ꓒ-ꓡꓲ-ꓢꓷ ꓐꓴ ꓔꓯ ꓕꓼ_ ꓟ

ꓡꓴ-ꓘ ꓕꓳꓽ ꓶ 11: 42-46
ꓒ-ꓡꓲ-ꓢꓷ ꓐꓴꓳ꓾ ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓑꓴꓸ ꓧꓳꓺ_ ꓐꓰ ꓠꓸ ꓐꓳꓽ ꓪꓳꓽ_ ꓐꓰ ꓪꓳꓽ ꓫꓵꓽ ꓪꓳꓽ ꓙꓰꓽ ꓞꓲ ꓐꓱ ꓕꓲ ꓐꓱ ꓡꓰ ꓪꓴ-ꓢ ꓔꓯ ꓔꓲ ꓖꓶ_ ꓡꓳ꓿ ꓖꓳ ꓡꓱ ꓥ_ ꓟꓲ ꓪꓴ-ꓢ ꓔꓱꓹ ꓜꓳ_ ꓟ_ ꓐꓰ ꓠꓵꓻ ꓠꓲꓹ ꓔꓯ ꓠꓴ ꓪ ꓡꓳꓸ ꓘꓳ ꓙꓰ_ ꓡꓳ꓿ ꓕꓱ ꓟ ꓠꓽ ꓠꓴ ꓪ ꓬꓰ ꓠꓯ_ ꓟ ꓥ ꓡꓳ꓿ ꓖꓳ ꓟꓬ ꓟ_ ꓟꓲ ꓟꓽ ꓬꓰ ꓕꓽ ꓗꓷ ꓡꓰ ꓝꓲ꓿ ꓒ-ꓡꓲ-ꓢꓷ ꓐꓴꓳ꓾ ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ꓾ ꓜꓲꓼ ꓦ ꓗꓪ ꓒꓵꓽ_ ꓟ ꓠꓬꓲꓸ ꓠꓸ ꓖꓴ_ ꓐꓰ꓾ ꓙꓵꓺ ꓗꓪ ꓢꓴ ꓡꓰ ꓒꓵꓽ ꓗ ꓬꓰ ꓡ_ ꓟ ꓔꓯ ꓠꓲꓹ ꓫꓵ_ ꓡꓳ꓿ ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓬ꓾ ꓢꓴ ꓚꓬꓹ ꓟꓽ ꓪ ꓢꓲ꓾ ꓕꓯ ꓢꓲ ꓗꓪ ꓫꓱꓽ ꓗꓳꓸ ꓙꓰ ꓗꓷ_ ꓟꓲ ꓡꓳꓸ ꓟꓽ ꓓꓳ ꓡ ꓟ ꓡꓱ ꓜꓴ_ ꓡꓰ ꓐꓰ ꓗ_ ꓡꓳ꓾ ꓐꓯ_ ꓡꓳ꓿ ꓙꓵꓽ ꓗ ꓒ ꓐꓴ ꓗꓪ ꓟ ꓕꓲ ꓣꓳ ꓡꓰ ꓬꓰ-ꓢꓴ ꓔꓯ꓾ ꓟꓸ ꓒꓽꓳ꓾ ꓠꓴ ꓕꓱ ꓡꓱ ꓐꓯ_ ꓟ ꓠꓬ ꓥꓪ ꓠꓴꓽ ꓔꓯ_ ꓟꓲ ꓕꓼ ꓬꓯ_ ꓡꓳ꓾ ꓐꓯ_ ꓡꓳ꓿ ꓬꓰ-ꓢꓴ ꓡꓰ꓾ ꓙꓵꓽ ꓗ ꓒ ꓐꓴ ꓠꓴ ꓪ_ ꓟꓲ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓢꓴ ꓔꓯ ꓟꓯꓻ ꓫꓸ_ ꓟ ꓶꓻ ꓟꓯ ꓝꓲ_ ꓡꓳ꓿ ꓠꓴ ꓪ ꓚꓲ ꓛꓬ ꓠꓽ ꓶꓻ ꓔꓯ ꓟꓯꓻ ꓙ ꓠꓹ ꓟ ꓡꓯꓼ ꓠꓬꓲ ꓕꓲ ꓠꓬꓲ_ ꓟꓲ ꓡꓵꓺ ꓠꓲꓹ ꓟꓽ ꓫꓵ꓿

Add new comment

4 + 10 =