ꓒ-ꓡꓲ-ꓢꓷ_ ꓐꓰ ꓝꓲꓸ ꓫ ꓢꓴ ꓔꓯ ꓥꓳꓽ

 ꓚꓲ ꓛꓬ ꓙꓲ ꓫꓬ_ ꓟ ꓔꓯ ꓦ ꓡꓱ ꓔ ꓢꓲ꓾ ꓠꓱ ꓐꓯꓼ ꓢꓴ ꓔꓯ ꓟꓳꓻ ꓟꓽ ꓟꓵ ꓢꓴ ꓔꓯ꓾ ꓬꓲ ꓔꓯꓺ ꓥꓳ ꓡꓰ ꓕꓱ ꓡꓱ ꓐꓯ_ ꓢꓰꓽ ꓡꓳ꓾ ꓡ ꓞꓳ ꓠꓬꓲꓽ ꓣꓳ ꓠꓬ ꓪ ꓘꓴ ꓠꓹ ꓟ ꓢꓲ ꓫꓬ ꓦꓲꓻ ꓗꓪ ꓓꓯ ꓙꓰ_ ꓡꓳ꓿ ꓕꓲ ꓣꓳ ꓠꓬ ꓒ-ꓡꓲ-ꓢꓷ ꓒꓽ ꓥ ꓡꓳ꓿ ꓕꓲ ꓣꓳ ꓠꓬ ꓝꓲꓸ ꓫ ꓢꓴ ꓥ ꓡꓳ꓿ ꓒ-ꓡꓲ-ꓢꓷ ꓒꓽ ꓠꓽ ꓦꓰꓼ ꓞ ꓢꓲ꓾ ꓚꓲ ꓛꓬ ꓔꓯ ꓫ ꓕꓱ_ ꓟ_ ꓡꓰ ꓐꓰ꓾ ꓕꓱ ꓡꓱ ꓪ ꓘꓴ_ ꓡꓳ꓾ ꓪꓴ-ꓢꓺꓳ꓾ ꓥꓪ ꓠꓽ ꓠꓱ ꓐꓯ ꓡ ꓞꓳ꓾ ꓢꓴ ꓔꓯ ꓘꓳꓹ ꓜꓽ ꓢꓴ꓾ ꓟꓽ ꓙꓲ ꓫꓬ ꓢꓴ꓾ ꓦꓬꓽ ꓛꓳ ꓧꓪ ꓢꓴ_ ꓡꓰ ꓐꓰ ꓟꓽ ꓗꓹ꓿ ꓝꓮꓲ ꓠꓬ ꓝꓲꓸ ꓫ ꓢꓴ ꓕꓱ ꓕꓲ ꓣꓳ_ ꓡꓰ ꓐꓰ_ ꓟꓲ ꓟꓽ ꓗꓹ ꓠꓬꓲ꓾ ꓥꓪ ꓠꓴ ꓔꓯ ꓫ ꓟꓳ꓿ ꓥꓪ ꓠꓬ ꓕꓲ ꓠꓽ ꓗꓪ ꓜ ꓓꓴ ꓟꓽ ꓜꓽ ꓠꓬꓲꓽ ꓧꓪꓹ ꓬꓰ_ ꓡꓳ꓿ ꓥꓪ ꓟꓶ_ ꓟ ꓥ ꓕ ꓑꓳ ꓗꓪ ꓐꓰ ꓞꓲꓻ ꓐꓱ ꓕꓲ ꓐꓱ ꓡꓲꓸ ꓖꓶ_ ꓡꓳ꓾ ꓐꓯ_ ꓡꓳ꓿ ꓝꓲꓸ ꓫ ꓢꓴ ꓖꓳ ꓕꓲ ꓣꓳ ꓠꓽ ꓶꓽ ꓤ ꓗꓪ ꓦꓰꓼ ꓞ ꓢꓲ꓾ ꓟꓴ ꓗꓪ ꓗꓪ ꓔꓺ ꓥ ꓟꓴ ꓡꓳꓸ ꓟꓽ ꓑꓶꓸ ꓑꓶꓸ ꓳꓹ ꓟꓶ ꓓꓶꓽ ꓢꓲ ꓕꓱ ꓡꓱ ꓐꓯ_ ꓡꓳ꓾ ꓪꓴ-ꓢꓺꓳ꓾ ꓝꓴꓲ ꓙꓳ ꓢꓴ ꓥꓪ ꓔꓯ ꓫꓱꓸ ꓤ ꓡꓯ꓾ ꓐꓯ_ ꓡꓳ꓿ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓕꓱ ꓕꓲ ꓣꓳ ꓬꓲ ꓦꓲꓻ ꓗꓪ ꓬꓲꓼ ꓙꓰ ꓠꓬ꓾ ꓖꓳ ꓕꓲ ꓣꓳ ꓢꓶꓸ ꓟꓽ ꓞꓲ ꓙꓲ ꓫꓬ_ ꓟ ꓚꓬꓹ ꓪ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓚꓲ ꓛꓬ ꓔꓯ ꓓꓳ ꓟꓴꓹ ꓢꓴ ꓥ ꓕ ꓑꓳ ꓠꓬ ꓱ ꓡꓰ_ ꓥꓳ꓾ ꓚꓲ ꓛꓬ ꓙ ꓣꓳ ꓢꓴ ꓠꓬ ꓓꓳꓹ ꓟꓴ_ ꓟ ꓟꓶ_ ꓥꓳ꓾ ꓐꓯ_ ꓡꓳ꓿  ꓡꓴ-ꓘ ꓕꓳꓽ ꓶ 18: 9-14

 

Add new comment

3 + 0 =