ꓞꓳ ꓮ ꓐꓲ ꓕꓯꓽ ꓢꓲ ꓗꓪ ꓓꓯ ꓓꓯ ꓬꓯꓼ ꓬꓯꓼ ꓬꓰ ꓔꓬ_ ꓟ ꓔꓯ ꓠꓴ ꓪꓽ ꓟꓳ_ ꓥꓳ꓾ ꓐꓯ_ ꓡꓳ꓿