ꓒ-ꓡꓲ-ꓢꓷ ꓐꓴ ꓔꓯ ꓕꓼ_ ꓟ

 ꓬꓰ-ꓢꓴ ꓫ ꓕꓱ ꓔꓬ_ ꓕꓯ꓾ ꓒ-ꓡꓲ-ꓢꓷ ꓡ ꓞꓳ ꓕꓲ ꓣꓳ ꓡꓰ ꓬꓲ ꓔꓯ ꓜ ꓜꓽ ꓡꓯ꓾ ꓐꓰ ꓘꓴ_ ꓡꓳ꓿ ꓖꓳ ꓡꓱ ꓠꓬꓲ ꓬꓲ ꓓꓵꓽ ꓡꓰ ꓢꓲ꓾ ꓜ ꓜꓽ_ ꓐꓰ ꓠꓬꓲꓸ ꓠ_ ꓡꓳ꓿ ꓜ ꓟꓽ ꓜꓽ ꓕꓯ ꓡꓰ ꓬꓰ-ꓢꓴ ꓡꓯ ꓒꓯ ꓟꓽ ꓞꓲꓽ ꓟꓽ ꓡꓯꓹ ꓟ ꓔꓯ ꓒ-ꓡꓲ-ꓢꓷ ꓒꓽ ꓟꓳ ꓗꓷ ꓠꓬ꓾ ꓬꓲ ꓓꓵ ꓙ ꓟꓶ_ ꓡꓳ꓿ ꓢꓲꓺ ꓒ ꓡꓰ ꓬꓲ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓮ ꓟꓶ ꓠꓴ ꓪ ꓒ-ꓡꓲ-ꓢꓷ ꓡ ꓞꓳ ꓠꓬ꓾ ꓡꓴ ꓗꓶꓸ_ ꓐꓰ ꓐꓯꓻ ꓕꓯ ꓢꓲ ꓗꓪ ꓫꓬꓻ ꓫꓬ_ ꓡꓰꓽ ꓞꓲꓽ_ ꓡꓳ꓿ ꓖꓳ ꓡꓱ ꓥ_ ꓟꓲ ꓠꓴ ꓪ ꓠꓯꓸꓼ ꓗꓪ ꓠꓽ꓾ ꓢꓴ ꓔꓯ ꓜꓲꓻ ꓞꓳꓹ ꓜꓽ_ ꓟ_ ꓐꓰ ꓥꓶ_ ꓟ ꓐꓲꓺ ꓞ_ ꓡꓳ꓿ ꓞꓳ ꓙꓲꓽ ꓐꓴꓳ꓾ ꓕꓯ ꓢꓲ ꓟ ꓚꓰꓼ ꓢꓴ ꓠꓬ ꓠꓯꓸꓼ ꓗꓪ ꓟ_ ꓟꓲ ꓬꓲ ꓟꓽ ꓚꓰꓼ ꓡꓺꓽ꓿ ꓢꓴ ꓔꓯ ꓓꓰꓽ ꓖꓶ_ ꓟ ꓠꓬ꓾ ꓠꓯꓸꓼ ꓗꓪ ꓟ ꓠꓲꓹ ꓙ ꓟꓬ ꓗꓳ_ ꓟ ꓡꓰ ꓖꓶ ꓠꓯ_ ꓡꓳ꓿ ꓠꓬꓲ ꓠꓹ꓾ ꓠꓴ ꓪ ꓐꓱ ꓶ ꓮ ꓫꓵ_ ꓟꓲ ꓫꓬꓻ_ ꓟ ꓥ ꓡꓳ꓿  ꓡꓴ-ꓘ ꓕꓳꓽ ꓶ 11: 37-41